ນາຍພົນສະຫະລັດຄົນໜຶ່ງ ຢູ່ທີ່ນະຄອນຫຼວງ Kabul ກ່າວໃນ
ວັນພະຫັດວານນີ້ ກຸ່ມທາລິບານກຳລັງແຕກແຍກກັນ ຢູ່ໃນ
ແຂວງ Helmand ທີ່ຮູ້ກັນດີວ່າ ເປັນທີ່ໝັ້ນອັນເຂັ້ມແຂງຂອງ
ພວກເຂົານັ້ນ.
ນາຍພົນ Wilson Shoffner ກ່າວຕໍ່ບັນດານັກຂ່າວລະຫວ່າງ
ການໂອ້ລົມ ທາງໂທລະສັບວ່າ ສະຫະລັດ ກຳລັງມອງເຫັນວ່າ
“ມີການປາກົດໂຕຂື້ນມາ ຂອງສາມກຸ່ມທາລິບານ ດ້ວຍກັນ” ຢູ່
ທາງພາກເໜືອໃນແຂວງ Helmand ແລະທັງສາມກຸ່ມທີ່ແຕກ
ຕ່າງກັນນີ້ ບໍ່ໄດ້ຈົງຮັກພັກດີຕໍ່ ຜູ້ນຳຂອງກຸ່ມທາລິບານ ໃນອັຟ
ການິສຖານ Mullah Akhtar Mohammad Mansour.
ນາຍພົນ Shoffner ກ່າວວ່າ “ການແຕກແຍກອອກໃນໄລຍະບໍ່ເທົ່າໃດເດືອນທີ່ຜ່ານມານີ້
“ອາດຈະອຳນວຍໂອກາດ ໃຫ້ມີການປະນີປະນອມ” ກັບລັດຖະບານອັຟການິສຖານ ຫລື
ມັນອາດຈະເປັນໂອກາດໃຫ້ພວກນັກລົບລັດອິສລາມ Kho-rasan ພະຍາຍາມແຊກຊຶມ
ເຂົ້າໄປສູ່ກຸ່ມຕ່າງໆທາລິບານ.
ນາຍພົນ Shoffner ກ່າວຕື່ມວ່າ “ນັ້ນອາດຈະເປັນຜົນຮັບ ແຕ່ວ່າ ພວກເຮົາກຳລັງມອງ
ເຫັນວ່າ ໃນຂັ້ນຕົ້ນນີ້ ມັນຈະເກີດຂື້ນຢູ່ທາງພາກຕາເວັນອອກ ຫຼາຍກວ່າພວກເຮົາເຫັນຢູ່
ໃນແຂວງ Helmand."
ກຸ່ມລັດອິສລາມໄດ້ກຳນົດວ່າ ອັຟການິສຖານ ປາກິສຖານ ແລະສ່ວນນຶ່ງຂອງອີຣ່ານ ເປັນ
ໃນອັນທີ່ເອີ້ນວ່າ ແຂວງ Khorasan ຂອງຕົນ.
ສະຫະລັດຍັງສືບຕໍ່ຈັບຕາເບິ່ງ ກຸ່ມຕ່າງໆຂອງທາລິບານຢູ່ໃນແຂວງ Helmand “ຢ່າງໃກ້
ຊິດ."
