ກຸ່ມທາລິບານ ໃນອັຟການິສຖານ ໄດ້ປະກາດໃນວັນສຸກມື້ນີ້ວ່າ
ສະພາສູງສຸດ “shura” ໄດ້ເລືອກເອົາ Mullah Akhtar Man-
soor ເປັນຫົວໜ້າກຸ່ມກະບົດຄົນໃໝ່ຂອງອັຟການິສຖານ ນຶ່ງມື້
ຫລັງຈາກມີລາຍງານຢັ້ງຢືນ ເຖິງການຕາຍຂອງ Mullah Omar ຜູ້ກໍ່ຕັ້ງກຸ່ມກະບົດດັ່ງກ່າວ.
ການປະກາດເປັນພາສາ Pashto ໃນວັນສຸກມື້ນີ້ ໄດ້ຖືກສົ່ງໂດຍ
ອີແມລມາຫາ ວີໂອເອ ໂດຍໂຄສົກຂອງກຸ່ມທາລິບານ ທ້າວ
Zabihullah Mujahid. ຜູ້ນຳຄົນໃໝ່ Mullah Akhtar Man-
soor ເຄີຍຮັບໜ້າທີ່ ເປັນຮອງ Mullah Omar ມາກ່ອນ ແລະ
ເຄີຍເປັນຫົວໜ້າ ກິດຈະການດ້ານການເມືອງ ແລະທະ ຫານຂອງກຸ່ມທາລິບານ.
ການປະກາດກ່າວວ່າ ທ້າວ Maulvi Haibatullah Akundzada ແລະ ທ້າວ Maulvi
Sirajuddin Haqqani ໄດ້ຖືກແຕ່ງຕັ້ງໃຫ້ເປັນຮອງທ້າວ Mansoor.
ທ້າວ Sirajuddin Haqqani ໄດ້ເປັນຜູ້ນຳພາມາເປັນເວລາດົນນານແລ້ວ ໃນ ອັນທີ່ຮ້ອງ
ວ່າ ຕາໜ່າງ Haqqani ກຸ່ມຫົວຮຸນແຮງທີ່ເປັນພັນທະມິດ ກັບ ທາລິບານ ແລະມີຖານ
ປະຕິບັດງານຢູ່ໃນ Waziristan ເໜືອ ນຶ່ງໃນເຂດຊົນເຜົ່າປາ ກິສຖານທີ່ຢູ່ຕາມຊາຍແດນ
ຕິດກັບອັຟການິສຖານນັ້ນ. ຕາໜ່າງ Haqqani ໄດ້ ຖືກຖິ້ມໂທດໃສ່ວ່າ ເປັນຜູ້ໂຈມຕີຮ້າຍ
ແຮງຫລາຍຄັ້ງຕໍ່ບັນດາກຳລັງປະສົມແລະ ລັດຖະບານອັຟການິສຖານ ໃນລະຫວ່າງສົງຄາມ.
ແຫລ່ງຂ່າວທາລິບານ ລະບຸ ທ້າວ Maulvi Haibatullah Akhunzada ວ່າເປັນອະດີດ
ຫົວໜ້າສານໃນລະຫວ່າງການປົກຄອງຂອງທາລິບານ ໃນອັຟການິສຖານ ກ່ອນປີ 2001.
ເຖິງແມ່ນຊ່ອງທາງການຕິດຕໍ່ຂອງເຈົ້າໜ້າທີ່ທາລິບານໄດ້ປະກາດວ່າ Mullah Mansoor
ເປັນຜູ້ນຳຄົນໃໝ່ກໍຕາມ ແຕ່ແຫລ່ງຂ່າວທາລິບານ ກໍກ່າວວ່າ ການເປັນຜູ້ນຳຂອງລາວ
ແມ່ນໄດ້ຮັບການທ້າທາຍ ຈາກພວກສາຂາຈຳນວນນຶ່ງ ທີ່ຢາກໃຫ້ Mullah Yaqoub ລູກ
ຊາຍກົກຂອງ Mullah Omar ຂຶ້ນເປັນຜູ້ນຳ ຄົນໃໝ່ແທນ.
ໃນວັນພະຫັດວານີ້ ລັດຖະບານປາກິສຖານ ໄດ້ປະກາດວ່າ ການເຈລະຈາສັນ ຕິພາບຂອງ
ກຸ່ມດັ່ງກ່າວ ກັບລັດຖະບານອັຟການິສຖານ ໄດ້ເລື່ອນເວລາອອກ ໄປ ຫລັງຈາກກຸ່ມທາລິ
ບານ ຢືນຢັນວ່າ Mullah Omar ຜູ້ນຳມາເປັນເວລາ ດົນນານຂອງຕົນ ໄດ້ເສຍຊີວິດ
ຍ້ອນການເຈັບປ່ວຍ.
ກຸ່ມທາລິບານ ຍັງບໍ່ໄດ້ແຈ້ງໃຫ້ຊາບເທື່ອວ່າ ເວລາໃດລາວໄດ້ເສຍຊີວິດ ແຕ່ວ່າລັດຖະ
ບານອັຟການິສຖານ ອ້າງວ່າ ທ້າວ Omar ໄດ້ເສຍຊີວິດສອງປີກ່ອນ ຢູ່ໂຮງໝໍນະຄອນ Karachi.
