ເບິ່ງວີດີໂອ ລາຍງານພາສາລາວ:
ເມືອງຫລວງຂອງອີຣ່ານແລະຕາຈີກີສຖານນັ້ນ ຢູ່ຫ່າງໄກກັນນຶ່ງພັນກິໂລແມດ ແຕ່ເມື່ອເວລາປະທານາທິບໍດີຂອງສອງປະເທດນີ້ພົບປະກັນ ພວກເຂົາເຈົ້າບໍ່ຈໍາເປັນຕ້ອງໃຊ້ນາຍພາສາ.
ພວກເຂົາເຈົ້າເປັນຜູ້ນໍາສອງປະເທດທີ່ປາກເວົ້າພາສາເປີເຊຍເປັນສ່ວນໃຫຍ່ຂອງໂລກ ທີ່
ເຊຶ່ອມໂຍງໃສ່ກັນຜ່ານພວກປາກເວົ້າພາສາ Dari ຂອງອັຟການີສຖານ.
ເມື່ອເວລາສະຫະພາບໂຊວຽດພັງທະລາຍລົງນັ້ນ ອິຣ່ານເປັນປະເທດທໍາອິດທີ່ຮັບຮູ້ຄວາມ
ເປັນເອກະລາດຂອງຕາຈີກີສຖານ ແລະທຸງຊາດຂອງອິຣ່ານກໍໄດ້ເປັນຕົວແບບສໍາລັບທຸງຊາດ
ຂອງຕາຈີກີສຖານ.
ທ່ານ Muhiddin Kabiri ເປັນຫົວໜ້າພັກຟື້ນຟູອີສລາມຄືນໃໝ່ ຫລືພັກ Islamic Renewal
“ ພວກເຮົາເປັນ ຊົນຊາດທີ່ເປັນນຶ່ງດຽວກັນ. ມັນເປັນເລື່ອງບັງເອີນທີ່ວ່າ ພວກ
ເຮົາອາໃສຢູ່ໃນດິນແດນແຫ່ງນີ້ທີ່ເອີ້ນວ່າ ຕາຈີກີສຖານ ແລະຊາວອິຣ່ານກໍອາ
ໃສຢູ່ໃນອີກລັດນຶ່ງ ຖ້າຫາກພວກເຮົາບໍ່ຄໍານຶງ ເຖິງທັດສະນະທາງສາສະໜາທີ່
ແຕກຕ່າງກັນຂອງພວກເຮົາ ຄືຊາວອິຣ່ານ ເປັນນິກາຍ Shi’ite ແລະຊາວຕາຈີກ
ເປັນນີກາຍຊຸນນີນັ້ນແລ້ວ ພວກເຮົາ ກໍແມ່ນມີປະວັດສາດຮ່ວມກັນ ມີວັນນະຄະດີ
ຮ່ວມກັນ ມີສາສະໜາແລະພາສາດຽວກັນ.”
ທ່ານ Mahmoud Ahmadinejad ປະທານາທິບໍດີອິຣ່ານ ທີ່ໄດ້ໄປຢ້ຽມຢາມຕາຈີກີສ
ຖານຢູ່ເລື້ອຍໆນັ້ນ ເອີ້ນເລື້ອງນີ້ວ່າ ຈິດວິນຍານນຶ່ງດຽວທີ່ສິງຢູ່ໃນສອງຮ່າງກາຍ.
ປະທານາທິບໍດີອິຣ່ານໄປຕາຈີກິສຖານເມື່ອເດືອນກັນຍາທີ່ຜ່ານມາ ເພື່ອທໍາພິທີເປີດໂຮງ
ໄຟຟ້ານໍ້າຕົກ ແລະເຊັນສັນຍາສະບັບນຶ່ງສໍາລັບໂຄງການທີ່ສອງ ຊຶ່ງອິຣ່ານຈະເປັນຜູ້ດໍາ
ເນີນການໂຮງງານທັງສອງແຫ່ງ ໄປຈົນກວ່າ ຈະໄດ້ເງິນລົງທຶນຂອງຕົນຄືນມາທັງໝົດຈາກ
ການຂາຍກະແສໄຟຟ້າ.
ທ່ານ Sayfullo Safarov ເປັນ
ຮອງຜູ້ອໍານວຍການສູນກາງສຶກ
ສາຍຸທະສາດຂອງຕາຈີກີສຖານ
ຊຶ່ງເປັນສູນກາງຄົ້ນຄວ້າທີ່ເຊຶ່ອມ
ໂຍງກັບລັດຖະບານນັ້ນ. ທ່ານ
ເຊຟູລໂລ ກ່າວວ່າ:
“ຜົນປະໂຍດຕ່າງໆທາງເສດ
ຖະກິດຂອງພວກເຮົາບວກ
ກັບການພັດທະ ນາດ້ານພະ
ລັງງານ ດ້ານການຄ້າ ແລະ
ດ້ານວັດທະນະທໍາ ແມ່ນສອດຄ່ອງ ຕ້ອງກັນ.”
ເວລານີ້ ທັງອິຣ່ານແລະຈີນ ແມ່ນເປັນຜູ້ລົງທຶນລາຍໃຫຍ່ທີ່ສຸດໃນຕາຈີກີສຖານ.
ຈີນແລະອິຣ່ານ ມີແຜນການທີ່ຈະສ້າງທາງລົດໄຟເຊຶ່ອມໂຍງຫາກັນ ໂດຍຜ່ານຕາຈີກີສຖານ.
ແຕ່ກໍມີໜ້ອຍຄົນທີ່ເຊຶ່ອວ່າ ຣັດເຊຍ ທີ່ເປັນອໍານາດຄອບງໍາໃນຂົງເຂດນີ້ ມາໄດ້ຫລາຍກວ່ານຶ່ງສັດຕະວັດແລ້ວນັ້ນ ຈະເລືອນຫາຍໄປງ່າຍໆ.
ພັກ Islamic Party ຂອງທ່ານ Kabiri ເຮັດວຽກຢ່າງໄກ້ຊິດກັບພວກຄົນ ງານຊາວຕາຈີກຢູ່ ໃນຣັດເຊຍ. ທ່ານ Kabiri ກ່າວວ່າ:
“ອິຣ່ານແມ່ນບໍ່ມີວັນທີ່ຈະເຂົ້າມາແທນທີ່ຣັດເຊຍໄດ້. ໃນທໍານອງດຽວກັນ ຣັດເຊຍກໍຈະບໍ່ເຂົ້າມາແທນທີ່ອິຣ່ານໄດ້ເຊ່ນກັນ ແຕ່ລະປະເທດມີບົດບາດ ແລະຖິ່ນຂອງໃຜຂອງມັນ. ພວກເຮົາກໍມີພົນລະເມືອງຂອງພວກເຮົາຫລາຍ ກວ່ານຶ່ງລ້ານຄົນຢູ່ໃນຣັດເຊຍ.”
ແຕ່ໃນໄລຍະຍາວແລ້ວ ການປົກຄອງຢູ່ທີ່ນີ້ມາດົນນານເຖິງນຶ່ງສັດຕະວັດ ຂອງຣັດເຊຍນັ້ນ ກໍອາດຈະຄ່ອຍໆຖືກບົດບັງໂດຍປະວັດສາດທີ່ຕາຈິກີສ ຖານ ມີຮ່ວມກັນກັບຈັກກະພັດເປີເຊຍ ຫລືອິຣ່ານ ມາດົນນານເຖິງ 2,500 ປີນັ້ນ.
ທ່ານ Zafar Abdullayev ຜູ້ຂຽນຄວາມເຫັນຫລືຂ່າວລົງໃນເວັບໄຊ້ທີ່ນິຍົມປະຊາທິປະໄຕໃນຕາຈີກິສຖານ ເຊຶ່ອວ່າ ການສ້າງຕັ້ງຕະຫລາດຮ່ວມທີ່ປອດວິຊ່ານັ້ນ ແມ່ນເປັນໄປໄດ້ສໍາລັບອິຣ່ານແລະຕາຈິກີສຖານ. ທ່ານ Abdullayev ກ່າວວ່າ:
“ເມື່ອໃດທີ່ລັດຖະບານຫລືສັງຄົມອິຣ່ານຫາກເປັນປະຊາທິປະໄຕຫລາຍຂຶ້ນ ແລະມີການຜ່ອນຜັນຫລາຍຂຶ້ນຕໍ່ປະເທດອື່ນໆໃນໂລກແລ້ວນັ້ນ ຂັ້ນຕອນນີ້ກໍຈະສືບຕໍ່ກວ້າງໄກອອກໄປອີກ ແລະກໍຈະມີທາງເປັນໄປໄດ້ ທີ່ວ່າຍິ່ງຈະມີຄວາມສໍາພັນທີ່ໃກ້ຊິດກັນຂຶ້ນກວ່າເກົ່າ.”
ຫລັງຈາກການພັງທະລາຍລົງຂອງອໍານາດໂຊຫວຽດໃນຂົງເຂດເອເຊຍກາງ ແລ້ວ ທ່ານ Abdullayev ກ່າວວ່າ ບັດນີ້ ມັນເປັນຜຽນຂອງອິຣ່ານທີ່ຈະເປີດກ້ວາງໃຫ້ມີເສລີພາບຫລາຍຂຶ້ນ ຖ້າຫາກສອງປະເທດພີ່ນ້ອງທີ່ປາກເວົ້າພາສາເປີເຊຍນີ້ ຢາກມີຄວາມສໍາພັນທີ່ຈິງໃຈແລະສະບາຍໃຈນໍາກັນ.
ເບິ່ງວີດີໂອ ລາຍງານພາສາອັງກິດ:
