ບັນດາໄອຍະການສານຂອງໄຕ້ຫວັນ ໄດ້ດຳເນີນຄະດີຕໍ່ພວກ
ທີ່ປະກອບສ່ວນເຂົ້າກັບການປະທ້ວງທີ່ພວກສຶກສາເປັນຜູ້ນຳພາ
ທີ່ໄດ້ຄວບຄຸມສະພາຍັດຕິບັນຍັດຂອງໄຕ້ຫວັນ ເປັນເວລາຫຼາຍໆ
ສັບປະດາ ໃນປີກາຍນີ້.
ອົງການຂ່າວຂອງລັດ ກ່າວວ່າ ມີ 118 ຄົນໄດ້ຖືກຟ້ອງຮ້ອງ
ໃນວັນອັງຄານມື້ນີ້ ໃນຫຼາຍກະໂທງ ຊຶ່ງຮວມທັງ ການບຸກລະເມີດ,
ລົບກວນ ກີດຂວາງເວລາລາດຊະການ ແລະຍຸຍົງໃຫ້ຜູ້ອື່ນ
ກະທຳການບໍ່ດີບໍ່ຮ້າຍ.
ໃນບັນດາຂອງພວກທີ່ຖືກຟ້ອງຮ້ອງດຳເນີນຄະດີ ແມ່ນພວກ
ຜູ້ນຳນັກສຶກສາ ທ່ານ Lin Fei-Fan ແລະທ່ານ Chen Wei-ting ຮວມທັງບັນດານັກວິໄຈແລະອາຈານມະຫາວິທະຍາໄລທ່ານ Huang Kuo-chang ນຳ.
ການເດີນຂະບວນປະທ້ວງ ໄດ້ເຂົ້າເຖິງຕຶກສະພາຍັດຕິບັນຍັດ ແລະໃຊ້ເວລາ 23 ມື້ ນັ່ງຍາວ ຜູ້ຕໍ່ໜ້າຕຶກ ເພື່ອຮຽກຮ້ອງໃຫ້ຍົກເລີກການຄ້າກັບຈີນ.
ໃນທີ່ສຸດ ພວກປະທ້ວງທັງຫຼາຍ ກໍໄດ້ຖອຍອອກ ຫຼັງຈາກທີ່ທາງລັດຖະບານໃຫ້ຄຳໝັ້ນສັນຍາ ທີ່ຈະພິດຈາລະນາຮ່າງຍັດຕິທີ່ວ່ານີ້ ແລະໃຫ້ຄວາມໂປ່ງໃສເພີ້ມຂຶ້ນ ກັບການຄ້າກັບປັກກິ່ງ.
ຍັດຕິດັ່ງກ່າວ ພາຍໃຕ້ຂໍ້ຕົກລົງລະຫວ່າງບັນດາບໍລິສັດໃຫ້ບໍລິການທັງຫຼາຍໆຂອງຈີນແລະໄຕ້ຫວັນ ຈາສາມາດເພີ້ມການລົງທຶນ ໃນເຂດປົກຄອງຂອງແຕ່ລະປະເທດ ຊຶ່ງຍັງຄາລາຄາຊັງຢູ່ໃນສະພາຍັດຕິບັນຍັດ ນັ້ນ.
ບັນດາພວກປະທ້ວງ ເປັນທີ່ຮູ້ກັນດີ ໃນອັນທີ່ເອີ້ນວ່າ ການຄື່ອນໄຫວ ດອກຕາເວັນ ຫຼື Sunflower Movement ທີ່ສະແດງອອກເຖິງຄວາມເປັນຫວ່ງເປັນໃຍ ກ່ຽວກັບການຂະຫຍາຍຕົວຂອງຈີນ ທີ່ມີອິດທິພົນຕໍ່ໄຕ້ຫວັນ.
