ລິ້ງ ສຳຫລັບເຂົ້າຫາ

ພວກປະທ້ວງ ໄຕ້ຫວັນ ຮຽກຮ້ອງໃຫ້ ລັດຖະບານ ຍົກເລີກ ຂໍ້ຕົກລົງ ການຄ້າ ກັບຈີນ (ສະໄລດ໌/ວີດີໂອ)


ພວກນັກສຶກສາໄຕ້ຫວັນ ພາກັນນອນຢູ່ໃນຫ້ອງສະພາ
ພວກ​ປະ​ທ້ວງຫລາຍ​ຮ້ອຍ​ຄົນ ​ພາກັນ​ບຸກ​ເຂົ້າ​ໄປໃນສະພາ
ໄຕ້ຫວັນ ເພື່ອ​ຮຽກຮ້ອງ ​ໃຫ້ລັດຖະບານ ຍົກເລີກ ຂໍ້ຕົກລົງ
ການຄ້າ​ກັບຈີນ.

ພວກ​ປະ​ທ້ວງ ພາກັນ​ມ້າງ​ປະ​ຕູໂຂງເຫລັກ​ໃຫຍ່​ໃນ​ຂະນະ​ທີ່​
ເຂົາ​ເຈົ້າ​ພາກັນ​ບຸກ​ເຂົ້າ​ໄປ ໃນຫ້ອງ​ປະຊຸມສະພາ ​ໃນ​ຕອນ
​ແລງ​ຂອງ​ວັນ​ອັງຄານ​ວານ​ນີ້ ​ແລະ​ໃຊ້​ຕັ່ງ​ອີ້ປ້ອງ​ກັນ​ບໍ່ໃຫ້ຕຳ
ຫລວດເຂົ້າມາ.

​ເຂົາ​ເຈົ້າພາກັນ​ປະ​ທ້ວງ ​ຂໍ້ຕົກລົງ​ການ​ຄ້າ​ກັບ​ຈີນ ຊຶ່ງ​ເຂົາ​ເຈົ້າ​
ກ່າວ​ວ່າ​ ຈະ​ເປັນ​ອັນຕະລາຍ​ແກ່ ວຽກ​ການ​ຂອງ​ຊາວ​ໄຕ້​ຫວັນ​
ແລະເຮັດ​ໃຫ້ປັກ​ກິ່ງມີອິດທິພົນເພີ້ມຂຶ້ນ.



​ໂຄສົກ​ຕາງໜ້ານັກ​ສຶກສາ ທີ່ພາກັນປະ​ທ້ວງ​ຄົນ​ນຶ່ງ ທ້າວ Huang Yu-Fen ກ່າວວ່າ
ກຸ່ມ​ຂອງ​ລາວ​ພາກັນ​ເສຍ​ໃຈທີ່ ​ຄະນະ​ກຳມະການ​ຂອງລັດຖະບານ ຮັບຜ່ານການທົບ
ທວນ ກ່ຽວກັບຂໍ້​ຕົກລົງດັ່ງກ່າວ ​ເຖິງ​ແມ່ນໄດ້ມີ​ການ​ປະ​ທ້ວງຂອງ ພວກຝ່າຍຄ້ານ.

​ຄວາມສຳພັນທາງ​ດ້ານເສດຖະກິດ ລະຫວ່າງຈີນກັບໄຕ້ຫວັນ ​ໄດ້ມີຄວາມເຂັ້ມແຂງ
​ ມາ​ໄດ້ຫລາຍ​ປີ​ແລ້ວ. ຄວາມສຳພັນທາງ​ດ້ານ​ການ​ເມືອງ ​ກໍເລີ້ມມີຄວາມ​ອົບ​ອຸ່ນ​ຂື້ນ
ຫລັງຈາກໄດ້ມີການເຈລະຈາຫາລື​ໃນ​ລະດັບ​ສູງ​ຄັ້ງປະຫວັດ​ສາດ​ໃນເດືອນ​ແລ້ວ​ນີ້.

​ແຕ່​ພວກ​ຝ່າຍ​ຄ້ານໄຕ້​ຫວັນ ມີ​ຄວາມ​ເປັນ​ຫ່ວງ​ກ່ຽວ​ກັບ​ອິດທິພົນທີ່ມີຫລາຍເກີນ
ຂອບ​ເຂດຂອງຈີນ. ​ເຂົາ​ເຈົ້າ ສາບານ​ທີ່​ຈະ​ອອກສຽງຄັດຄ້ານຂໍ້ຕົກລົງການຄ້າ ດັ່ງ
ກ່າວແຕ່ກໍບໍ່ມີຄວາມເຂັ້ມແຂງພໍ ທີ່ຈະຂັດຂວາງໄວ້ໄດ້.

XS
SM
MD
LG