ປະທານາທິບໍດີ ໄຕ້ຫວັນ ທ່ານ Ma Ying-jeou ລາອອກຈາກ
ຕຳແໜ່ງ ປະ ທານພັກຈີນຄະນະຊາດ ຊຶຶ່ງເປັນພັກລັດຖະບານ
ທີ່ປົກຄອງປະເທດຢູ່ໃນເວລານີ້ ທີ່ໄດ້ຮັບການປະລາໄຊຢ່າງໜັກ
ໃນການເລືອກຕັ້ງທ້ອງຖິ່ນໃນອາທິດແລ້ວນີ້.
ຖະແຫລງການຂອງພັກ ທີ່ນຳອອກເຜີຍແຜ່ໃນວັນອັງຄານມື້ນີ້
ໄດ້ອ້າງຄຳເວົ້າ ຂອງປະທານາທິບໍດີ Ma ທີ່ກ່າວວ່າ ທ່ານມີ
ຄວາມພໍໃຈທີ່ຈະຮັບເອົາ “ຄວາມຮັບຜິດຊອບຢ່າງສຸດຂີດ” ຕໍ່“
ການປະລາໄຊຄັ້ງໃຫຍ່ແບບທີ່ບໍ່ເຄີຍມີມາກ່ອນ.”
ພັກທີ່ເປັນເພື່ອນມິດກັບປັກກິ່ງ ທີ່ຮູ້ກັນໃນອີກຊື່ນຶ່ງວ່າ
Kuomintang ນັ້ນ ໄດ້ເສຍຕຳແໜ່ງຜູ້ປົກຄອງ ຢູ່ໃນຫົວເມືອງໃຫຍ່ໆ 9 ເມືອງ ແລະບັນດາເຂດເມືອງຫລືຄາວຕີ້ຕ່າງໆຮວມທັງທີ່ໝັ້ນອັນແຂງແກ່ນ ທີ່ນະຄອນຫຼວງໄທເປ
ນຳດ້ວຍ.
ພັກປະຊາທິປະໄຕກ້າວໜ້າ ຊຶ່ງເປັນພັກຝ່າຍຄ້ານທີ່ໃຫຍ່ທີ່ສຸດ ເຄີຍໄດ້ປົກຄອງໄຕ້ຫວັນ
ມາແລ້ວ ແຕ່ປີ 2000 ຫາ 2008 ໄດ້ຍາດເອົາເຈັດຕຳແໜ່ງ.
ການສູນເສຍດັ່ງກ່າວ ຈະເຮັດໃຫ້ພັກຈີນຄະນະຊາດ ໄດ້ຮັບຄວາມເຈັບແສບສຳຫລັບການ
ເລືອກຕັ້ງປະທານາທິບໍດີ ໃນປີ 2016 ເວລາສະໄໝທີສອງ ຊຶ່ງເປັນສະໄໝສຸດທ້າຍໃນ
ການດຳລົງຕຳແໜ່ງເປັນປະທານາທິບໍດີຂອງທ່ານ Ma ສີ້ນ ສຸດລົງ.
