ງານວາງສະແດງດອກໄມ້ນາໆຊາດ ທີ່ໄຕ້ຫວັນ

ງານວາງສະ​ແດງ​ດອກ​ໄມ້ນາໆ​ຊາດ ໄທ​ເປ ຫລື Taipei International Flora Expo ໃຫ້ຄວາມ​ຫວັງທີ່​ຈະ​ເປັນ
ງານວາງສະ​ແດງ​ດອກ​ໄມ້ ທີ່​ຫຍິ່ງໃຫຍ່ອະລັງ​ການທີ່​ສຸດ ໃນ​ບັນ​ດາ​ງານວາງສະ​ແດງ​ດອກ​ໄມ້ ​ທັງໝົດ​ເທົ່າທີ່​ຈັດ​ມາ​
ໃນ​ປະຫວັດສາດ. ດັ່ງ​ທີ່ທ່ານ ດຣ. Doeke Faber ປະທານ​ສະມາຄົມ​ຜູ້​ຜະລິດຕົ້ນ​ໄມ້​ແລະ​ດອກ​ໄມ້ນາໆ​ຊາດ
ໃຫ້​ຄໍາ​ເຫັນ​ວ່າ:

“ພວກເຮົາຫວັງວ່າຈະມີຫລາຍລ້ານຄົນເຂົ້າມາຊົມ
ງານມະຫະກໍາຂອງ ພວກເຮົາ. ນັ້ນຄື ປະສົບການ
ຂອງຂ້າພະເຈົ້າ​ໃນ​ໄລຍະ 50 ປີຜ່ານມາ ແລະ ຂ້າ
ພະເຈົ້າກໍບໍ່ໄດ້​ໄປເຫັນທັງໝົດ ແຕ່ວ່າໃນເຈັ້ຍສໍແລ້ວ
ງານມະຫະກໍາຄັ້ງນີ້ ຖືວ່າດີທີ່ສຸດເທົ່າທີ່ພວກເຮົາໄດ້ ມີມາເທົ່າເຖິງເວລານີ້.”

ຜາມ​ຫລື​ຕຶກວາງ​ສະ​ແດງ 14 ຕຶກ ຢູ່​ໃນ​ບໍລິ​ເວນ​ງານ​ນັ້ນ ​ແມ່ນ​ກວາ​ມ​ເອົາ​ເນື້ອ​ທີ່ 91 ​ເຮັກ
ຕາ ​ແລະ ​ເນັ້ນເຖິງສະຖາປັດຕະຍະ​ກໍາ ແລະ ການວາງສະ​ແດງທີ່ລໍ້າ​ສະ​ໄໝ​. ຜາມ​ວາງສະ
ແດງອັນ​ນຶ່ງ ຊຶ່ງມີ​ຊື່ວ່າ ຜາມ​ແຫ່ງ​ແຟຊັນ​ໃໝ່ ຫລື pavillion of new fashion ນັ້ນ
ແມ່ນ​ເປັນອາຄານ​ທໍາ​ອິດ ທີ່​ໄດ້​ຖືກສ້າງ​ຂຶ້ນໂດຍ​ໃຊ້​ຂີ້​ເຫຍື້ອເຮັດລ້ວນໆ ຄື​ໃຊ້ແກ້ວນໍ້າ PET
ທີ່​ເອົາ​ມາ​ໝຸນ​ໃຊ້​ໃໝ່ 1 ລ້ານ 5 ​ແສນໜ່ວຍ ​ແລະອີກຜາມນຶ່ງ​ທີ່ໂດດ​ເດ່​ນນັ້ນກໍ​ຄື ຜາມ
ແຫ່ງຄວາມ​ຝັນ ຫລື pavillion of dreams ​ຊຶ່ງ​ເຮັດ​ໃຫ້ຜູ້​ເຂົ້າຊົມມີ​ຄວາມ​ຮູ້ສຶກ​ຄື​ກັນ​ກັບ
ເປັນ​ໂຕ​ແມງຄັບ ທີ່ບິນ​ຢູ່ຖ້າມກາງດອກ​ໄມ້ ​ຂະນະທີ່​ເຂົ້າ​ເຈົ້າ​ເດີນທາງ​ຜ່ານໂລກ​ທີ່​ຫ້ອມ​ລ້ອມ
ໄປ​ດ້ວຍ​ດອກ​ໄມ້ ​ແລະແລ່ນ​ຜ່ານທະ​ເລກ້ອນເມກ​ເຝື້ອ ອັນ​ກວ້າງໃຫຍ່.

ເຈົ້າຄອງ​ນະຄອນໄທ​ເປ ທ່ານ Hau Lung-bin ​ເວົ້າວ່າ ງານມະຫະກໍາດອກ​ໄມ້ດັ່ງກ່າວ​ນີ້
ເປັນ​ໂອກ​າດດີ ທີ່​ຈະ​ເຮັດ​ໃຫ້ຊາວ​ໂລກ​ໄດ້​ເຫັນ​ໄຕ້​ຫວັນ. ທ່ານ​ກ່າວຢໍ້າອີກ​ວ່າງານ​ນີ້ ​ແມ່ນ
ສະ​ແດງ​ໃຫ້​ເຫັນ​ເຖິງ​ຄວາມ​ສໍາ​ພັນ​ອັນ​ສວຍງາມ ລະຫວ່າງຄົນ​ກັບທໍາ​ມະ​ຊາດ ​ແລະມັນ​ຍັງ
ເປັນ​ການສະ​ແດງ​ອອກເຖິງ​ຄວາມ​ສາມາດ ​ໃນ​ການຈັດງານ​ວາງສະ​ແດງ​ ​ທີ່ເນັ້ນ​ເຖິງ​ການ​ປົກ
ປ້ອງ​ສິ່ງ​ແວດ​ລ້ອມ, ​ເທັກ​ໂນ​ໂລ​ຈີທີ່ທັນ​ສະ​ໄໝ ​ແລະການມີຫົວຄິດ​ປະດິດ​ສ້າງ​ຂອງ​ໄຕ້ຫວັນ ນໍາ​ອີກ.

ງານວາງສະ​ແດງ​ດັ່ງກ່າວ​ນີ້ ຈະດໍາ​ເນີນ​ໄປ​ເປັນ​ເວລາ 6 ​ເດືອນ ຈົນຮອດ​ວັນ​ທີ 25 ເດືອນ
ເມສາ ​ແລະປະກອບ​ມີ​ການສະ​ແດງ 7 ພັນລາຍການ ​ເຊັ່ນການຮ້ອງ​ເພັງ​ຂອງ​ພວກເດັກ
ນ້ອຍທີ່​ມີ​ພອນ​ສະຫວັນອັນ​ໂດດ​ເດ່​ນ ​ໃນ​ພິທີ​ເປີດ​ເມື່ອ​ວັນ​ເສົາ​ທີ່​ຜ່ານ​ມານີ້.