ການປ່ອນບັດໄດ້ອັດລົງແລ້ວທີ່ໄຕ້ຫວັນ ບ່ອນທີ່ຜູ້ມີສິດປ່ອນບັດ
ໄດ້ພາກັນໄປລົງຄະແນນສຽງໃນວັນເສົາມື້ນີ້ໃນການເລືອກຕັ້ງທີ່
ອາດຈະພາໃຫ້ມີການປ່ຽນແປງ ຄັ້ງປະຫວັດສາດ ຢູ່ໃນໄຕ້ຫວັນ
ຊຶ່ງເປັນນຶ່ງໃນບັນດາປະເທດທີ່ມີປະຊາທິປະໄຕໂດດເດັ່ນທີ່ສຸດ
ໃນເອເຊຍ.
ມີການຄາດໝາຍກັນເປັນຢ່າງສູງວ່າ ທ່ານນາງ Tsai Ing-wen
ຜູ້ສະໝັກທີ່ມີຄະແນນສຽງນຳໜ້າພ້ອມທັງເປັນຜູ້ນຳພັກປະຊາທິ
ປະໄຕກ້າວໜ້າຫຼື DPP ທີ່ເປັນພັກຝ່າຍຄ້ານນັ້ນອາດຈະໄດ້ເປັນ
ປະທານາທິບໍດີແມ່ຍິງຄົນທຳອິດຂອງປະເທດເກາະດັ່ງກ່າວ.
ການຮັບມືກັບຄູ່ການຄ້າທີ່ໃຫຍ່ທີ່ສຸດຂອງໄຕ້ຫວັນຄືຈີນແຜ່ນດິນໃຫຍ່ແລະຊ່ອຍເສີມຂະ
ຫຍາຍຄວາມເຂັ້ມແຂງໃຫ້ແກ່ເສດຖະກິດທີ່ດຳເນີນໄປຢ່າງຜິດພາດ ແລະເງິນເດືອນທີ່ບໍ່ຂຶ້ນເລີຍນັ້ນ ໂດຍສະເພາະສຳລັບພວກຄົນງານທີ່ຍັງໜຸ່ມນ້ອຍແມ່ນສ່ວນນຶ່ງຂອງບັນຫາ
ທ້າທາຍ ທີ່ຜູ້ນຳຄົນຕໍ່ໄປຂອງໄຕ້ຫວັນຈະປະເຊີນ.
ທ່ານ Tsai ໄດ້ໄປປ່ອນບັດ ໃນຕອນເຊົ້າຂອງວັນເສົາມື້ນີ້ ທີ່ໂຮງຮຽນປະຖົມ Hsiu Lang
ທີ່ຕັ້ງຢູ່ນອກອອກໄປຈາກນະຄອນຫຼວງໜ້ອຍນຶ່ງ.
ທ່ານນາງກ່າວວ່າ ພວກເຮົາໄດ້ດຳເນີນການຢ່າງດີທີ່ສຸດແລ້ວ ບັດນີ້ ຜົນຂອງການເລືອກ
ຕັ້ງແມ່ນຢູ່ໃນກຳມືຂອງປະຊາຊົນໄຕ້ຫວັນ ຂ້າພະເຈົ້າມີຄວາມເຊື່ອໝັ້ນ ຄະນະຂອງພວກ
ເຮົາທັງໝົດກໍມີຄວາມເຊື່ອໝັ້ນ ແລະຂ້າພະເຈົ້າເຊື່ອວ່າ ພວກສະໜັບສະໜຸນເຮົາທັງໝົດ
ຕ່າງກໍມີຄວາມເຊື່ອໝັ້ນເຊັ່ນດຽວກັນ.
ໃນຂະນະທີ່ທ່ານນາງ Tsai ອອກໄປຈາກໂຮງຮຽນແຫ່ງນັ້ນ ພວກສະໜັບສະໜຸນໄດ້ພາ
ກັນຕົບມືແລະຮ້ອງໂຮຂຶ້ນວ່າ ສະບາຍດີປະທານາທິບໍດີ.
ອີງຕາມການຢັ່ງຫາງສຽງຫລ້າສຸດ ເມື່ອໄວໆມານີ້ແລ້ວ ທ່ານນາງ Tsai ແມ່ນມີຄະແນນ
ສຽງນຳໜ້າຫລາຍກວ່າ 10 ເປີເຊັນຕໍ່ທ່ານ Eric Chu ຜູ້ສະໝັກຂອງພັກຈີນຄະນະຊາດ
ຫຼືກົວມິນຕັງ.
ພໍ່ຕູ້ Lin Hsitsai ຜູ້ປ່ອນບັດທີ່ຊະລາກ່າວວ່າມັນເປັນທີ່ແນ່ນອນ 100 ເປີເຊັນ ພວກເຮົາ
ຈະມີປະທານາທິບໍດີເປັນແມ່ຍິງ. ພໍ່ຕູ້ຄົນນີ້ ເວົ້າຕື່ມວ່າ ທ່ານນາງ Tsai ອາດຈະສາມາດ
ຊ່ອຍຕ່າວປີ້ນໃຫ້ເສດຖະກິດໄຕ້ຫວັນດີຂຶ້ນໄດ້.
