ລິ້ງ ສຳຫລັບເຂົ້າຫາ

ພວກກະບົດ ຊີເຣຍ ເຂົ້າຍຶດ ຄ້າຍທະຫານ​ ໃນແຂວງ Deir Ezzor


ພາບນີ້ນຳເຜີຍແຜ່ໂດຍອົງການຂ່າວ SANA ຂອງທາງການຊີເຣຍ ທີ່ສະແດງໃຫ້ເຫັນ ຊາວຊີເຣຍພວມພາກັນຍູ້ລົດຄັນນຶ່ງອອກ ຫຼັງຈາກໄດ້ເກີດເຫດລະເບີດທີ່ນະຄອນ Damascus.
ພວກກະບົດຊີເຣຍ ກ່າວວ່າ ຕົນໄດ້ເຂົ້າຍຶດເອົາຄ້າຍທະຫານ​
ແຫ່ງ​ນຶ່ງໃນແຂວງ Deir Ezzor ທາ​ງພາກຕາເວັນອອກຂອງ
ປະເທດ.

ພວກກະບົດແລະບັນດານັກເຄື່ອນໄຫວຊີເຣຍກ່າວວ່າ ຄ້າຍ
ທະຫານ Mayadeen ແລະເຂດຊົນນະບົດທີ່ຢູ່ອ້ອມແອ້ມນັ້ນ
ໄດ້ຕົກຢູ່ໃນການຄວບຄຸມຂອງພວກກະບົດໃນ ວັນພະຫັດມື້ນີ້
ຫຼັງຈາກທີ່ໄດ້ມີການສູ້ລົບກັນເປັນເວລາຫຼາຍໆມື້ນັ້ນ.

ຂ່າວກ່ຽວກັບການ​ໂຈມ​ຕີ​ໃນພາກຕາເວັນອອກຂອງ​ຊີ​ເຣຍມີຂຶ້ນ
ໃນຂະນະທີ່ພວກນັກເຄື່ອນໄຫວກ່າວວ່າ ເຮືອບິນລົບຂອງຊິເຣຍ
ໄດ້ທໍາລາຍຕຶກຫຼັງນຶ່ງ ທີ່ຢູ່ຂ້າງສະໜາມໂຮງພະຍາບານ ​
ໃນເມືອງ Aleppo ທາງພາກເໜືອຂອງ​ປະ​ເທດ ​ໂດຍໄດ້ສັງຫານ
ແລະ​ເຮັດໃຫ້ຜູ້ຄົນບາດເຈັບຫຼາຍສິບຄົນ. ມີຮູບພາບທີ່ສະແດງ
ໃຫ້ເຫັນຕຶກດັ່ງກ່າວໄດ້ກາຍເປັນຊາກຫັກພັງໃນມື້ແລງວັນພຸດ
ວານນີ້.


ສ່ວນໃນເຊົ້າວັນພຸດນັ້ນ ອົງການ NATO ກ່າວວ່າ ຕົນຈະພິຈາ
ລະນາ​ເບິ່ງການຮ້ອງຂໍຂອງເທີກີ ​ທີ່​ຢາກ​ໃຫ້​ສົ່ງລະບົບຈະລວດ
Patriot ທີ່​ຍິງ​ຈາກ​ພາກພື້ນດິນ​ຫາ​ອາກາດເພື່ອ​ຊ່ອຍປົກ​ປ້ອງ
ເຂດຊາຍແດນຂອງ​ ຕົນທີ່ຕິດກັບຊີເຣຍເພື່ອ​ປ້ອງ​ກັນ​ບໍ່​ໃຫ້ສົງ
ຄາມກາງເມືອງ ທີ່ອາດຈະລາມ​ເຂົ້າ​ໄປ​ໃນປະເທດດັ່ງກ່າວ.

ໝູ່ບ້ານຊາວເທີກີ ທີ່ຢູ່ຕາມເຂດຊາຍແດນ ແມ່ນໄດ້ຖືກລູກປືນ​
ໃຫຍ່​ທີ່​ຍິງ​ຈາກ​ຊີ​ເຣຍ ຂະນະ​ທີ່ພວກ​ທະຫານຈົງຮັກພັກດີ​ຕໍ່
Damascus ທຳ​ການ​ສູ້​ລົບ​ກັບ​ພວກ​ກະບົ​ດ ທີ່​ພວມຊອກ​ຫາ​ຊ່ອງ​ທາງໂຄ່ນລົ້ມລັດຖະບານຂອງ
ປະທານາທິບໍດີ Bashar al-Assad.
ລະບົບຕໍ່ຕ້ານລູກສອນໄຟ Patriot
ລະບົບຕໍ່ຕ້ານລູກສອນໄຟ Patriot
XS
SM
MD
LG