ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ຣັດເຊຍ ກ່າວວ່າ ການປະຕິບັດງານ ທາງ ທະຫານ ໄດ້ຢຸດລົງແລ້ວ ທີ່ເມືອງ Aleppo


ລັດຖະມົນຕີຕ່າງປະເທດ ສະຫະລັດ ທ່ານ John Kerry ແລະ ລັດຖະມົນຕີຕ່າງປະເທດຣັດເຊຍ ທ່ານ Sergey Lavrov ຕອບຄຳຖາມບັນດານັກຂ່າວ.
ລັດຖະມົນຕີຕ່າງປະເທດ ສະຫະລັດ ທ່ານ John Kerry ແລະ ລັດຖະມົນຕີຕ່າງປະເທດຣັດເຊຍ ທ່ານ Sergey Lavrov ຕອບຄຳຖາມບັນດານັກຂ່າວ.

ລັດຖະມົນ​ຕີຕ່າງປະ​ເທດຣັດ​ເຊຍທ່ານ Sergei Lavrov ກ່າວ​ວ່າ ລັດຖະບານ ຣັດ​ເຊຍ​ໄດ້​ຢຸດ​ການ​ປະຕິບັດ​ງານ ​ທາງ​ທະຫານ​ທັງ​ໝົ​ດ ຢູ່​ທາງ​ພາກ​ຕາ​ເວັນ​ອອກ​ ຂອງເມືອງ Aleppo ກ່ອນ​ໜ້າກອງປະຊຸມ​ລະຫວ່າງບັນດາ​ຜູ້​ຊ່ຽວຊານ​ທາງ​ທະຫານສະຫະລັດແລະ ຣັດ​ເຊຍ ກ່ຽວ​ກັບ​ສະຖານ​ນະ​ການ​ຢູ່​ໃນ​ເມືອງ​ທີ່​ຖືກ​ທຳລາ​ຍດັ່ງກ່າວ.

​ໃນ​ຕອນເ​ຊົ້າຂອງ​ວັນ​ພະຫັດ​ວານ​ນີ້ ລັດຖະມົນ​ຕີ​ຕ່າງປະ​ເທດ​ສະຫະລັດ ທ່ານ John Kerry ກ່າວ​ວ່າ ທ່ານ​ມີ​ “ຄວາມ​ຫວັງ” ກ່ຽວ​ກັບ​ໂອກາດ​ໃນ​ການ​ທີ່​ຈະ​ບັນລຸ​ຂໍ້​ຕົກລົງ​ຢຸດ ​ຍິງກັບຣັດ​ເຊຍ ​ເພື່ອ​ຍຸຕິ​ການ​ສູ້​ລົບ​ໃນ​ເມືອງ Aleppo​.

ຫລັງ​ຈາ​ກການ​ພົບ​ປະ​ກັບ ທ່ານ Lavrov ​ທີ່​ນະຄອນ Hamburg ​ໃນ​ວັນ​ພະຫັດ​ວານ​ນີ້​ແລ້ວ ທ່ານ Kerry ​ໄດ້​ກ່າວ​ຕໍ່​ບັນດາ​ນັກ​ຂ່າວວ່າ ທ່ານ​ຍັງ​ລໍຖ້າ​ “ຄຳ​ຕອບ ​ແລະ​ຄຳ​ແນະ ນຳ” ​ແຕ່​ກໍໄດ້​ກ່າວເພີ້​ມ​ເຕີມ​ວ່າ “ພວກ​ເຮົາ​ກຳລັງ​ປະຕີີ​ບັດ​ງານ​ກ່ຽວ​ກັບ​ບາງ​ສິ່ງ​ບາ​ງຢ່າງ​ ຢູ່ທີ່​ນີ້.” ​ໂດຍ​ທີ່​ບໍ່​ໄດ້​ໃຫ້​ລາຍ​ລະ​ອຽດຫຍັງ​ຫຼາຍ.

ທະຫານຊີເຣຍ ຕຽມທຳການສູ້ລົບ ກັບພວກຕໍ່ຕ້ານ ຢູ່ເຊດແນວໜ້າ Ramouseh ໃນພາກຕາເວັນອອກ ຂອງເມືອງ Aleppo ປະເທດ Syria.
ທະຫານຊີເຣຍ ຕຽມທຳການສູ້ລົບ ກັບພວກຕໍ່ຕ້ານ ຢູ່ເຊດແນວໜ້າ Ramouseh ໃນພາກຕາເວັນອອກ ຂອງເມືອງ Aleppo ປະເທດ Syria.

ລັດຖະມົນ​ຕີຕ່າງປະ​ເທດຣັດ​ເຊຍ​ກ່າວ​ວ່າ “ຂໍ້​ຕົກລົງ​ໄດ້​ບັນລຸ​ກັນ​ແລ້ວ​ສຳລັບ​ບັນດາ​ຜູ້​ຊ່ຽວຊານທາງ​ທະຫານ​ຂອງ​ພວກ​ເຮົາ ​ແລະ​ບັນດາ​ນັກ​ການ​ທູດທີ່​ຈະ​ພົບ​ປະກັນ​ໃນ​ວັນ ​ເສົາ​ມື້​ອື່ນ ຢູ່່ທີ່ນະຄອນ Geneva ​ເພື່ອ​ໃຫ້​ເສັດ​ສິ້ນ​ວຽກ​ງານ​ທີ່​ໄດ້​ເຮັດ​ ​ໃນໄລຍະ​ຫຼາຍ ​ມື້ຜ່ານ​ມາກ່ຽວ​ກັບເອກ​ກະສາ​ນ ທີ່ອະທິບາຍ​ເຖິງ​ຊ່ອງທາງ​ແລະ​ວິທີການ​ແກ້​ໄຂຂັ້ນ​ສຸດ​ທ້າຍ​ຂອງ​ບັນ​ຫາ​ຢູ່​ທາງພາກ​ຕາ​ເວັນ​ອອກ​ຂອງ​ເມືອງ Aleppo ຊຶ່ງອີງ​ຕາມຂໍ້​ຕົກລົງ​ນີ້ ​ພວກ​ຫົວ​ຮຸນ​ແຮງ​ທັງ​ໝົດ​ໃຫ້​ໜີອອກ​ໄປ ພ້ອມ​ດ້ວຍ​ພົນລະ​ເຮືອນ ​ຜູ້​ທີ່​ຕ້ອງການ​ຢ​າກ ອອກ​ໜີ.”

ຮູບພາບໜ່ວຍກ້ອນໄຟ ພຸ່ງຂຶ້ນ ຫລັງຈາກ ການໂຈມຕີທາງອາກາດ ໃສ່ທີ່ໝັ້ນ ຂອງພວກຕໍ່ຕ້ານ ຢູ່ພາກຕາເວັນອອກ ຂອງເມືອງ Aleppo ປະເທດຊີເຣຍ.
ຮູບພາບໜ່ວຍກ້ອນໄຟ ພຸ່ງຂຶ້ນ ຫລັງຈາກ ການໂຈມຕີທາງອາກາດ ໃສ່ທີ່ໝັ້ນ ຂອງພວກຕໍ່ຕ້ານ ຢູ່ພາກຕາເວັນອອກ ຂອງເມືອງ Aleppo ປະເທດຊີເຣຍ.

ຢູ່​ທີ່​ນະຄອນ​ນິວຢອກ ທູດ​ພິ​ເສດ​ສະຫະ​ປະຊາ​ຊາດຮັບຜິດຊອບກ່ຽວ​ກັບ​ເລື້ອງຊີ​ເຣຍ ທ່ານ Staffan de Mistura ສະ​ແດງ​ຄວາມຍິນ​ດີ​ກັບ​ການ​ປະ​ກາດຂອງຣັດ​ເຊຍ ​ແຕ່ ​ໄດ້ກ່າວ​ຕໍ່​ບັນດາ​ນັກ​ຂ່າວ​ວ່າ ທ່ານບໍ່​ສາມາດ​ພິສູດ​ຢ່າງ​ເປັນອິດສະຫຼະ​ໄດ້ ທີ່ວ່າ​ການ ​ສູ້ລົບໄດ້​ຍຸຕິ​ລົງ ຫລື​ວ່າ​ພົນລະ​ເຮືອນ​ໄດ້​ຖືກ​ຍົກຍ້າຍອອກ​ໜີ. ທ່ານ​ກ່າວ​ວ່າ ສະຫະ​ປະ ຊາຊາດ​ກໍ​ຈະ​ເຂົ້າ​ຮ່ວມ ​ໃນ​ການ​ສົນທະນາ​ຢູ່​ນະຄອນ Geneva ​ໃນວັນ​ເສົາ​ມື້ອື່ນ​ນີ້.

ທ້າວ Hamid Malaji ກັບເມືອບ້ານພ້ອມດ້ວຍເມຍຂອງລາວນາງ Amina Hamawy (ຄົນກາງ)
ທ້າວ Hamid Malaji ກັບເມືອບ້ານພ້ອມດ້ວຍເມຍຂອງລາວນາງ Amina Hamawy (ຄົນກາງ)

ທ່ານ de Mistura ກ່າວ​ວ່າ ຄຳ​ປະກາດ​ຂອງຣັດ​ເຊຍ​ໄດ້​ມີ​ຂຶ້ນ​ລະຫວ່າງ​ກອງ​ປະຊຸມ​ລັບ ຂອງ​ສະພາ​ຄວາມ​ໝັ້ນຄົງ​ສະຫະ​ປະຊາ​ຊາດ. ​ເຈົ້າໜ້າ​ທີ່ສະຫະ​ປະຊາ​ຊາດ​ໄດ້​ກ່າວ​ເພີ້​ມວ່າ ທູດຣັດ​ເຊຍບໍ່​ໄດ້​ບອກ​ໃຫ້​ບັນດາ​ສະມາຊິກ​ສະພາ​ຮູ້ວ່າ ການໂຈະ​ການປະຕິບັດ​ງານ ການ​ສູ້​ລົບຈະ​ມີ​ຂຶ້ນດົນ​ປານ​ໃດ ຢູ່​ອ້ອມ​ແອ້ມ​ເມືອງ Aleppo.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG