ກອງກຳລັງຊີເຣຍ ທີ່ນຳພາໂດຍຊາວເຄີດ ຊຶ່ງໄດ້ຮັບການໜຸນຫຼັງໂດຍການໂຈມຕີທາງອາກາດ ແລະທີ່ປຶກສາທາງທະຫານສະຫະລັດ ໄດ້ຍຶດເອົາຫຼາຍໆເຂດຂອງກຸ່ມລັດອິສ ລາມ ທ່າມກາງການສູ້ລົບຢ່າງໜັກໃນວັນຈັນວານນີ້ ຢູ່ທາງເໜືອຂອງເມືອງ Raqqa.
ແຕ່ວ່າ ກຸ່ມສິ້ງຊອມສິດທິມະນຸດ ໃນຊີເຣຍ ກ່າວວ່າ ມາຮອດປັດຈຸບັນນີ້ ຍັງບໍ່ມີ “ຄວາມ ຄືບໜ້າທີ່ແທ້ຈິງໃດໆ” ຂອງການບຸກໂຈມຕີເທື່ອ.
“ພວກເຮົາບໍ່ໄດ້ຕີລາຄາຕ່ຳເກີນໄປ ກ່ຽວກັບວຽກງານໜັກຕໍ່ໜ້າ” ນັ້ນແມ່ນຄຳເວົ້າຂອງ
ທ່ານ Peter Cook ໂຄສົກຂອງທຳນຽບຫ້າແຈ ໄດ້ກ່າວໃນວັນຈັນວານນີ້ ແລະວ່າ ກອງກຳລັງ ປະຊາທິປະໄຕຂອງຊີເຣຍ ຫລື SDF ໄດ້ຮັບຄວາມຄືບໜ້າ ໃນຫຼາຍໆມື້ທຳອິດ
ຂອງການບຸກຄືບໜ້າ ທີ່ໄດ້ຮັບການສະໜັບສະໜຸນ ໂດຍການໂຈມຕີທາງອາກາດ ຂອງ ແນວໂຮມພາຍໃຕ້ການນຳພາຂອງສະຫະລັດ.
ທຳນຽບຫ້າແຈ ແມ່ນໄດ້ພະຍາຍາມອີກເທື່ອນຶ່ງ ໃນການບໍ່ໃຫ້ຄວາມສຳຄັນຕໍ່ຄວາມເປັນ ຫ່ວງເປັນໃຍ ຂອງການຟ້າວຝັ່ງທີ່ຈະບຸກໂຈມຕີທາງພາກພື້ນດິນຕໍ່ເມືອງ Raqqa ເຖິງແມ່ນວ່າ ພວກຝ່າຍຕໍ່ຕ້ານບາງພວກ ທີ່ເປັນພັນທະມິດຂອງເທີກີ ທີ່ໄດ້ກ່າວວ່າ ການບຸກໂຈມຕີໃດໆກໍຕາມ ຕໍ່ເມືອງຫຼວງຂອງກຸ່ມລັດອິສລາມໃນຊີເຣຍ ຄວນຈະລໍຖ້າຈົນກວ່າຫຼັງຈາກການປະຕິບັດງານຕ່າງໆ ໃນການຍຶດເອົາຄືນທີ່ໝັ້ນແຫ່ງສຸດທ້າຍ ຂອງກຸ່ມກໍ່ການຮ້າຍລັດອິສລາມ ທີ່ເມືອງ Mosul ໄດ້ເສັດສິ້ນເສຍກ່ອນ.
“ນີ້ແມ່ນການກົດດັນຈາກຫລາຍໆດ້ານ ແລະພວກເຮົາກໍໄດ້ປະຕິບັດແນວນີ້ຈາກທາງອາກາດ ມາໄດ້ຊົ່ວໄລຍະນຶ່ງແລ້ວ” ນັ້ນຄືຄຳເວົ້າຂອງທ່ານ Cook .
“ນີ້ແມ່ນສິ່ງໃດສິ່ງນຶ່ງທີ່ພວກເຮົາໄດ້ກະທຳໃຫ້ກ້າວໜ້າ ຕາມແບບທີ່ພວກເຮົາໄດ້ວາງແຜນໄວ້” ຊຶ່ງທ່ານ Cook ໄດ້ກ່າວໄວ້ ແລະຍັງໄດ້ກ່າວຕໍ່ໄປອີກວ່າ “ນີ້ແມ່ນການປະຕິ ບັດງານທີ່ໄດ້ວາງແຜນໄວ້ ແລະສະໜັບສະໜຸນ ໃນຂະນະດຽວກັນນີ້ ແລະນີ້ບໍ່ມີຫຍັງແປກໃໝ່ສຳຫຼັບພວກເຮົາ. ນີ້ແລະແມ່ນສິ່ງທີ່ພວກເຮົາໄດ້ວາງແຜນການໄວ້.”
ຜູ້ບັງຄັບບັນຊາຂອງກອງກຳລັງ SDF ໄດ້ປະກາດກ່ຽວກັບການບຸກໂຈມຕີ ໃນວັນອາທິດຜ່ານມານີ້ ເພື່ອເຂົ້າຍຶດເອົາເມືອງ Raqqa.
ອ່ານຂ່າວນີ້ເພີ້ມຕື່ມເປັນພາສາອັງກິດ
ຊົມວີດີໂອຈາກນັກຂ່າວ Zlatica Hoke ຂອງ VOA:
