ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ທະຫານຊີເຣຍ ຍຶດເອົາ ເມືອງ Qusair ຄືນມາໄດ້ ຈາກ ພວກຕໍ່ຕ້ານ (ສະໄລດ໌/ວີດີໂອ)


Syria
please wait
Embed

No media source currently available

0:00 0:00:55 0:00

Syria

ກໍາລັງທະຫານລັດຖະບານຊີ​ເຣຍ ​ໄດ້​ເຂົ້າ​ຄວບ​ຄຸມ​ເມືອງ Qusair
ຄືນ​ອີກ ຊຶ່ງ​ເປັນ​ຫົວ​ເມືອງ​ຍຸດ​ທະ​ສາດ ​ແລະ​ໄດ້​ປະກາດຈະ​ທັບ​
ມ້າງພວກ​ຝ່າຍ​ຄ້ານທີ່ຕໍ່​ຕ້ານ ປະທານາທິບໍດີ Bashar
al-Assad.

ກອງທັບ​ຊີ​ເຣຍໄດ້ອອກ​ຖະ​ແຫ​ລງການໃນ​ວັນ​ພຸດ​ມື້​ນີ້ ຫລັງ​ຈາກ​
ກໍາລັງ​ທະຫານ​ຊີ​ເຣຍ ທີ່​ໄດ້​ຮັບ​ການ​ໜຸ​ນຫລັງໂດຍພວກ​ນັກ​ລົບ
Hezbollah ຈາກ​ປະ​ເທດ​ເລ​ບາ ນອນ​ຊຶ່ງ​ເປັນ​ເພື່ອນ​ບ້ານໄດ້​
ມ້ວນທ້າຍ​ການ​ບຸກໂ​ຈມຕີ​ ທີ່​ດຳ​ເນີນ​ມາເກືອບ​ສາມ​ອາທິດ ​ດ້ວຍ​
ການ​ເຂົ້າຍຶດ​ເອົາເມືອງດັ່ງກ່າວ​ຄືນ​. ກອງທັບ​ຊີ​ເຣຍ​ກ່າວ​ວ່າ ​ການ
​ເຄື່ອນ​ໄຫວ​ທີ່​ວ່າ​ນີ້ ​ແມ່ນ​ເປັນ “ຄຳ​ເຕືອນ​ທີ່​ຈະ​ແຈ້ງ” ຕໍ່​ພວກ​ຕໍ່
ຕ້ານ​ລັດຖະບານ​ຊີ​ເຣຍທັງ​ໝົດ.

ຝ່າຍ​ຕໍ່ຕ້ານກ່າວ​ວ່າ ​ເຂົາ​ເຈົ້າ​ໄດ້​ຖອນ​ອອກ​ຈາກ​ເມືອງ Qusair ຊຶ່ງ​ເປັນ​ບ່ອນ​ທີ່​ເຂົາ​ເຈົ້າ​ໄດ້​ຍຶດ​ເອົາ​ມາ​ເປັນ​ເວລາ​ກວ່າ​ນຶ່ງ​ປີ.

ເມືອງ​ດັ່ງກ່າວ​ ຕັ້ງຢູ່ເທິງ​ທາງ​ຫຼວງສາຍ​ສໍາ​ຄັນ ​ທີ່ເຊື່ອມຕໍ່​ນະຄອນ​ຫລວງ Damascus ​ໄປ​ຫາ​ແຄມຝັ່ງ​ທະ​ເລ Mediterranean ​ແລະ​ໃກ້ກັບ​ເສັ້ນ​ທາງ ລັກລອບ​ສົ່ງ​ອາວຸດຂອງພວກ​ຕໍ່ຕ້ານ ຢູ່​ຕິດຊາຍ​ແດນ​ເລ​ບາ​ນອນ.



ການສູ້​ລົບກັນ​ທີ່​ເມືອງ Qusair ​ໄດ້​ນຳ​ເອົາ​ພວກ​ຫົວ​ຮຸນ​ແຮງ Hezbollah ເຂົ້າມາ​ພົວພັນ ຊຶ່ງ​ໄດ້ເພີ້​ມຄວາມເປັນ​ຫ່ວງ​ໃຫ້​ແກ່​ນາໆ​ຊາດ ກ່ຽວ​ກັບ​ການ​ແຜ່​ລາມ​ລາມ​ຂອງ​ບັນຫາຂັດ​ແຍ້​ງ​ໃນຊີ​ເຣຍ. ອາທິດ​ແລ້ວ​ນີ້ ສະພາສິດ​ທິມະນຸດສະຫະ​ປະຊາ​ຊາດ ​ໄດ້ໃຫ້ການ​ອະນຸມັດ​ມະຕິ ປະນາມລັດຖະບານ ທ່ານ Assad ​ໃນ​ການ​ໃຊ້ “ນັກ​ລົບ​ຕ່າງປະ​ເທດ” ຢູ່​ໃນ​ເມືອງ Qusair.

​ໃນ​ຂະນະ​ດຽວ​ກັນ ບັນດາ​ເຈົ້າ​ໜ້າ​ທີ່​ຂອງສະຫະ​ປະຊາ​ຊາດ ຣັດ​ເຊຍ ​ແລະ​ສະ ຫະລັດ ພວມເຈລະຈາ​ຫາລື​ກັນໃນ​ວັນ​ພຸດ​ມື້ນີ້ທີ່ນະຄອນ​ Geneva ​ໃນ​ຂະນະ ​ທີ່​ເຂົາ​ເຈົ້າ​ຊອກ​ຫາ​ຊ່ອງ​ທາງ​ຈັດ​ກອງ​ປະ​ຊຸມສັນຕິພາບ ​ເພື່ອ​ຍຸຕິ​ວິ​ກິດ​ການ​ໃນ​ຊີ ​ເຣຍ.

​ເຂົາ​ເຈົ້າ​ມີ​ຄວາມ​ຫວັງ​ວ່າ ຈະ​ຈັດ​ໃຫ້​ມີ​ການ​ເຈລະຈາລະຫວ່າງລັດຖະບານຊີ​ເຣຍ ​ແລະ​ຝ່າຍ​ຄ້ານ​ເພື່ອ​ສ້າງ​ຕັ້ງລັດຖະບານ​ໃນ​ໄລຍະ​ຂ້າມ​ຜ່ານ ​ແຕ່​ວ່າການ​ປະຊຸມ​ນີ້ຍັງ​ຕົກລົງ​ກັນ​ບໍ່​ໄດ້ເທື່ອ.​


Kerry Fears Fallout From Fighting in Syrian Town
please wait

No media source currently available

0:00 0:02:47 0:00
ລິງໂດຍກົງ
XS
SM
MD
LG