ນັກເຄື່ອນໄຫວຂອງຝ່າຍຄ້ານຊີເຣຍ ໄດ້ລາຍງານວ່າ ມີການປະທະກັນຢ່າງແຜ່ຫລາຍ
ໃນວັນອັງຄານມື້ນີ້ ຮວມທັງການສູ້ລົບກັນຢູ່ຕໍ່ມາຢູ່ໃນ Aleppo ເມືອງໃຫຍ່ຂອງຊີເຣຍ.
ອົງການສິ້ງຊອມສິດທິມະນຸດຊີເຣຍ ທີ່ມີສໍານັກງານຢູ່ໃນປະເທດອັງກິດ ກ່າວວ່າ ກໍາລັງ
ຂອງລັດຖະບານ ໄດ້ຍິງຖະຫລົ່ມໃສ່ຫລາຍຄຸ້ມໃນເມືອງ Aleppo ແລະທະຫານຂອງຝ່າຍ
ລັດຖະບານໄດ້ປະທະກັນ ກັບພວກກະບົດຢູ່ໃນເມືອງ.
ອົງການດັ່ງກ່າວ ຊຶ່ງລາຍງານທີ່ໄດ້ມາຈາກຜູ້ເຫັນເຫດການຢູ່ໃນປະເທດ ບໍ່ສາມາດຢັ້ງ
ຢືນໄດ້ ຍ້ອນຈາກການຫ້າມສື່ມວນຊົນຕ່າງປະເທດນັ້ນ ກ່າວວ່າ ກໍາລັງຂອງປະທານາ
ທິບໍດີ Bashar al-Assad ຍັງໄດ້ຍິງຖະຫລົ່ມ ໃສ່ບາງເຂດຂອງແຂວງ Deraa ແລະ
ທໍາການບຸກລຸກຢູ່ທີ່ນັ້ນນໍາ.
ບັນດານັກເຄື່ອນໄຫວກ່າວວ່າ ການຕໍ່ສູ້ກັນໄດ້ເກີດຂື້ນ ຢູ່ໃນຫລາຍເຂດຂອງເມືອງຫລວງ
Damascus ແລະຢູ່ໃນແຂວງ Homs.
ເລຂາທິການໃຫ່ຍອົງການສະຫະປະຊາຊາດ ທ່ານ Ban Ki-moon ກ່າວໃນວັນຈັນວານນີ້
ວ່າ ທ່ານມີຄວາມເປັນຫ່ວງທີ່ສຸດ ກ່ຽວກັບຜົນກະທົບຂອງການຖະຫລົ່ມຍິງ ແລະການໃຊ້
ອາວຸດໜັກຕ່່າງໆ ທີ່ມີຕໍ່ບັນດາພົນລະເຮືອນຊາວຊີເຣຍນັ້ນ.