ທະຫານລັດຖະບານ ຫຍັບເຂົ້າໃກ້ ທີ່ໝັ້ນ ຂອງຝ່າຍຕໍ່ຕ້ານ ຢູ່ຊີເຣຍ (ວີດິໂອ/ສະໄລດ໌)

ພວກກຸ່ມຕໍ່ຕ້ານລັດຖະບານຊີເຣຍເວົ້າວ່າ ການສູ້ລົບກັນລະ
ຫວ່າງກໍາລັງທະຫານຂອງຝ່າຍລັດຖະບານ ແລະຝ່າຍຕໍ່ຕ້ານ
ຢູ່ເຂດ Qaboun, ຊານເມືອງຫລວງ Damascus ນັ້ນ ໄດ້ເຮັດ
ໃຫ້ພົນລະເຮືອນຖືກຕົກຄ້າງຢູ່ໃນວັດອິສລາມແຫ່ງນຶ່ງໄປໃສ
ບໍ່ໄດ້.

ແນວໂຮມແຫ່ງຊາດຂອງຊີເຣຍຊຶ່ງເປັນກຸ່ມຕໍ່ຕ້ານໃຫຍ່ນັ້ນ
ໄດ້ອອກຄໍາຮ້ອງຮຽນ ໃນວັນ​ອາທິດ​ວານ​ນີ້ ຂໍໃຫ້ປະຊາຄົມ
ສາກົນດໍາ​ເນີນການ ເພື່ອໃຫ້ການປົກປ້ອງແກ່ພວກເຂົາເຈົ້າ.

ທະຫານຂອງຝ່າຍລັດຖະບານ ໄດ້ທໍາການສູ້ລົບມາໄດ້ຫລາຍ
ເດືອນແລ້ວ ເພື່ອຍຶດເອົາເຂດຊານເມືອງຕ່າງໆ ຂອງນະຄອນຫລວງ Damascus ຄືນມາ.

ຝ່າຍລັດຖະບານຊີເຣຍ ໄດ້ພາພວກນັກຂ່າວຂອງອົງການສື່ມວນຊົນຕາເວັນຕົກ ໄປຍັງ ເມືອງ Jobar ທາງທິດໃຕ້ຂອງເຂດ Qaboun ບ່ອນທີ່ທະຫານຂອງຝ່າຍລັດຖະບານ ຍິງ​ໃສ່ຝ່າຍຕໍ່ຕ້ານ.

ພວກນັກເຄື່ອນໄຫວຕໍ່ຕ້ານລັດຖະບານເວົ້າວ່າ ເຂດຊານເມືອງອື່ນໆຂອງນະຄອນຫລວງ Damascus ກໍໄດ້ຕົກຢູ່ພາຍໃຕ້ການໂຈມຕີຂອງຍົນລົບ ເຊັ່ນກັນ.

ເບິ່ງວີດິໂອກ່ຽວກັບຂ່າວນີ້:


ພາບວີດິໂອຂອງຝ່າຍຕໍ່ຕ້ານລັດຖະບານ ສະແດງໃຫ້ເຫັນວ່າ ຮູບຄວັນ​ໄຟພຸ້ງຂຶ້ນສູ່ທ້ອງ
ຟ້າ ຢູ່ເຂດ Erbin ຊຶ່ງເປັນເຂດຊານນະຄອນຫລວງອີກແຫ່ງນຶ່ງ.

ພາບວີດິໂອອີກພາບນຶ່ງ ສະແດງ​ໃຫ້​ເຫັນ​ສະພາບ​ການ ຫລັງການ​ໂຈມ​ຕີທາງອາກາດໃນ
ວັນເສົາຜ່ານມາ ຢູ່ຕາມຖະໜົນຕ່າງໆ ຂອງເຂດ Douma ບ່ອນທີ່ຄວັນໄດ້ພຸ້ງຂຶ້ນ ເຕັມ
ທ້ອງຟ້າ ໃນຂະນະທີ່ຜູ້ຄົນພາກັນຟ້າວຟັ່ງໄປຊ່ວຍຜູ້ໄດ້ຮັບບາດເຈັບ.

ປະມວນພາບຫລ້າສຸດຈາກຊີເຣຍ