ພວກນັກເຄື່ອນໄຫວຊາວຊີເຣຍເວົ້າວ່າ ມີຫລາຍກວ່າ 1 ແສນ
ຄົນໄດ້ຖືກສັງຫານ ນັບແຕ່ໄດ້ມີການລຸກຮືຂຶ້ນຕໍ່ຕ້ານປະທານາ
ທິບໍດີ Bashar al-Assad ເລີ້ມແຕ່ເດືອນມີນາ ປີ 2011 ເປັນ
ຕົ້ນມາ.
ກຸ່ມສິ້ງຊອມສິດທິມະນຸດໃນຊີເຣຍ ທີ່ຕັ້ງຢູ່ອັງກິດ ໄດ້ປະກາດ
ການນັບຈໍານວນຜູ້ເສຍຊີວິດຄັ້ງຫລ້າສຸດໃນວັນພຸດມື້ນີ້ທີ່ເວົ້າວ່າ ຕົວເລກດັ່ງກ່າວແມ່ນລວມທັງນັກລົບຂອງຝ່າຍຕໍ່ຕ້ານລັດຖະ
ບານ 18 ພັນຄົນແລະຜູ້ສະໜັບສະໜຸນທ່ານ Assad ປະມານ
40 ພັນຄົນ.
![ພາບຫຼ້າສຸດ ຈາກ ຊີເຣຍ]()
Photo Gallery:
ທາງດ້ານອົງການສະຫະປະຊາຊາດກໍກ່າວໃນຕົ້ນເດືອນນີ້ວ່າ ມີເກືອບຮອດ 93 ພັນຄົນ ໄດ້ຮັບການຢືນຢັນວ່າເສຍຊີວິດໄປແລ້ວ ແຕ່ວ່າຈໍານວນຕົວຈິງອາດຈະ ມີຫລາຍກວ່ານັ້ນ.
ໃນວັນອັງຄານວານນີ້ ຢູ່ທີ່ Saudi Arabia ນັ້ນ ທ່ານ John Kerry ລັດຖະມົນຕີການ
ຕ່າງປະເທດສະຫະລັດ ໄດ້ພົບປະ ແລະສົນທະນາກ່ຽວກັບບັນຫາຂັດແຍ້ງໃນຊີເຣຍກັບ
ເຈົ້າຊາຍ Saud al-Faisal ລັດຖະມົນຕີການຕ່າງປະ ເທດຂອງ Saudi Arabia ທີ່
ເວົ້າວ່າ ໂລກບໍ່ຄວນອະນຸຍາດໃຫ້ອີຣ່ານ ແລະ ກຸ່ມຫົວຮຸນແຮງ Hezbollah ມາສະໜັບ
ສະໜຸນລັດຖະບານຂອງທ່ານ Assad.
ເຈົ້າຊາຍໄດ້ຮຽກຮ້ອງໃຫ້ນາໆຊາດ ບໍ່ໃຫ້ຂາຍອາວຸດໃຫ້ແກ່ລັດຖະບານຊີເຣຍ ໂດຍຕໍາ
ນິຣັດເຊຍວ່າ ໃຫ້ການສະໜັບສະໜຸນແກ່ລະບອບປົກຄອງຂອງທ່ານ Assad.
Saudi Arabia ໄດ້ສະໜອງອາວຸດໃຫ້ແກ່ນັກລົບຕໍ່ຕ້ານລັດຖະບານຊີເຣຍ ໃນຂະນະທີ່
ສະຫະລັດ ເມື່ອມໍ່ໆມານີ້ເວົ້າວ່າ ນອກຈາກການຊ່ວຍເຫລືອອື່ນໆທີ່ບໍ່ແມ່ນອາວຸດແລ້ວ ຕົນຍັງຈະສົ່ງອາວຸດໄປໃຫ້ແກ່ກຸ່ມດັ່ງກ່າວອີກດ້ວຍ.
ເບິ່ງວີດິໂອກ່ຽວກັບຂ່າວນີ້:
ທ່ານ Kerry ເວົ້າວ່າການເຈລະຈາກັນ ແມ່ນເປັນວິທີທາງທີ່ດີທີ່ສຸດໃນການແກ້ໄຂບັນຫາ
ຄວາມວຸ້ນວາຍ ທີ່ດໍາເນີນມາ ໄດ້ກວ່າສອງປີແລ້ວຢູ່ໃນຊີເຣຍ. ທ່ານຍັງມີກໍານົດທີ່ຈະພົບ
ກັບລັດຖະມົນຕີການຕ່າງປະເທດຣັດເຊຍ ທ່ານ Sergei Lavrov ໃນອາທິດໜ້າ ເພື່ອຊຸກຍູ້
ໃຫ້ເປີດການເຈລະຈາດັ່ງກ່າວ.
ເບິ່ງວີດິໂອອີກເລື້ອງນຶ່ງກ່ຽວກັບຂ່າວນີ້:
ຄົນໄດ້ຖືກສັງຫານ ນັບແຕ່ໄດ້ມີການລຸກຮືຂຶ້ນຕໍ່ຕ້ານປະທານາ
ທິບໍດີ Bashar al-Assad ເລີ້ມແຕ່ເດືອນມີນາ ປີ 2011 ເປັນ
ຕົ້ນມາ.
ກຸ່ມສິ້ງຊອມສິດທິມະນຸດໃນຊີເຣຍ ທີ່ຕັ້ງຢູ່ອັງກິດ ໄດ້ປະກາດ
ການນັບຈໍານວນຜູ້ເສຍຊີວິດຄັ້ງຫລ້າສຸດໃນວັນພຸດມື້ນີ້ທີ່ເວົ້າວ່າ ຕົວເລກດັ່ງກ່າວແມ່ນລວມທັງນັກລົບຂອງຝ່າຍຕໍ່ຕ້ານລັດຖະ
ບານ 18 ພັນຄົນແລະຜູ້ສະໜັບສະໜຸນທ່ານ Assad ປະມານ
40 ພັນຄົນ.
ພາບຫຼ້າສຸດ ຈາກ ຊີເຣຍ
ທາງດ້ານອົງການສະຫະປະຊາຊາດກໍກ່າວໃນຕົ້ນເດືອນນີ້ວ່າ ມີເກືອບຮອດ 93 ພັນຄົນ ໄດ້ຮັບການຢືນຢັນວ່າເສຍຊີວິດໄປແລ້ວ ແຕ່ວ່າຈໍານວນຕົວຈິງອາດຈະ ມີຫລາຍກວ່ານັ້ນ.
ໃນວັນອັງຄານວານນີ້ ຢູ່ທີ່ Saudi Arabia ນັ້ນ ທ່ານ John Kerry ລັດຖະມົນຕີການ
ຕ່າງປະເທດສະຫະລັດ ໄດ້ພົບປະ ແລະສົນທະນາກ່ຽວກັບບັນຫາຂັດແຍ້ງໃນຊີເຣຍກັບ
ເຈົ້າຊາຍ Saud al-Faisal ລັດຖະມົນຕີການຕ່າງປະ ເທດຂອງ Saudi Arabia ທີ່
ເວົ້າວ່າ ໂລກບໍ່ຄວນອະນຸຍາດໃຫ້ອີຣ່ານ ແລະ ກຸ່ມຫົວຮຸນແຮງ Hezbollah ມາສະໜັບ
ສະໜຸນລັດຖະບານຂອງທ່ານ Assad.
ເຈົ້າຊາຍໄດ້ຮຽກຮ້ອງໃຫ້ນາໆຊາດ ບໍ່ໃຫ້ຂາຍອາວຸດໃຫ້ແກ່ລັດຖະບານຊີເຣຍ ໂດຍຕໍາ
ນິຣັດເຊຍວ່າ ໃຫ້ການສະໜັບສະໜຸນແກ່ລະບອບປົກຄອງຂອງທ່ານ Assad.
Saudi Arabia ໄດ້ສະໜອງອາວຸດໃຫ້ແກ່ນັກລົບຕໍ່ຕ້ານລັດຖະບານຊີເຣຍ ໃນຂະນະທີ່
ສະຫະລັດ ເມື່ອມໍ່ໆມານີ້ເວົ້າວ່າ ນອກຈາກການຊ່ວຍເຫລືອອື່ນໆທີ່ບໍ່ແມ່ນອາວຸດແລ້ວ ຕົນຍັງຈະສົ່ງອາວຸດໄປໃຫ້ແກ່ກຸ່ມດັ່ງກ່າວອີກດ້ວຍ.
ເບິ່ງວີດິໂອກ່ຽວກັບຂ່າວນີ້:
ທ່ານ Kerry ເວົ້າວ່າການເຈລະຈາກັນ ແມ່ນເປັນວິທີທາງທີ່ດີທີ່ສຸດໃນການແກ້ໄຂບັນຫາ
ຄວາມວຸ້ນວາຍ ທີ່ດໍາເນີນມາ ໄດ້ກວ່າສອງປີແລ້ວຢູ່ໃນຊີເຣຍ. ທ່ານຍັງມີກໍານົດທີ່ຈະພົບ
ກັບລັດຖະມົນຕີການຕ່າງປະເທດຣັດເຊຍ ທ່ານ Sergei Lavrov ໃນອາທິດໜ້າ ເພື່ອຊຸກຍູ້
ໃຫ້ເປີດການເຈລະຈາດັ່ງກ່າວ.
ເບິ່ງວີດິໂອອີກເລື້ອງນຶ່ງກ່ຽວກັບຂ່າວນີ້:
