ປ. ຊີເຣຍ ໃຫ້ຮ່ອງຮອຍ ອາດໄດ້ຮັບ ອາວຸດ ຈາກຣັດເຊຍ ແລ້ວ (ສະໄລດ໌)

ປະທານາທິບໍດີຊີເຣຍ ທ່ານ Bashar al-Assad ໃຫ້ຮ່ອງຮອຍວ່າ ທ່ານອາດໄດ້ຮັບອາວຸດຊະນິດໃໝ່ຈາກຣັດເຊຍແລ້ວແລະຂົ່ມຂູ່ທີ່
ຈະຕອບໂຕ້ຖ້າອິສຣາແອລຫາກທຳການໂຈມຕີທາງອາກາດຕໍ່ປະ
ເທດຂອງທ່ານຕື່ມອີກ ໃນອະນາຄົດຕໍ່ໜ້າ.

ໃນການໃຫ້ສຳພາດ ແກ່ໂທລະພາບ Al-Manar ຂອງເລບານອນ
ນັ້ນ ປະທານາທິບໍດີ Assad ໄດ້ກ່າວແບບຄຸມເຄືອບໍ່ຈະແຈ້ງກ່ຽວ
ກັບວ່າ ຊີເຣຍໄດ້ຮັບອາວຸດຊະນິດໃໝ່ ຮວມທັງ ລະບົບຕໍ່ຕ້ານອາ
ກາດສະຍານ ທີ່ກ້າວໜ້າທັນສະໄໝ S-300 ທີ່ຣັດເຊຍ ໄດ້ໃຫ້ຄຳ
ໝັ້ນສັນຍາໄວ້ແລ້ວຫຼືບໍ່.



ທ່ານ Assad ເວົ້າວ່າ “ທັງໝົດ ທີ່ພວກເຮົາໄດ້ຕົກລົງໄວ້ກັບຣັດເຊຍ ແມ່ນຈະມີການ
ຈັດຕັ້ງປະຕິບັດ ແລະບາງສ່ວນຂອງຂໍ້ຕົກລົງ ແມ່ນໄດ້ມີການຈັດຕັ້ງປະຕິບັດ ເມື່ອ ໄວໆມານີ້ ແລະພວກເຮົາກັບຣັດເຊຍ ຍັງສືບຕໍ່ຈະຈັດຕັ້ງປະຕິບັດສັນຍາເຫຼົ່ານີ້.”

ຣັດເຊຍ ຍັງບໍ່ທັນໃຫ້ການຢືນຢັນເທື່ອ ກ່ຽວກັບການສົ່ງອາວຸດຊະນິດໃໝ່ໄປໃຫ້ຊີເຣຍ ແຕ່
ກໍປະກາດໃນອາທິດນີ້ວ່າຈະດຳເນີນການຕໍ່ໄປກ່ຽວກັບການມອບໂອນລູກສອນໄຟຕໍ່ຕ້ານ ອາກາດສະຍານໂດຍເວົ້າວ່າ ມັນຈະຊ່ອຍສະກັດກັ້ນບໍ່ໃຫ້ຕ່າງປະເທດເຂົ້າໄປແຊກແຊງໃນ ສົງຄາມກາງເມືອງຢູ່ຊີເຣຍ.

ຂະນະດຽວກັນ ກໍບໍ່ມີຄວາມເຫັນໃດໆຈາກອິສຣາແອລ ທີ່ຂູ່ວ່າຈະໃຊ້ກຳລັງເພື່ອຍຸດຕິການ ມອບໂອນອາວຸດໃໝ່ດັ່ງກ່າວ. ສະໜາມບິນພົນລະເຮືອນ ທີ່ໃຫຍ່ສຸດຂອງອິສຣາແອລອາດ ຈະຢູ່ໃນລັດສະໝີ ຂອງລະບົບລູກສອນໄຟ S-300 ຂອງຊີເຣຍ.