ທ່ານນາງ Hillary Clinton ລັດຖະມົນຕີຕ່າງປະເທດສະຫະລັດ
ກ່າວວ່າ ວໍຊິງຕັນຫວັງວ່າ ການພົບປະເຈລະຈາກັນຂອງຝ່າຍ
ຕໍ່ຕ້ານລັດຖະບານໃນຊີເຣຍ ທີ່ຈະຈັດຂຶ້ນໃນອາທິດໜ້ານີ້ ຈະນໍາມາເຊິ່ງການນໍາພາໃໝ່ຂອງຝ່າຍກະບົດທີ່ ເປັນຕົວ
ແທນໃຫ້ທຸກຝ່າຍ ທີ່ກໍາລັງທໍາການຕໍ່ສູ້ແລະເສຍຊີວິດໄປຢູ່
ໃນປະເທດດັ່ງກ່າວ.
ທ່ານນາງ Clinton ກ່າວເພີ້ມອີກວ່າ ສະຫະລັດກໍາລັງນໍາສະເໜີ
ຊື່ບຸກຄົນແລະ ອົງການຕ່າງໆ ທີ່ຄວນຈະມີບົດບາດອັນເດັ່ນ ຢູ່
ໃນໂຄງປະກອບໃໝ່ຂອງພວກ ຕໍ່ຕ້ານລັດຖະບານ ທີ່ໄດ້ໂຜ່ຕົວ
ຂຶ້ນມາ ໃນການພົບປະກັນ ຢູ່ນະຄອນໂດຮ່າ.
ທ່ານນາງຍັງເວົ້າອີກວ່າ ອົງການສະພາແຫ່ງຊາດຊີເຣຍ ທີ່ປະກອບດ້ວຍພວກ ພັດຖິ່ນ ເປັນສ່ວນໃຫຍ່ນັ້ນ ບໍ່ສາມາດທີ່ຈະຖືວ່າເປັນຜູ້ນໍາຂອງຝ່າຍຄ້ານຕໍ່ໄປໄດ້ອີກແລ້ວ ແຕ່ ວ່າອົງການດັ່ງກ່າວກໍຍັງມີບົດບາດຢູ່.
ໃນການກ່າວຄໍາປາໄສຂອງທ່ານນາງ ທີ່ນະຄອນຫລວງ Croatian ໃນວັນພຸດ ວານນີ້ ທ່ານນາງ Clinton ເວົ້າວ່າ ກຸ່ມແນວໂຮມຝ່າຍຄ້ານທີ່ຕັ້ງຂຶ້ນມາໃໝ່ນັ້ນຕ້ອງໄດ້ປະກາດ ຢ່າງເປັນທີ່ຈະແຈ້ງ ໃນການຕ້ານຢັນກັບການດໍາເນີນຄວາມພະຍາຍາມຂອງພວກອິສ ລາມ ຫົວຮຸນແຮງຈັດ ທີ່ຈະປຸ້ນຈີ້ເອົາການປະຕິວັດຕໍ່ຕ້ານ ລັດຖະບານ ທ່ານ Bashar al-Assad ໄປນັ້ນ.
ສວນຢູ່ນະຄອນປາຣີ ການເຈລະຈາລະຫວ່າງພວກເຈົ້າໜ້າທີ່ຝຣັ່ງ ແລະຣັດເຊຍບໍ່ປະສົບ ຜົນສໍາເລັດໃນການແກ້ໄຂຄວາມເຫັນທີ່ຂັດແຍ້ງກັນຢ່າງເລິກເຊິ່ງ ກ່ຽວກັບເລື້ອງຊີເຣຍ. ລັດຖະມົນຕີກະຊວງການຕ່າງປະເທດຣັດເຊຍ ທ່ານ Sergei Lavrov ໄດ້ກ່າວຫາຝ່າຍ ຕາເວັນຕົກວ່າ ໄດ້ຕື່ມເຊື້ອໄຟ ໃສ່ການກໍ່ ຄວາມຮຸນແຮງ ໂດຍການຢືນຢັດຮຽກຮ້ອງໃຫ້ ທ່ານ Assad ລົງຈາກອໍານາດ.
ກ່ອນໜ້ານີ້ຢູ່ທີ່ນະຄອນຫຼວງປັກກິ່ງ ທ່ານ Lakhdar Brahimi ທູດພິເສດຂອງສະຫະປະ ຊາຊາດແລະສັນນິບາດອາຣັບ ກໍໄດ້ຮຽກຮ້ອງໃຫ້ຈີນເຂົ້າຮ່ວມ ໃນການຫາທາງແກ້ໄຂວິ ກິດການຢູ່ໃນຊີເຣຍ ຊຶ່ງທ່ານໄດ້ກ່າວຕໍ່ລັດຖະມົນຕີກະ ຊວງການຕ່າງປະເທດຈີນ ທ່ານ Yang Jiechi ວ່າ ຈີນຄວນ “ມີບົດບາດອັນແຂງຂັນ” ໃນການແກ້ໄຂບັນຫາຂັດແຍ່ງທີ່ ຍືດເຍື້ອມາເປັນເວລາ 19 ເດືອນດັ່ງກ່າວນີ້.
ກ່າວວ່າ ວໍຊິງຕັນຫວັງວ່າ ການພົບປະເຈລະຈາກັນຂອງຝ່າຍ
ຕໍ່ຕ້ານລັດຖະບານໃນຊີເຣຍ ທີ່ຈະຈັດຂຶ້ນໃນອາທິດໜ້ານີ້ ຈະນໍາມາເຊິ່ງການນໍາພາໃໝ່ຂອງຝ່າຍກະບົດທີ່ ເປັນຕົວ
ແທນໃຫ້ທຸກຝ່າຍ ທີ່ກໍາລັງທໍາການຕໍ່ສູ້ແລະເສຍຊີວິດໄປຢູ່
ໃນປະເທດດັ່ງກ່າວ.
ທ່ານນາງ Clinton ກ່າວເພີ້ມອີກວ່າ ສະຫະລັດກໍາລັງນໍາສະເໜີ
ຊື່ບຸກຄົນແລະ ອົງການຕ່າງໆ ທີ່ຄວນຈະມີບົດບາດອັນເດັ່ນ ຢູ່
ໃນໂຄງປະກອບໃໝ່ຂອງພວກ ຕໍ່ຕ້ານລັດຖະບານ ທີ່ໄດ້ໂຜ່ຕົວ
ຂຶ້ນມາ ໃນການພົບປະກັນ ຢູ່ນະຄອນໂດຮ່າ.
ທ່ານນາງຍັງເວົ້າອີກວ່າ ອົງການສະພາແຫ່ງຊາດຊີເຣຍ ທີ່ປະກອບດ້ວຍພວກ ພັດຖິ່ນ ເປັນສ່ວນໃຫຍ່ນັ້ນ ບໍ່ສາມາດທີ່ຈະຖືວ່າເປັນຜູ້ນໍາຂອງຝ່າຍຄ້ານຕໍ່ໄປໄດ້ອີກແລ້ວ ແຕ່ ວ່າອົງການດັ່ງກ່າວກໍຍັງມີບົດບາດຢູ່.
ໃນການກ່າວຄໍາປາໄສຂອງທ່ານນາງ ທີ່ນະຄອນຫລວງ Croatian ໃນວັນພຸດ ວານນີ້ ທ່ານນາງ Clinton ເວົ້າວ່າ ກຸ່ມແນວໂຮມຝ່າຍຄ້ານທີ່ຕັ້ງຂຶ້ນມາໃໝ່ນັ້ນຕ້ອງໄດ້ປະກາດ ຢ່າງເປັນທີ່ຈະແຈ້ງ ໃນການຕ້ານຢັນກັບການດໍາເນີນຄວາມພະຍາຍາມຂອງພວກອິສ ລາມ ຫົວຮຸນແຮງຈັດ ທີ່ຈະປຸ້ນຈີ້ເອົາການປະຕິວັດຕໍ່ຕ້ານ ລັດຖະບານ ທ່ານ Bashar al-Assad ໄປນັ້ນ.
ສວນຢູ່ນະຄອນປາຣີ ການເຈລະຈາລະຫວ່າງພວກເຈົ້າໜ້າທີ່ຝຣັ່ງ ແລະຣັດເຊຍບໍ່ປະສົບ ຜົນສໍາເລັດໃນການແກ້ໄຂຄວາມເຫັນທີ່ຂັດແຍ້ງກັນຢ່າງເລິກເຊິ່ງ ກ່ຽວກັບເລື້ອງຊີເຣຍ. ລັດຖະມົນຕີກະຊວງການຕ່າງປະເທດຣັດເຊຍ ທ່ານ Sergei Lavrov ໄດ້ກ່າວຫາຝ່າຍ ຕາເວັນຕົກວ່າ ໄດ້ຕື່ມເຊື້ອໄຟ ໃສ່ການກໍ່ ຄວາມຮຸນແຮງ ໂດຍການຢືນຢັດຮຽກຮ້ອງໃຫ້ ທ່ານ Assad ລົງຈາກອໍານາດ.
ກ່ອນໜ້ານີ້ຢູ່ທີ່ນະຄອນຫຼວງປັກກິ່ງ ທ່ານ Lakhdar Brahimi ທູດພິເສດຂອງສະຫະປະ ຊາຊາດແລະສັນນິບາດອາຣັບ ກໍໄດ້ຮຽກຮ້ອງໃຫ້ຈີນເຂົ້າຮ່ວມ ໃນການຫາທາງແກ້ໄຂວິ ກິດການຢູ່ໃນຊີເຣຍ ຊຶ່ງທ່ານໄດ້ກ່າວຕໍ່ລັດຖະມົນຕີກະ ຊວງການຕ່າງປະເທດຈີນ ທ່ານ Yang Jiechi ວ່າ ຈີນຄວນ “ມີບົດບາດອັນແຂງຂັນ” ໃນການແກ້ໄຂບັນຫາຂັດແຍ່ງທີ່ ຍືດເຍື້ອມາເປັນເວລາ 19 ເດືອນດັ່ງກ່າວນີ້.
