ລິ້ງ ສຳຫລັບເຂົ້າຫາ

ສປຊ ຂໍເງິນເກືອບ 5 ແສນໂດລາ ເພື່ອຊ່ວຍ ອົບພະຍົບ ຊີເຣຍ (ວີດິໂອ)


ຄອບຄົບຊາວອົບພະຍົບຊີເຣຍຫາກໍ່ຂ້າມຊາຍແດນທີ່ເມືອງ Tal Shehab ຂອງຊີເຣຍ ໄປຫາຮ່ອມພູ Al Yarmouk River ໃກ້ກັບເມືອງ Ramtha ປະເທດຈໍແດນໃນວັນທີ 15 ກັນຍາ, 2012.
ອົງການຊ່ວຍເຫລືອອົບພະຍົບຂອງສະຫະປະຊາຊາດ ຫລື
UNHCR ເວົ້າວ່າ ອາດມີຊາວຊີເຣຍ ຫລາຍເຖິງ 7 ແສນຄົນ ຈະໜີອອກຈາກປະເທດເຂົາເຈົ້າ ພາຍໃນທ້າຍປີນີ້.

ອົງການ UNHCR ໄດ້ທໍາການຮ້ອງຮຽນໃນວັນພະຫັດມື້ນີ້ເພື່ອຂໍ
ເງິນເກືອບ 5 ແສນໂດລາ ເພື່ອຊ່ວຍອົບພະຍົບທີ່ມີຈໍານວນ “ເພີ້ມ
ຂຶ້ນຢ່າງໄວວາ ” ຫລົບໜີ ອອກຈາກປະເທດເຂົາເຈົ້າໄປຍັງຈໍ
ແດນ,ເລບານອນ, ອີຣັກ ແລະເທີກີ ຊຶ່ງ ເປັນປະເທດໃກ້ຄຽງນັ້ນ.

ອົງການດັ່ງກ່າວເວົ້າອີກວ່າ ແຕ່ລະມື້ມີພວກອົບພະຍົບຂ້າມຊາຍ
ແດນໄປຫາປະ ເທດເຫລົ່ານັ້ນ ປະມານ 2 ພັນ ຫາ 3 ພັນຄົນແລະ ວ່າມີຈໍານວນອົບພະຍົບທີ່ ໄດ້ຈົດຊື່ລົງທະບຽນ ແລະພວກທີ່ລໍຖ້າ ຈົດຊື່ເພີ້ມຂຶ້ນຫລາຍກວ່າ 600% ນັບແຕ່ ເດືອນມີນາເປັນຕົ້ນມາ.

ການຮ້ອງຂໍຄວາມຊ່ວຍເຫລືອ ໄດ້ມີຂຶ້ນລຸນຫລັງໃນອັນທີ່ກຸ່ມປົກປ້ອງສິດທິມະນຸດຊີເຣຍ ເອີ້ນວ່າ ວັນແຫ່ງການນອງເລືອດ ຮ້າຍແຮງທີ່ສຸດ ນັບຕັ້ງແຕ່ເລີ້ມມີການຂັດແຍ່ງກັນມາ ເປັນເວລາ 18 ເດືອນໃນປະເທດດັ່ງກ່າວ.

ອົງການສິ້ງຊອມສິດທະມະນຸດໃນຊີເຣຍທີ່ມີສໍານັກງານຕັ້ງຢູ່ໃນອັງກິດເວົ້າວ່າ ຫຼາຍກວ່າ 300 ຄົນ ຊຶ່ງສ່ວນໃຫຍ່ແມ່ນພົນລະເຮືອນໄດ້ເສຍຊີວິດ ໃນວັນພຸດວານນີ້ ຢູ່ໃນຊີເຣຍ.

ພວກກະບົດ ໄດ້ບີບຄະນວນລະເບີດສະລະຊີບ ທີ່ຫ້າງໃສ່ລົດ 2 ຄັນໃຫ້ແຕກຂຶ້ນ ຢູ່ທີ່ ກອງບັນຊາການທະຫານຂອງປະທານາທິບໍດີ Bashar al-Assad ທີ່ມີການຍາມຮັກສາ ການຢ່າງແໜ້ນໜາ ໃນນະຄອນຫຼວງດາມັສກັສ ໃນວັນພຸດວານນີ້ ຊຶ່ງ ໄດ້ເຮັດໃຫ້ຕໍາ ຫລວດຍາມຮັກສາຄວາມສະຫງົບເສຍຊີວິດໄປ 4 ຄົນ ແລະໄດ້ເຮັດ ໃຫ້ເກີດການຍິງຕໍ່ ສູ້ກັນຂຶ້ນ ຊຶ່ງເຮັດໃຫ້ນັກຂ່າວຊາວອີຣ່ານຜູ້ນຶ່ງ ເສຍຊີວິດໄປເຊັ່ນກັນ.

ທ່ານ Omran Zoubi ລັດຖະມົນຕີກະຊວງຖະແຫຼງຂ່າວຊີເຣຍ ໄດ້ຖິ້ມໂທດການໂຈມ ຕີນີ້ ໃສ່ພວກກໍ່ການຮ້າຍ ຊຶ່ງເປັນຄໍາສັບທີ່ລັດຖະບານ ໃຊ້ເອີ້ນພວກກະບົດທີ່ຕໍ່ຕ້ານທ່ານ Assad ນັ້ນ.

ເບິ່ງວີດິໂອລາຍງານການໂຈມຕີຂອງພວກກະບົດໃນວັນພຸດທີ 26 ກັນຍາ

XS
SM
MD
LG