ຫົວໜ້ານັກການທູດຂອງສະຫະລັດ ກ່າວວ່າ ການເຈລະຈາສັນ
ຕິພາບຊີເຣຍທີ່ ໄດ້ຮັບຄວາມອຸບປະຖຳໂດຍອົງການສະຫະປະ
ຊາຊາດນັ້ນ ຄວນຈະດຳເນີນຕໍ່ໄປ ຕາມແຜນການທີ່ໄດ້ວາງໄວ້
ໃນມື້ວັນຈັນຈະມານີ້ທັງໆທີ່ໄດ້ເກີດໃນອັນທີ່ມີການສັງເກດເຫັນ
ວ່າ ເປັນການລະເມີດຢຸດຍິງ ໂດຍລັດຖະບານຊີເຣຍ.
ລັດຖະມົນຕີການຕ່າງປະເທດສະຫະລັດ ທ່ານ John Kerry
ກ່າວວ່າຄະນະກຳມະການຂອງຣັດເຊຍແລະອາເມຣິກັນກຳລັງ
ປະຊຸມກັນ ທັງຢູ່ທີ່ນະຄອນເຈນີວາ ແລະ ນະຄອນອຳມານ ປະ
ເທດຈໍແດັນ ໃນວັນເສົາມື້ນີ້ ເພື່ອຊອກຫາຊ່ອງທາງ ທີ່ຈະຫລຸດ
ຜ່ອນຄວາມຮຸນແຮງຢູ່ໃນຊີເຣຍລົງ.
ທ່ານ Kerry ກ່າວທີ່ຊາອຸດີ ອາຣາເບຍ ໃນວັນເສົາມື້ນີ້ວ່າ ລະດັບຂອງຄວາມຮຸນແຮງໂດຍ
ທົ່ວໄປແລ້ວ ໄດ້ຫລຸດລົງ 80 ຫາ 90 ເປີເຊັນ ຊຶ່ງມີຄວາມສຳຄັນຢ່າງຫລວງຫລາຍ.
ບັນດາກຸ່ມຕໍ່ຕ້ານລັດຖະບານທີ່ສຳຄັນໆໃນຊີເຣຍ ກ່າວວ່າ ຕົນຈະເຂົ້າຮ່ວມການເຈລະຈາ
ສັນຕິພາບທີ່ນະຄອນເຈນີວາ.
ກະຊວງການຕ່າງປະເທດສະຫະລັດກ່າວວ່າ ການຢຸດຍິງເຮັດໃຫ້ຄວາມຮຸນແຮງຫລຸດລົງ
ຢ່າງຫຼວງຫຼາຍແຕ່ກໍເຕືອນວ່າ ອຳນາດການປົກຄອງຂອງຊີເຣຍຍັງຈະສືບຕໍ່ທຳການໂຈມ
ຕີຢູ່ອີກຕໍ່ໄປ.
ເຈົ້າໜ້າທີ່ອົງການສະຫະປະຊາຊາດເວົ້າວ່າ ຂໍ້ຕົກລົງຍຸດຕິຄວາເປັນປໍລະປັກກັນເຮັດໃຫ້
ມີທາງເປັນໄປໄດ້ ສຳລັບອົງການສະຫະປະຊາຊາດ ແລະບັນດາອົງການຈັດຕັ້ງທີ່ເປັນພາ
ຄີຕ່າງໆ ສາມາດຈັດສົ່ງອາຫານການກິນ ຢາປົວພະຍາດ ແລະການຊ່ອຍເຫລືອອື່ນໆ ໄປ
ໃຫ້ພົນລະເຮືອນຊີເຣຍ 115,000 ຄົນ ທີ່ຕົກຢູ່ໃນເຂດປິດລ້ອມຂອງລັດຖະບານຫຼືບໍ່ກໍກຳ
ລັງຕໍ່ຕ້ານ. ພວກເຈົ້າໜ້າທີ່ກ່າວໃນປີກາຍນີ້ວ່າ ອົງການຊ່ອຍເຫລືອຕ່າງໆບໍ່ສາມາດເຂົ້າ
ໄປເຖິງເຂດເຫຼົ່ານັ້ນໄດ້.
