ປະທານາທິບໍດີຣັດເຊຍ ທ່ານ Dmitry Medvedev ໃຫ້ຮ່ອງຮອຍວ່າມົສກູອາດຈະເຫັນ
ພ້ອມກັບຍັດຕິຂອງສະພາຄວາມໝັ້ນຄົງ ອົງການສະຫະປະຊາຊາດ ທີ່ແນໃສ່ເພື່ອສົ່ງຄຳ ເຕືອນຢ່າງແຮງໄປຍັງປະທານາທິບໍດີຊີເຣຍທ່ານ Bashar al-Assad ແຕ່ກໍຕໍ່ເມື່ອຍັດຕິ
ດັ່ງກ່າວເຕືອນພວກປະທ້ວງຕໍ່ຕ້ານລັດຖະບານຄືກັນ.
ໃນການຖະແຫຼງຕໍ່ໂທລະພາບ Euronews ໃນວັນພະຫັດວານນີ້ ທ່ານ Med vedev
ກ່າວວ່າ ການໃຊ້ກຳລັງແບບບໍ່ສົມສ່ວນຂອງລັດຖະບານຊີເຣຍ ແລະຈຳນວນພວກທີ່ບາດ
ເຈັບລົ້ມຕາຍສູງນັ້ນ ເປັນສິ່ງທີ່ຮັບເອົາບໍ່ໄດ້.
ແຕ່ຂະນະດຽວກັນທ່ານກໍໄດ້ສະແດງຄວາມວິຕົກກັງວົນກ່ຽວກັບການກະທຳຂອງພວກປະ
ທ້ວງຕໍ່ຕ້ານທ່ານ Assad ໂດຍເວົ້າວ່າ ບາງສ່ວນຂອງພວກເຂົາເຈົ້າຄວນຈະຖືວ່າເປັນ
ພວກກໍ່ການຮ້າຍ ແລະກ່າວອ້າງວ່າ ພວກເຂົາເຈົ້າບໍ່ໄດ້ສະເໜີໃຫ້ມີປະຊາທິປະໄຕ ຕາມ
ແບບສະບັບທີ່ມີການກັ່ນກອງຂອງຢູໂຣບນັ້ນ.
ຣັດເຊຍໄດ້ຄັດຄ້ານ ຕໍ່ການດຳເນີນຄວາມພະຍາຍາມຂອງບັນດາລັດຖະບານປະເທດຕາ
ເວັນຕົກທີ່ຈະຮັບຮອງເອົາຍັດຕິຂອງສະພາຄວາມໝັ້ນຄົງອົງການສະຫະປະຊາຊາດ ແຕ່
ຢາກໃຫ້ມີການຮັບຜ່ານ ຮ່າງຂໍ້ສະເໜີຮຽກຮ້ອງໃຫ້ຊີເຣຍຈັດຕັ້ງປະຕິບັດ ການປະຕິຮູບ
ປະຊາທິປະໄຕແທນ.
ໃນຂະນະທີ່ທ່ານ Medvedev ໃຫ້ຮ່ອງຮອຍວ່າຣັດເຊຍອາດຈະໃຫ້ການສະໜັບສະໜຸນ
ຕໍ່ຄຳເຕືອນທີ່ໄດ້ຮັບການໜຸນຫຼັງ ຈາກອົງການສະຫະປະຊາຊາດກໍຈິງ ແຕ່ທ່ານກໍເວົ້າວ່າ
ທ່ານຈະບໍ່ກະທຳຖ້າຫາກວ່າມັນເປັນການປະນາມແຕ່ພຽງຝ່າຍດຽວຕໍ່ລັດຖະບານຂອງປະ
ທານາທິບໍດີ Assad.
ໃນວັນສຸກມື້ນີ້ຜູ້ນຳຂອງພວກຝ່າຍຄ້ານຊີເຣຍທ່ານ Ammar Qurabi ໄດ້ສະແດງຄວາມ
ເສຍໃຈຕໍ່ການບໍ່ໃຫ້ຄວາມສະໜັບສະໜຸນຂອງຣັດເຊຍ. ທ່ານ Qurabi ກ່າວວ່າທ່ານຄາດ
ວ່າຣັດເຊຍຈະເອົາບົດບາດທີ່ສ້າງສັນ ແລະໃນທາງບວກຫຼາຍຂຶ້ນ ໃນການຄວບຄຸມສະຖາ
ນະການທາງດ້ານການເມືອງຢູ່ໃນຊີເຣຍ.
