ຄາດວ່າລັດຖະບານຊີເຣຍຈະປະກາດໃນວັນພະຫັດມື້ນີ້ ຄືໃນອີກບໍ່ເທົ່າໃດຊົ່ວໂມງຂ້າງໜ້ານີ້ ການຕັດສິນໃຈຂອງຕົນກ່ຽວກັບວ່າ ຈະປະກອບສ່ວນໃນການຢຸດຍິງ ໃນລະຫວ່າງວັນພັກບຸນ Eid al-Adha ຂອງສາສະໜາອິສລາມ ຊຶ່ງຈະເລີ່ມຂຶ້ນໃນຕອນແລງມື້ນີ້.
ກະຊວງຕ່າງປະເທດຊີເຣຍກ່າວເມື່ອວັນພຸດວານນີ້ວ່າ ລັດຖະບານຊີເຣຍ ກໍາລັງຊັ່ງຊາຢູ່ວ່າ ຕົນຈະຮ່ວມໃນການຢຸດຍິງນີ້ຫຼືບໍ່.
ຄວາມເຫັນດັ່ງກ່າວ ໄດ້ມີຂຶ້ນ ຫລັງຈາກການປະກາດຂອງທ່ານ Lakhdar Brahimi ທູດພິເສດຢູເອັນ-ອາຣັບ ທີ່ເວົ້າວ່າ ຊີເຣຍ ແລະກຸ່ມກະບົດບາງກຸ່ມ ທີ່ຄັດຄ້ານຕໍ່ປະທານາທິບໍດີ Bashar al-Assad ໄດ້ເຫັນພ້ອມນໍາກັນ ທີ່ຈະຢຸດຍິງຊົ່ວຄາວ ໃນລະຫວ່າງວັນພັກບຸນອິສລາມດັ່ງກ່າວນີ້.
ທ່ານ Brahimi ກ່າວວ່າ ທ່ານຫວັງວ່າການຢຸດຍິງເປັນເວລາຫຼາຍມື້ຄັ້ງນີ້ ຈະນໍາພາໄປສູ່ການຢຸດລົບກັນທີ່ດົນນານກ່ວານັ້ນ ເພື່ອເປັນພາກສ່ວນນຶ່ງ ຂອງຂັ້ນຕອນທາງການເມືອງ ເພື່ອແກ້ໄຂບັນຫາຂັດແຍ້ງກັນນັ້ນ.
ໃນເວລາຕໍ່ມາ ທ່ານ Brahimi ໄດ້ບອກສະພາຄວາມໝັ້ນຄົງອົງການສະຫະປະຊາຊາດວ່າ ບໍ່ມີການແກ້ໄຂທີ່ວ່ອງໄວຕໍ່ການສູ້ລົບກັນໃນຊີເຣຍ ແລະກໍເຕືອນວ່າ ການບໍ່ສາມາດຍຸດຕິຄວາມຮຸນແຮງໄດ້ອີກຄັ້ງນຶ່ງນັ້ນ ຍິ່ງຈະຍັງຜົນໃຫ້ຂໍ້ຂັດແຍ້ງກັນທີ່ຍືດເຍື້ອມາໄດ້ 19 ເດືອນແລ້ວນັ້ນ ຮ້າຍແຮງລົງໄປກວ່າເກົ່າ ແລະລຸກລາມອອກໄປຍັງປະເທດອື່ນໆໄດ້.
ສະພາຄວາມໝັ້ນຄົງໄດ້ສະແດງການສະໜັບສະໜຸນ ສໍາລັບການຢຸດຍິງ ແລະໄດ້ຂໍຮ້ອງ ໃຫ້ບັນດາອໍານາດຕ່າງໆໃນສາກົນແລະຂົງເຂດ “ຈົ່ງໃຊ້ອິດທິພົນຂອງຕົນ” ເພື່ອເຮັດໃຫ້ການຢຸດຍິງ ມີຜົນປະຕິບັດໄດ້.
![Developments in Syria]()
Photo Gallery:
ກະຊວງຕ່າງປະເທດຊີເຣຍກ່າວເມື່ອວັນພຸດວານນີ້ວ່າ ລັດຖະບານຊີເຣຍ ກໍາລັງຊັ່ງຊາຢູ່ວ່າ ຕົນຈະຮ່ວມໃນການຢຸດຍິງນີ້ຫຼືບໍ່.
ຄວາມເຫັນດັ່ງກ່າວ ໄດ້ມີຂຶ້ນ ຫລັງຈາກການປະກາດຂອງທ່ານ Lakhdar Brahimi ທູດພິເສດຢູເອັນ-ອາຣັບ ທີ່ເວົ້າວ່າ ຊີເຣຍ ແລະກຸ່ມກະບົດບາງກຸ່ມ ທີ່ຄັດຄ້ານຕໍ່ປະທານາທິບໍດີ Bashar al-Assad ໄດ້ເຫັນພ້ອມນໍາກັນ ທີ່ຈະຢຸດຍິງຊົ່ວຄາວ ໃນລະຫວ່າງວັນພັກບຸນອິສລາມດັ່ງກ່າວນີ້.
ທ່ານ Brahimi ກ່າວວ່າ ທ່ານຫວັງວ່າການຢຸດຍິງເປັນເວລາຫຼາຍມື້ຄັ້ງນີ້ ຈະນໍາພາໄປສູ່ການຢຸດລົບກັນທີ່ດົນນານກ່ວານັ້ນ ເພື່ອເປັນພາກສ່ວນນຶ່ງ ຂອງຂັ້ນຕອນທາງການເມືອງ ເພື່ອແກ້ໄຂບັນຫາຂັດແຍ້ງກັນນັ້ນ.
ໃນເວລາຕໍ່ມາ ທ່ານ Brahimi ໄດ້ບອກສະພາຄວາມໝັ້ນຄົງອົງການສະຫະປະຊາຊາດວ່າ ບໍ່ມີການແກ້ໄຂທີ່ວ່ອງໄວຕໍ່ການສູ້ລົບກັນໃນຊີເຣຍ ແລະກໍເຕືອນວ່າ ການບໍ່ສາມາດຍຸດຕິຄວາມຮຸນແຮງໄດ້ອີກຄັ້ງນຶ່ງນັ້ນ ຍິ່ງຈະຍັງຜົນໃຫ້ຂໍ້ຂັດແຍ້ງກັນທີ່ຍືດເຍື້ອມາໄດ້ 19 ເດືອນແລ້ວນັ້ນ ຮ້າຍແຮງລົງໄປກວ່າເກົ່າ ແລະລຸກລາມອອກໄປຍັງປະເທດອື່ນໆໄດ້.
ສະພາຄວາມໝັ້ນຄົງໄດ້ສະແດງການສະໜັບສະໜຸນ ສໍາລັບການຢຸດຍິງ ແລະໄດ້ຂໍຮ້ອງ ໃຫ້ບັນດາອໍານາດຕ່າງໆໃນສາກົນແລະຂົງເຂດ “ຈົ່ງໃຊ້ອິດທິພົນຂອງຕົນ” ເພື່ອເຮັດໃຫ້ການຢຸດຍິງ ມີຜົນປະຕິບັດໄດ້.
Developments in Syria
A blast in Damascus and fighting elsewhere in Syria left several people dead Friday despite the start of a four-day cease-fire.
