ລິ້ງ ສຳຫລັບເຂົ້າຫາ

ວັນຈັນ, ໒໒ ເມສາ ໒໐໒໔

ການເຈລະຈາ ສັນຕິພາບ ຊີເຣຍ ຮອບທຳອິດ ສິ້ນສຸດລົງ ໂດຍບໍ່ກ້າວໜ້າ (ສະໄລດ໌/ວີດີໂອ)


ທູດພິເສດອົງການສະຫະປະຊາຊາດ ແລະສັນນິບາດອາຣັບ ທ່ານ Lakhdar Brahimi ທີ່ກອງປະຊຸມຖະແຫຼງຂ່າວ ກ່ຽວກັບ ການເຈລະຈາສັນຕິພາບຊີເຣຍ ທີ່ສຳນັກງານໃຫຍ່ ສປຊ ໃນນະຄອນເຈນີວາ (31 ມັງກອນ 2014)
ທູດພິເສດອົງການສະຫະປະຊາຊາດ ແລະສັນນິບາດອາຣັບ ທ່ານ Lakhdar Brahimi ທີ່ກອງປະຊຸມຖະແຫຼງຂ່າວ ກ່ຽວກັບ ການເຈລະຈາສັນຕິພາບຊີເຣຍ ທີ່ສຳນັກງານໃຫຍ່ ສປຊ ໃນນະຄອນເຈນີວາ (31 ມັງກອນ 2014)
ການເຈລະຈາສັນຕິພາບ ຮອບທຳອິດ ທີ່ພົວພັນກັບລັດຖະບານ
ຊີເຣຍແລະພວກຕໍ່ຕ້ານ ມີກຳນົດທີ່ຈະມ້ວນທ້າຍລົງ ໃນວັນສຸກ
ມື້ນີ້ໂດຍບໍ່ມີຄວາມກ້າວໜ້າຫຍັງຫຼາຍ ກ່ຽວກັບບັນຫາສຳຄັນໆ.

ການຕົກລົງທີ່ຈະພົບປະກັນອີກ ຊຶ່ງເບິ່ງຊົງວ່າ ຈະມີຂຶ້ນພາຍໃນ
ນຶ່ງອາທິດນັ້ນ ເປັນທີ່ຄາດວ່າ ຈະເປັນຜົນພຽງອັນດຽວ ໃນການ
ເຈລະຈາເປັນເວລາ 7 ມື້ ທີ່ນະຄອນເຈນີວາ ຊຶ່ງເປັນມື້ສຸດທ້າຍ
ໃນມື້ນີ້.

ຜູ້ໄກ່ເກ່ຍຂອງອົງການສະຫະປະຊາຊາດ ທ່ານ Lakhdar Bra-
himi ກ່າວວ່າ ທ່ານຫວັງວ່າ ຈະມີການເຈລະຈາກັນເພີ້ມຕື່ມໃນ
ຮອບໜ້າ ໂດຍໃຫ້ຂໍ້ສັງເກດວ່ານີ້ເປັນພຽງການເລີ້ມຕົ້ນຂອງຂັ້ນຕອນເທົ່ານັ້ນ.



ທັງສອງຝ່າຍໄດ້ຜິດຖຽງກັນກ່ຽວກັບແມ່ນກະທັງວ່າຈະນຳເອົາຫົວຂໍ້ຫຍັງຂຶ້ນມາໂອ້ລົມກັນຢູ່
ໃນການເຈລະຈາທີ່ມີການຄອງຄອຍຖ້າມາເປັນເວລາດົນນານແລ້ວນັ້ນ.

ລັດຖະບານຊີເຣຍຢາກໃຫ້ເລີ້ມແກ້ໄຂ ບັນຫາພວກກໍ່ການຮ້າຍ. ໃນວັນພະຫັດວານນີ້ ຝ່າຍ ລັດຖະບານໄດ້ນຳສະເໜີການແກ້ໄຂໂດຍຮຽກຮ້ອງໃຫ້ຍຸຕິການໃຫ້ທຶນສະໜັບສະໜຸນການ ກະທຳທີ່ເປັນການກໍ່ການຮ້າຍ.

ພວກຕໍ່ຕ້ານລັດຖະບານໄດ້ປະຕິເສດຖະແຫຼງການຮ່ວມນັ້ນວ່າ ມັນເປັນຂອງຝ່າຍດຽວໂດຍ ເວົ້າວ່າ ມັນບໍ່ມີປະໂຫຍດຫຍັງ ທີ່ຈະຫາລືກັນ ໂດຍປາສະຈາກການສ້າງຕັ້ງລັດຖະບານ ໃນ ໄລຍະຂ້າມຜ່ານ.

ເພື່ອເປັນການຕອບຕໍ່ເລື່ອງນີ້ ຄະນະຜູ້ແທນຂອງລັດຖະບານຊີເຣຍໄດ້ສະເໜີແນະຕໍ່ຄະນະ ຜູ້ແທນຂອງພວກຕໍ່ຕ້ານທີ່ໄດ້ປະຕິເສດຕໍ່ຖະແຫຼງການເລື່ອງກໍ່ການຮ້າຍຍ້ອນພວກເຂົາເຈົ້າ ເອງກໍແມ່ນຜູ້ກໍ່ການຮ້າຍ.

Syria
please wait
Embed

No media source currently available

0:00 0:00:34 0:00
XS
SM
MD
LG