ຝ່າຍຄ້ານໃຫຍ່ຂອງຊີເຣຍ ຖອນໂຕອອກຈາກ ການປະຊຸມນາໆຊາດ (ສະໄລດ໌)

ກຸ່ມ​ຝ່າຍ​ຄ້ານ​ໃຫຍ່​ຂອງ​ຊີ​ເຣຍ ກໍ​ຄືແນວ​ໂຮມ​ປະສົ​ມ​ແຫ່ງ​ຊາດ
ຊີ​ເຣຍ ​ຫລື SNC ໄດ້ຖອນ​ໂຕ​ອອກ​ຈາກ​ກອງ​ປະຊຸມ​ນາ​ໆຊາດ ​
ເພື່ອ​ປະ​ທ້ວງ​ອັນ​ທີ່​ເຂົາ​ເຈົ້າເອີ້ນວ່າ “ການບໍ່​ເຄື່ອນ​ໄຫວ​ ທີ່ໜ້າ
ອັບ​ອາຍ” ຂອງ​ໂລກ​ ຕໍ່​ອາ​ຊະ​ຍາ​ກໍາ​ທີ່​ກໍ່​ຂຶ້ນ ຕ້ານປະຊາຊົນ​ຊີ
ເຣຍນັ້ນ.

ກຸ່ມ​ SNC ກ່າວ​ວ່າ ຕົນ​ໄດ້​ຕັດສິນ​ໃຈບໍ່​ເຂົ້າ​ຮ່ວມ​ກອງ​ປະຊຸມ
ຂອງ ​ເພື່ອນ​ມິດ​ຂອງ​ຊີ​ເຣຍ ທີ່​ກຸງ​ໂຣມ ​ໃນອາທິດ​ໜ້າ​ນີ້ ​ແລະ
​ຍັງ​ຈະ​ບໍ່​ຮັບ​ການ​ເຊື້ອ​ເຊີນ ​ໃຫ້​ໄປ​ຮ່ວມ​ກອງ​ປະຊຸມ​ ທີ່​ກຸງ​ມົສກູ
​ແລະ​ ວໍຊິງ​ຕັນນໍາ.

ຢູ່​ໃນ​ຖະ​ແຫລ​ງການສະບັບ​ນຶ່ງ ກຸ່ມ​ແນວ​ໂຮມປະສົມ​ຊີ​ເຣຍ
ຕິຕຽນ​ອັນ​ທີ່​ຮ້ອງ​ວ່າ “ການມິດງຽບຂອງນາໆຊາດ ​” ກ່ຽວ​ກັບ
​ອາ​ຊະ​ຍາ​ກໍາ​ທີ່​ມີ​ການ​ກໍ່​ຂຶ້ນ​ໃນ​ແຕ່ລະວັນ​ຢູ່​ໃນ​ຊີ​ເຣຍນັ້ນ ​ແລະ​ກ່າວ​ວ່າ ການ​ມິດງຽບດັ່ງ
ກ່າວ “​ເທົ່າ​ກັບ​ເປັນ​ການ​ປະກອບສ່ວນ ​ໃນ​ການ​ສັງຫານ​ທີ່​ດໍາ​ເນີນ​ມາ​ເປັນ​ເວລາ​ສອງປີ.”

ຄໍາ​ຖະ​ແຫລ​ງ​ໄດ້ໂ​ຈມຕີຣັດ​ເຊຍ ​ໂດ​ຍສະ​ເພາະ ທີ່​ໄດ້​ຈັດ​ສົ່ງອາວຸດ​ໃຫ້​ແກ່ລັດຖະບານຂອງ
ປະທານາທິບໍດີ Bashar al-Assad​. ກຸ່ມ​ແນວ​ໂຮມ​ຝ່າຍ​ຄ້ານ ​ມີ​ຄວາມ​ໂກດ​ແຄ້ນ​ເປັນ​ພິ​ເສດ
ນໍາການ​ນໍາໃຊ້ ລູກ​ສອນ​ໄຟ Scud ທີ່​ຣັດ​ເຊຍສະໜອງ​ໃຫ້ ​ ຢູ່​ໃນ​ເຂດຄວບຄຸມຂອງຝ່າຍ
ຕໍ່ຕ້ານ ຢູ່​ໃນ Aleppo​ ຊຶ່ງເປັນ​ເມືອງ​ໃຫຍ່​ທີ່​ສຸດຂອງຊີ​ເຣຍ.

ສະຫະ​ປະຊາ​ຊາດ ກ່າວ​ວ່າ ຢ່າງ​ໜ້ອຍ 70,000 ຄົນ​ໄດ້​ຖືກ​ສັງຫານ​ໃນ​ໄລຍະ​ເກືອບ​ສອງ​ປີ​ ຂອງ​ການ​ຂັດ​ແຍ້​ງກັນລະຫວ່າງ ຝ່າຍ​ຕໍ່ຕ້ານ ​ແລະ​ລັດຖະບານຊີ​ເຣຍນັ້ນ.

ພາບຈາກເມືອງ Homs ຂອງຊີເຣຍ: