ລິ້ງ ສຳຫລັບເຂົ້າຫາ

ສະຫະລັດວ່າ ສະພາຄວາມໝັ້ນຄົງ ລົ້ມແຫຼວ ໃນຄວາມຮັບຜິດຊອບຂອງຕົນ

  • ໄພສານ ວໍຣະຈັກ

ລັດຖະມົນຕີກະຊວງການຕ່າງປະເທດສະຫະລັດ ທ່ານນາງ Hillary Clinton (5 ຕຸລາ 2011)

ລັດຖະມົນຕີການຕ່າງປະເທດສະຫະລັດທ່ານນາງ Hillary Clinton ກ່າວວ່າ ສະພາຄວາມ
ໝັ້ນຄົງອົງການສະຫະປະ ຊາຊາດໄດ້ປະສົບກັບຄວາມລົ້ມແຫຼວໃນຄວາມຮັບຜິດຊອບຂອງ
ຕົນ ທີ່ບໍ່ສາມາດຮັບຜ່ານຍັດຕິປະນາມຊີເຣຍ ໃນການປາບການປະທ້ວງຂອງພົນລະເຮືອນ
ຢ່າງໂຫດຮ້າຍທາລຸນນັ້ນ.

ໂດຍທີ່ບໍ່ໄດ້ບົ່ງຊື່ຣັດເຊຍແລະຈີນທ່ານນາງ Clinton ກ່າວໃນວັນພຸດວານນີ້ວ່າ ປະເທດທັງ
ສອງຈະຕ້ອງໄດ້ໃຫ້ການອະທິບາຍ ຕໍ່ປະຊາຊົນຊາວຊີເຣຍ ກ່ຽວກັບການໃຊ້ສິດຢັບຢັ້ງຂອງ
ພວກເຂົາເຈົ້າ.

ມົສກູແລະປັກກິ່ງ​ໄດ້ໃຊ້ສິດຢັບຢັ້ງໃນມື້ວັນອັງຄານ ຕໍ່ຮ່າງຍັດຕິສະບັບນຶ່ງທີ່ນຳສະເໜີໂດຍ
ຝຣັ່ງ ອັງກິດ ເຢຍຣະມັນແລະປອກຕຸຍການ ຊຶ່ງໄດ້ສ້າງຄວາມໂກດແຄ້ນໃຫ້ແກ່ສະຫະລັດ
ແລະຢູໂຣບ. ຮ່າງຍັດຕິດັ່ງກ່າວ ທີ່ໄດ້ມີການຕັດຮອນຄຳເວົ້າໃຫ້ອ່ອນລົງ ພຽງ​ແຕ່ບັນຈຸຄຳ
ອ້າງອີງເຖິງ ການລົງໂທດທີ່ອາດມີຂຶ້ນຕໍ່ຊີເຣຍ ຖ້າ Damascus ຫາກຍັງສືບຕໍ່ການປາບ ປາມຂອງຕົນຕໍ່ພວກປະທ້ວງນິຍົມການປະຕິຮູບນັ້ນ.

ໃນຕອນເຊົ້າ ຂອງມື້ວັນພຸດວານນີ້ ລັດຖະມົນຕີການຕ່າງປະເທດຝຣັ່ງ ທ່ານ Alain
Juppe ໄດ້ປະນາມຢ່າງໂກດແຄ້ນຕໍ່ປະທານາທິບໍດີຊີເຣຍທ່ານ Bashar al-Assad
ວ່າເປັນຈອມຜະເດັດການ ທີ່ພວມສັງຫານໝູ່ປະຊາຊົນຂອງຕົນເອງ ແລະປະກາດໃຫ້
ການສະໜັບສະໜຸນຕໍ່ປະຊາຊົນຊາວຊີເຣຍທີ່ພະຍາຍາມທຳການໂຄ່ນລົ້ມຜູ້ນຳຜະເດັດ
ການດັ່ງກ່າວນີ້.

ເລຂາທິການໃຫຍ່ອົງການສະຫະປະຊາຊາດທ່ານ Ban Ki-moon ກ່າວວ່າປະຊາຄົມ ນາໆຊາດມີພັນທະທາງດ້ານສິນທຳທີ່ຈະຕ້ອງປ້ອງກັນບໍ່ໃຫ້ເກີດການນອງເລືອດເພີ່ມຕື່ມ
ຢູ່ໃນຊີເຣຍ ຂະນະທີ່ນາຍົກລັດຖະມົນຕີ Turkey ທ່ານ Recep Tayyip Erdogan
ກ່າວວ່າ ລັດຖະບານຂອງທ່ານຈະທຳການລົງໂທດຕາມລຳພັງຕໍ່ Damascus.

ແຕ່ຜູ້ຊ່ອຍຄົນນຶ່ງຂອງປະທານາທິບໍດີຊີເຣຍກ່າວຕໍ່ອົງການຂ່າວຝຣັ່ງວ່າ ຣັດເຊຍແລະ ຈີນແມ່ນຢືນຢູ່ກັບປະຊາຊົນຊາວຊີເຣຍ ແລະໃຫ້ເວລາທີ່ຕ້ອງການແກ່ລັດຖະບານເພື່ອ ຈັດຕັ້ງແລະເສີມຂະຫຍາຍການປະຕິຮູບນັ້ນ.

XS
SM
MD
LG