ຮອງລັດຖະມົນຕີກະຊວງນໍ້າມັນຂອງຊີເຣຍໄດ້ລາອອກ ໃນວັນພະຫັດວານນີ້ເພື່ອເຂົ້າຮ່ວມ
ການກໍ່ກະບົດຕໍ່ຕ້ານລັດຖະບານ ແລະທູດພິເສດຂອງອົງການສະຫະປະຊາຊາດແລະສັນນິ
ບາດອາຣັບ ທ່ານ Kofi Annan ຮຽກຮ້ອງໃຫ້ຍຸຕິວິກິດການທີ່ກຳລັງດຳເນີນຢູ່ໃນປະເທດ
ຊີເຣຍ ໂດຍທາງດ້ານການທູດແທນທີ່ຈະໃຊ້ກຳລັງທະຫານ.
ໃນວີດີໂອ ທີ່ນຳອອກເຜີຍແຜ່ທາງ You Tube ທ່ານ Abdo Husameddine ໄດ້ຖະ
ແຫຼງໂດຍກົງຕໍ່ປະທານາທິບໍດີຊີເຣຍທ່ານ Bashar al-Assad ໂດຍກ່າວຫາທ່ານວ່າໄດ້
ກໍ່ໂທດກຳໃນຂອບເຂດທີ່ກວ້າງຂວາງ ໃນຮອບປີຜ່ານມາ ໃນຂະນະທີ່ທະຫານຝ່າຍລັດຖະ
ບານສືບຕໍ່ໃຊ້ກຳລັງຢ່າງໂຫດຮ້າຍປາບປາມພວກຝ່າຍຄ້ານແລະພົນລະເຮືອນ. ທ່ານ Hu
sameddine ຊຶ່ງເປັນນຶ່ງໃນບັນດາເຈົ້າໜ້າທີ່ພົນລະເຮືອນຂັ້ນສູງສຸດຂອງຊີເຣຍທີ່ໄດ້ໂຕນ
ໜີປະໜ້າທີ່ນັ້ນກ່າວວ່າ ທ່ານບໍ່ຕ້ອງການຢາກຍຸຕິອາຊີບຂອງທ່ານ ດ້ວຍການຮັບໃຊ້ໂທດ
ຂອງອຳນາດການປົກຄອງນີ້. ທ່ານໄດ້ຮຽກຮ້ອງ ໃຫ້ບັນດາເພື່ອນຮ່ວມງານຂອງທ່ານ ໃຫ້
ພາກັນໂຕນໜີຈາກອັນທີ່ທ່ານເອີ້ນວ່າ “ເຮືອທີ່ພວມຫຼົ້ມ.”
ທ່ານ Burhan Ghalioun ຜູ້ນຳຂອງກຸ່ມສະພາແຫ່ງຊາດຊີເຣຍຊຶ່ງເປັນກຸ່ມຝ່າຍຄ້ານນັ້ນ
ໄດ້ກ່າວຊົມເຊີຍການລາອອກຂອງທ່ານ Husameddine ແລະຮຽກຮ້ອງໃຫ້ເຈົ້າໜ້າທີ່ອື່ນ
ອື່ນເຂົ້າຮ່ວມກັບກຸ່ມຝ່າຍຄ້ານ. ກະຊວງການຕ່າງປະເທດສະຫະລັດ ກ່າວວ່າ ຖ້າຫາກໄດ້
ຮັບການຢືນຢັນ ການໂຕນໜີຈາກໜ້າທີ່ໃນຄັ້ງນີ້ ແມ່ນເປັນຂ່າວທີ່ດີຫຼາຍ.
ມາຮອດປັດຈຸບັນນີ້ ລັດຖະບານທ່ານ Assad ສ່ວນໃຫຍ່ແລ້ວແມ່ນຍັງເປັນປຶກເປັນແຜ່ນ
ກັນດີຢູ່ ເຖິງແມ່ນວ່າມີພວກທະຫານຊັ້ນຜູ້ນ້ອຍ ທີ່ໂຕນທັບໄດ້ໄປຮ່ວມສົມທົບກັບພວກຕໍ່
ຕ້ານລັດຖະບານ ຢູ່ໃນກອງທັບຊີເຣຍເສລີ ຊຶ່ງໃນເວລານີ້ມີຈຳນວນຫຼາຍພັນຄົນແລ້ວ.
ທ່ານ Annan ອະດີດຜູ້ນຳສະຫະປະຊາຊາດ ຊຶ່ງເປັນທູດພິເສດຄົນໃໝ່ຮັບຜິດຊອບກ່ຽວ
ກັບເລື່ອງຊີເຣຍ ໄດ້ເຕືອນກ່ຽວກັບການແຊກແຊງ ຂອງກຳລັງທະຫານ ຈາກຕ່າງປະເທດ
ໂດຍເວົ້າວ່າ ຈະເຮັດໃຫ້ສະຖານະການ ຮ້າຍແຮງຂຶ້ນຕື່ມ. ໃນການຖະແຫຼງລະຫວ່າງເດີນ
ທາງໄປຢ້ຽມຢາມກຸງໄຄໂຣ ໃນວັນພະຫັດວານນີ້ ທ່ານ Annan ກ່າວວ່າ ການໃຊ້ກຳລັງ
ຈາກພາຍນອກແກ້ໄຂວິກິດການໃນຊີເຣຍ ອາດຈະເປັນການຄຳນວນທີ່ຜິດພາດຊຶ່ງອາດຈະ
ມີຜົນກະທົບໃນທາງລົບໃນຂອບເຂດທີ່ກວ້າງຂວາງກໍເປັນໄດ້.