ລິ້ງ ສຳຫລັບເຂົ້າຫາ

ການປະທ້ວງໃນຊີເຣຍ ລາມອອກໄປທົ່ວປະເທດ

  • ໄພສານ ວໍຣະຈັກ

ພວກປະທ້ວງໂຮມຊຸມນຸມກັນຢູ່ນອກວັດອິສລາມ Omayyad ຫຼັງຈາກພິທີສວດມົນພາວະນາ ໃນມື້ວັນສຸກວານນີ້ ທີ່ນະຄອນຫຼວງ Damascus.

ການປະທ້ວງໄດ້ລະເບີດຂຶ້ນທົ່ວປະເທດຊີເຣຍໃນມື້ວັນສຸກ
ວານນີ້ ໂດຍທີ່ກຳລັງຮັກສາຄວາມສະຫງົບໄດ້ຍິງປືນເຂົ້າ
ໃສ່ພວກປະທ້ວງເຮັດໃຫ້ມີຜູ້ເສຍຊີວິດທີ່ຍັງບໍ່ຊາບຈຳນວນ
ເທື່ອ.

ມີການປະທ້ວງຕໍ່ຕ້ານລັດຖະບານຢູ່ໃນຢ່າງນ້ອຍ 6 ຫົວ
ເມືອງຂອງຊີເຣຍຮວມ ທັງນະຄອນຫຼວງ Damascus.

ອົງການນິລະໂທດກຳສາກົນ ລາຍງານໃນມື້ວັນສຸກວານນີ້
ວ່າມີຢ່າງນ້ອຍ 55 ຄົນເສຍຊີວິດ ໃນຮອບສັບປະດາຜ່ານ
ມາຢູ່ໃນແລະອ້ອມແອ້ມ ເມືອງ Daraa ພຽງເມືອງດຽວຊຶ່ງ
ຕັ້ງຢູ່ຕິດກັບຊາຍແດນຂອງປະເທດຈໍແດັນນັ້ນ.

ໃນມື້ວານນີ້ພວກປະທ້ວງຢູ່ເມືອງ Daraa ໄດ້ພາກັນດຶງເອົາຮູບປັ້ນຂອງມື້ລາງປະທານາທິ
ບໍດີຊີເຣຍ ທ່ານ Hafez al-Assad ຊຶ່ງເປັນບິດາ ຂອງປະທານາທິບໍດີຄົນປັດຈຸບັນທ່ານ
Bashar al-Assad ນັ້ນ ລົງມາ.

ເມືອງ Daraa ຊຶ່ງເປັນບ່ອນຢູ່ຂອງພວກຊົນເຜົ່າ ທີ່ນັບຖືສາສະໜາອິສລາມນິກາຍຊຸນນີ່
ອັນເປັນສາສະໜາຂອງຄົນກຸ່ມໃຫຍ່ໃນຊີເຣຍນັ້ນ ໄດ້ກາຍເປັນຈຸດສູນກາງ ຂອງການປະ
ທ້ວງຕໍ່ຕ້ານພັກ Baath ທີ່ຄວບຄຸມໂດຍພວກທີ່ນັບຖືສາສະໜາອິສລາມນິກາຍ Alawite.

ຢູ່ທີ່ນະຄອນຫຼວງ Damascus ໄດ້ມີທັງການໂຮມຊຸມນຸມປະທ້ວງຕໍ່ຕ້ານແລະສະໜັບສະ
ໜຸນລັດຖະບານ. ມີຫຼາຍໆຮ້ອຍຄົນ ໄດ້ພາກັນເດີນຂະບວນສະໜັບສະໜຸນປະຊາຊົນ ທີ່
ເມືອງ Daraa ຂະນະທີ່ພວກສະໜັບສະນຸນ ທ່ານ Assad ຫຼາຍພັນຄົນໄດ້ພາໂບກທຸງ
ຊາດຊີເຣຍແລະຮ້ອງຊົມເຊີຍປະທານາທິບໍດີ.

ທີ່ກຸງວໍຊິງຕັນໂຄສົກຂອງທຳນຽບຂາວ ທ່ານ Jay Carney ໄດ້ປະນາມການກໍ່ຄວາມຮຸນ ແຮງແລະໃນອັນທີ່ທ່ານເອີ້ນວ່າການພະຍາຍາມຂອງລັດຖະບານຊີເຣຍທີ່ຈະປາບປາມແລະ
ຂົ່ມຂູ່ພວກປະທ້ວງ. ເລຂາທິການໃຫຍ່ ຂອງອົງການສະຫະປະຊາຊາດ ທ່ານ Ban Ki-
moon ໄດ້ທຳການໂອ້ລົມທາງໂທລະສັບກັບທ່ານ Assad ໃນມື້ວານນີ້ໂດຍແຈ້ງໃຫ້ທ່ານ
Assad ຊາບວ່າ ລັດຖະບານຕ່າງໆມີພັນທະທີ່ຈະຕ້ອງນັບຖື ແລະປົກປ້ອງສິດທິພື້ນຖານ
ຂອງປະຊາຊົນຂອງຕົນ.

XS
SM
MD
LG