ພວກນັກເຄື່ອນໄຫວໃນຊີເຣຍ ກ່າວວ່າ ກຳລັງຮັກສາຄວາມສະຫງົບໄດ້ບຸກເຂົ້າໄປໂຈມຕີ
ໃນເຂດຊານເມືອງ ຂອງນະຄອນຫຼວງ Damascus ເພື່ອປາບປາມການປະທ້ວງໃນຄືນ
ແລ້ວນີ້ກ່ອນທີ່ຈະມີການປະທ້ວງເພີ່ມຕື່ມຕໍ່ຕ້ານປະທານາທິບໍດີ Bashar al-Assad ຊຶ່ງ
ມີແຜນຈະຈັດຂຶ້ນໃນວັນສຸກມື້ນີ້.
ພວກນັກເຄື່ອນໄຫວເວົ້າວ່າ ກຳລັງຮັກສາຄວາມສະຫງົບຂອງຊີເຣຍໄດ້ຍິງປືນເຂົ້າໃສ່ພົນ
ລະເຮືອນທີ່ເຂົ້າຮ່ວມໃນການໂຮມຊຸມນຸມປະທ້ວງໃນຕອນກາງຄືນ. ມີລາຍງານວ່າ ມີພົນ
ລະເຮືອນຈຳນວນນຶ່ງເສຍຊີວິດ ບາດເຈັບ ຖືກຈັບ ແລະ ຖືກລັກພາໂຕໄປໃນການບຸກເຂົ້າ
ໄປທັບມ້າງຂອງກຳລັງຮັກສາຄວາມສະຫງົບ.
ການບຸກ ຂອງກຳລັງຮັກສາຄວາມສະຫງົບ ໄດ້ມີຂຶ້ນຫຼັງຈາກຊີເຣຍ ໄດ້ປະນາມການໄປ
ຢ້ຽມຢາມເມືອງ Hama ຊຶ່ງຫົວເມືອງສຳຄັນຂອງພວກຝ່າຍຄ້ານໂດຍເອກອັກຄະລັດຖະ
ທູດສະຫະລັດທ່ານ Robert Ford.
ກະຊວງການຕ່າງປະເທດຊີເຣຍ ກ່າວໃນມື້ວັນພະຫັດວານນີ້ວ່າ ການໄປມີໜ້າທີ່ເມືອງ
Hama ຂອງທ່ານ Ford ໂດຍທີ່ບໍ່ໄດ້ຮັບອະນຸຍາດລ່ວງໜ້ານັ້ນ ແມ່ນປະກອບເປັນ
ຫຼັກຖານອັນຈະແຈ້ງໃນການດຳເນີນຄວາມພະຍາຍາມຂອງສະຫະລັດ ເພື່ອເພີ່ມທະວີ
ຄວາມເຄັ່ງຕຶງແລະສ້າງຄວາມເສຍຫາຍໃຫ້ແກ່ການຮັກສາຄວາມປອດໄພແລະສະຖຽນ
ລະພາບໃນຊີເຣຍ.
ທີ່ກຸງວໍຊິງຕັນ ໂຄສົກກະຊວງການຕ່າງປະເທດສະຫະລັດ ທ່ານນາງ Victoria Nu-
land ກ່າວວ່າ ທ່ານ Ford ໄດ້ພົບປະກັບປະຊາຊົນ 10 ກວ່າຄົນໃນການເດີນທາງ
ໄປຢ້ຽມຢາມທີ່ແນໃສ່ ເພື່ອສະແດງຄວາມໃຫ້ເຫັນເຖິງຄວາມເປັນນໍ້ານຶ່ງໃຈດຽວກັບ
ພວກປະທ້ວງ. ທ່ານນາງເວົ້າວ່າທ່ານ Ford ຫວັງວ່າຈະຢູ່ທີ່ເມືອງ Hama ຈົນຮອດ
ວັນສຸກມື້ນີ້ ແລະທາງສະຖານທູດສະຫະລັດໄດ້ແຈ້ງໃຫ້ລັດຖະບານຊີເຣຍແລ້ວວ່າຄະ
ນະເຈົ້າໜ້າທີ່ສະຖານທູດຈຸນຶ່ງພວມເດີນທາງໄປຍັງເມືອງ ດັ່ງກ່າວ.
