ລິ້ງ ສຳຫລັບເຂົ້າຫາ

ວັນເສົາ, ໒໐ ເມສາ ໒໐໒໔

ພວກຝ່າຍຄ້ານ ເວົ້າວ່າ ທະຫານຊີເຣຍ ສັງຫານໝູ່ ປະຊາຊົນ 150 ກວ່າຄົນ (ສະໄລດ໌)


ນັກຂ່າວສະມັກຫຼິ້ນ ຖ່າຍຮູບຜູ້ເຄາະຮ້າຍຄົນນຶ່ງ ທີ່ອ້າງວ່າໄດ້ຮັບບາດເຈັບ ໃນການໂຈມຕີຂອງລັດຖະບານ ຢູ່ບ້ານ Treimsa ໃນແຂວງຮາມາ (13 ກໍລະກົດ 2012)
ນັກຂ່າວສະມັກຫຼິ້ນ ຖ່າຍຮູບຜູ້ເຄາະຮ້າຍຄົນນຶ່ງ ທີ່ອ້າງວ່າໄດ້ຮັບບາດເຈັບ ໃນການໂຈມຕີຂອງລັດຖະບານ ຢູ່ບ້ານ Treimsa ໃນແຂວງຮາມາ (13 ກໍລະກົດ 2012)

ພວກ​ນັກ​ເຄື່ອນ​ໄຫວ​ຝ່າຍ​ຄ້ານ​ໃນ​ຊີ​ເຣຍ ກ່າວ​ວ່າ ກຳລັງ​ທະຫານ​ລັດຖະບານ​ພ້ອມ​ດ້ວຍ​ລົດ​
ຖັງ​ແລະ​ເຮືອບິນ​ເຮຣີຄອບ​ເຕີ້​ໄດ້​ສັງຫານ​ໝູ່​ປະຊາ​ຊົນ​ຫຼາຍກວ່າ 150 ຄົນ ຊຶ່ງ​ສ່ວນ​ໃຫຍ່​ແລ້ວ
​ແມ່ນ​ພົນລະ​ເຮືອນ ທີ່​ບ້ານໆ​ນຶ່ງ​ໃນ​ແຂວງ​ຮາ​ມາ.

ພວກ​ນັກ​ເຄື່ອນ​ໄຫວ​ແລະ​ພວກ​ທີ່ເຫັນ​ເຫດການກ່າວ​ວ່າທະຫານ​ລັດຖະບານ​ໄດ້​ຍິງ​ປືນ​ໃຫຍ່
ຖະຫຼົ່ມບ້ານ Treimsa ​ໃນ​ວັນ​ພະຫັດ​ວານ​ນີ້ກ່ອນ​ຈະ​ບຸກ​ເຂົ້າ​ໄປ​ໃນ​ບ້ານ​ດັ່ງກ່າວ. ຜູ້ນຳ​ກະ
ບົດ​ຄົນ​ນຶ່ງເວົ້າວ່າ ຈຳນວນ​ຜູ້​ເສຍ​ຊີວິດ​ ແມ່ນ​ມີ ຫຼາຍກວ່າ 200 ຄົນ.

ສື່​ມວນ​ຊົນ​ຂອງ​ທາງ​ການ​ຊີ​ເຣຍ​ແຈ້ງວ່າ ທະຫານ​ໄດ້​ສູ້​ລົບ​ກັບ​ກຸ່ມ​ກຳລັງ​ປະກອບອາວຸດ​ຢູ່ໃນ
​ບໍລິ​ເວນ​ດັ່ງກ່າວ ​ແລະ​ດັ່ງ​ດຽວ​ກັນ​ກັບ​ການ​ສັງຫານ​ໝູ່​ເທື່ອ​ກ່ອນໆລັດຖະບານ​ໄດ້ຖິ້ມ​ໂທດ
​ການ​ສັງຫານ​ໝູ່ຄັ້ງນີ້ ​ໃສ່​ອັນ​ທີ່​ລັດຖະບານ​ເອີ້ນວ່າ “ພວກ​ກໍ່​ການ​ຮ້າຍ” ນັ້ນ.

ລາຍ​ງານ​ກ່ຽວ​ກັບ​ການ​ສັງຫານ​ໝູ່​ໃນ​ຄັ້ງນີ້ມີ​ຂຶ້ນ​ໃນ​ຂະນະ​ທີ່​ສະພາ​ຄວາມ​ໝັ້ນຄົງຂອງ​ອົງ
ການ​ສະຫະ​ປະຊາ​ຊາດ ​ອະພິປາຍ​ກ່ຽວ​ກັບ​ການ​ລົງ​ໂທດ​ທີ່​ໜັກ​ຂຶ້ນຄັ້ງ​ໃໝ່​ຕໍ່​ລັດຖະບານ​ຊີ​
ເຣຍ ຖ້າ​ຫາກ​ຍັງ​ສືບ​ຕໍ່ໃຊ້​ອາວຸດ​ໜັກ​ໂຈມ​ຕີ​ພົນລະ​ເຮືອນ.

ຣັດ​ເຊຍ​ຂູ່​ວ່າ​ຈະ​ໃຊ້​ສິດ​ຢັບຢັ້ງຕໍ່​ຮ່າງ​ຍັດຕິ​ທີ່​ໄດ້​ຮັບ​ການ​ສະໜັບສະໜຸນ​ຈາກ​ບັນດາ​ປະ​ເທດ
​ຕາ​ເວັນ​ຕົກ​ດັ່ງກ່າວ​ນີ້. ຣັດ​ເຊຍ​ ມີ​ພຽງ​ແຕ່​ຢາກ​ຕໍ່​ອາຍຸ ​ການ​ປະຕິບັດງານ​ຂອງ​ຄະນະ​ສັງ
​ເກດ​ການ​ສະຫະ​ປະຊາ​ຊາດ​ໃນ​ຊີ​ເຣຍຕື່ມ​ອີກ​ເປັນ​ເວລາ 3 ​ເດືອນ​ທໍ່​ນັ້ນ.

ສື່​ມວນ​ຊົນ​ຂອງຣັດ​ເຊຍ​ລາຍ​ງານ​ວ່າທູດ​ພິ​ເສດ​ຂອງ​ອົງການ​ສະຫະ​ປະຊາ​ຊາດ ທ່ານ Kofi
Annan ຈະ​ເດີນທາງ​ໄປ​ຢ້ຽມຢາມ​ກຸງ​ມົສກູ​ໃນ​ວັນ​ຈັນ​ຈະ​ມານີ້​ເພື່ອ​ເຈລະຈາ​ຫາລື​ກ່ຽວ​ກັບ
​ເລື່ອງ​ຊີ​ເຣຍ.

XS
SM
MD
LG