ກໍາລັງລັດຖະບານຊີເຣຍ ຍັງສືບຕໍ່ດໍາເນີນຄວາມພະຍາຍາມເພື່ອຈະເຂົ້າຢຶດເອົາ ເຂດຕ່າງໆໃນນະຄອນຫລວງແລະບໍລິເວນອ້ອມແອ້ມ ຈາກພວກນັກລົບກະບົດ.
ອົງການສີ້ງຊອມສິດທິມະນຸດຊີເຣຍທີ່ມີສຳນັກງານຢູ່ອັງກິດ ກ່າວວ່າ ທະຫານໄດ້ຍິງໂຈມຕີຄຸ້ມ Daraya ທີ່ຕັ້ງຢູ່ໃນເຂດຊານເມືອງຂອງກຸງ Damascus ແລະຄຸ້ມ Moadamiyeh ທີ່ຢູ່ໃກ້ຄຽງ ໃນວັນພະຫັດວານນີ້. ຫລັງຈາກນັ້ນກໍາ ລັງທະຫານຊີເຣຍ ກໍໄດ້ເຂົ້າໂຈມຕີ ແບບເຮືອນຕໍ່ເຮືອນ ໃນຄຸ້ມ Daraya ໃນຂະນະທີ່ເກີດການປະທະກັນຢ່າງຮ້າຍແຮງທີ່ເມືອງ Hajar al-Aswad ໃນເຂດກໍາແພງນະຄອນຫຼວງ Damascus.
ຜູ້ສັງເກດການກ່າວວ່າ ປະມານ 100 ຄົນໄດ້ຖືກສັງຫານ ໃນຄວາມຮຸນແຮງ ທົ່ວຊີເຣຍ ໃນວັນພະຫັດວານນີ້ ຮວມທັງພົນລະເຮືອນເກືອບ 50 ຄົນ ໃນກຸງ Damascus ແລະຢູ່ໃນເຂດອ້ອມແອ້ມ.
ໜັງສືພິມ The Washington Post ໄດ້ລາຍງານເຖິງລະດັບຄວາມຮຸນແຮງໃນປັດຈຸບັນ ທີ່ກຸງ Damascus ໄດ້ແຊງໜ້າ ການສູ້ລົບກໍາລັງດໍາເນີນຢູ່ເພື່ອ
ເຂົ້າຄວບຄຸມເມືອງ Aleppo ນະຄອນຫຼວງການຄ້າຂອງຊີເຣຍທີ່ຕັ້ງຢູ່ທາງພາກເໜືອປະເທດ. ໜັງສືພິມ Washington Post ລາຍງານວ່າ ຄົນທີ່ຖືກສັງຫານສ່ວນຫລາຍຢູ່ໃນກຸງ Damascus ແມ່ນເປັນພົນລະເຮືອນທີ່ໄດ້ຫາຍສາບສູນ ແລະຊາກສົບຂອງເຂົາເຈົ້າ ໄດ້ຖືກຄົ້ນພົບເຫັນພ້ອມດ້ວຍຮ່ອງຮອຍຂອງການ ຖືກທໍລະມານ ຖືກປາດຄໍ ແລະຮອຍລູກປືນຢູ່ທີ່ຫົວ.
ຢູ່ທີ່ Lebanon ປະເທດເພື່ອນບ້ານນັ້ນ ມືປືນຄົນນຶ່ງໄດ້ສັງຫານຫົວໜ້າເຜົ່າທີ່ ສຳຄັນຄົນນຶ່ງ ຂອງອິສລາມນິກາຍສາສະໜາ Sunni ໃນວັນສຸກມື້ນີ້ ທີ່ເມືອງ Tripoli ໃນພາກເໜືອຂອງປະເທດ ທີ່ພວມເກີດການປະທະກັນຂື້ນອີກຄັ້ງໃໝ່ ລະຫວ່າງກຸ່ມສະໜັບສະໜູນ ແລະຕໍ່ຕ້ານຊີເຣຍ ທີ່ເຮັດໃຫ້ການຢຸດຍິງທີ່ບໍ່ມີຄວາມສຳຄັນແຕກຫັກລົງ.
ພວກມຸສລິມນິກາຍ Sunni ໄດ້ນໍາພາການລຸກຕໍ່ຕ້ານປະທານາທິບໍດີ Bashar al-Assad ຊຶ່ງພວກທີ່ນັບຖືສາສະໜາອິສລາມ ນິກາຍ Alawite ສ່ວນໃຫຍ່ແລ້ວ ແມ່ນຢືນຢູ່ຄຽງຂ້າງທ່ານ. ຄວາມເຄັ່ງຕືງລະຫວ່າງພວກທີ່ນັບຖືນິກາຍ Sunni ແລະນິກາຍ Alawite ໄດ້ເພີ້ມທະວີຂື້ນຢູ່ໃນບາງເຂດຂອງ Lebanon ດັ່ງຕົວຢ່າງທີ່ເມືອງ Tripoli ບ່ອນທີ່ທັງສອງກຸ່ມພາກັນອາໄສຢູ່ໃນເມືອງຕ່າງໆທີ່ຢູ່ໃກ້ຄຽງກັນນັ້ນ.
ອົງການສີ້ງຊອມສິດທິມະນຸດຊີເຣຍທີ່ມີສຳນັກງານຢູ່ອັງກິດ ກ່າວວ່າ ທະຫານໄດ້ຍິງໂຈມຕີຄຸ້ມ Daraya ທີ່ຕັ້ງຢູ່ໃນເຂດຊານເມືອງຂອງກຸງ Damascus ແລະຄຸ້ມ Moadamiyeh ທີ່ຢູ່ໃກ້ຄຽງ ໃນວັນພະຫັດວານນີ້. ຫລັງຈາກນັ້ນກໍາ ລັງທະຫານຊີເຣຍ ກໍໄດ້ເຂົ້າໂຈມຕີ ແບບເຮືອນຕໍ່ເຮືອນ ໃນຄຸ້ມ Daraya ໃນຂະນະທີ່ເກີດການປະທະກັນຢ່າງຮ້າຍແຮງທີ່ເມືອງ Hajar al-Aswad ໃນເຂດກໍາແພງນະຄອນຫຼວງ Damascus.
ຜູ້ສັງເກດການກ່າວວ່າ ປະມານ 100 ຄົນໄດ້ຖືກສັງຫານ ໃນຄວາມຮຸນແຮງ ທົ່ວຊີເຣຍ ໃນວັນພະຫັດວານນີ້ ຮວມທັງພົນລະເຮືອນເກືອບ 50 ຄົນ ໃນກຸງ Damascus ແລະຢູ່ໃນເຂດອ້ອມແອ້ມ.
ໜັງສືພິມ The Washington Post ໄດ້ລາຍງານເຖິງລະດັບຄວາມຮຸນແຮງໃນປັດຈຸບັນ ທີ່ກຸງ Damascus ໄດ້ແຊງໜ້າ ການສູ້ລົບກໍາລັງດໍາເນີນຢູ່ເພື່ອ
ເຂົ້າຄວບຄຸມເມືອງ Aleppo ນະຄອນຫຼວງການຄ້າຂອງຊີເຣຍທີ່ຕັ້ງຢູ່ທາງພາກເໜືອປະເທດ. ໜັງສືພິມ Washington Post ລາຍງານວ່າ ຄົນທີ່ຖືກສັງຫານສ່ວນຫລາຍຢູ່ໃນກຸງ Damascus ແມ່ນເປັນພົນລະເຮືອນທີ່ໄດ້ຫາຍສາບສູນ ແລະຊາກສົບຂອງເຂົາເຈົ້າ ໄດ້ຖືກຄົ້ນພົບເຫັນພ້ອມດ້ວຍຮ່ອງຮອຍຂອງການ ຖືກທໍລະມານ ຖືກປາດຄໍ ແລະຮອຍລູກປືນຢູ່ທີ່ຫົວ.
ຢູ່ທີ່ Lebanon ປະເທດເພື່ອນບ້ານນັ້ນ ມືປືນຄົນນຶ່ງໄດ້ສັງຫານຫົວໜ້າເຜົ່າທີ່ ສຳຄັນຄົນນຶ່ງ ຂອງອິສລາມນິກາຍສາສະໜາ Sunni ໃນວັນສຸກມື້ນີ້ ທີ່ເມືອງ Tripoli ໃນພາກເໜືອຂອງປະເທດ ທີ່ພວມເກີດການປະທະກັນຂື້ນອີກຄັ້ງໃໝ່ ລະຫວ່າງກຸ່ມສະໜັບສະໜູນ ແລະຕໍ່ຕ້ານຊີເຣຍ ທີ່ເຮັດໃຫ້ການຢຸດຍິງທີ່ບໍ່ມີຄວາມສຳຄັນແຕກຫັກລົງ.
ພວກມຸສລິມນິກາຍ Sunni ໄດ້ນໍາພາການລຸກຕໍ່ຕ້ານປະທານາທິບໍດີ Bashar al-Assad ຊຶ່ງພວກທີ່ນັບຖືສາສະໜາອິສລາມ ນິກາຍ Alawite ສ່ວນໃຫຍ່ແລ້ວ ແມ່ນຢືນຢູ່ຄຽງຂ້າງທ່ານ. ຄວາມເຄັ່ງຕືງລະຫວ່າງພວກທີ່ນັບຖືນິກາຍ Sunni ແລະນິກາຍ Alawite ໄດ້ເພີ້ມທະວີຂື້ນຢູ່ໃນບາງເຂດຂອງ Lebanon ດັ່ງຕົວຢ່າງທີ່ເມືອງ Tripoli ບ່ອນທີ່ທັງສອງກຸ່ມພາກັນອາໄສຢູ່ໃນເມືອງຕ່າງໆທີ່ຢູ່ໃກ້ຄຽງກັນນັ້ນ.
