ລິ້ງ ສຳຫລັບເຂົ້າຫາ

ວັນສຸກ, ໑໙ ກໍລະກົດ ໒໐໒໔

ສະຫະລັດ ໃຊ້ຄໍາເວົ້າແຮງຂຶ້ນ ກ່ຽວກັບ ສະຖານະການ ໃນຊີເຣຍ (ເບິ່ງວີດີໂອ)


ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ກ່າວຕໍ່ພວກນັກຂ່າວ ລຸນຫຼັງກອງປະຊຸມ ປະເທດເພື່ອນມິດຊີເຣຍ ທີ່ນະຄອນຫຼວງຕູນິສ ປະເທດຕູນີເຊຍ (24 ກຸມພາ 2012)
ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ກ່າວຕໍ່ພວກນັກຂ່າວ ລຸນຫຼັງກອງປະຊຸມ ປະເທດເພື່ອນມິດຊີເຣຍ ທີ່ນະຄອນຫຼວງຕູນິສ ປະເທດຕູນີເຊຍ (24 ກຸມພາ 2012)

ປະທານາທິບໍດີບາຣັກ ​ໂອ​ບາ​ມາແລະ​ລັດຖະມົນຕີ​ກະຊວງການ​ຕ່າງປະ​ເທດສະຫະລັດທ່ານ
ນາງ Hillary Clinton ​ໃນ​ມື້ວັນ​ສຸກ​ວານ​ນີ້​ໄດ້​ໃຊ້​ຖ້ອຍ​ຄຳ​ທີ່ແຮງ​ຂຶ້ນກ່ຽວ​ກັບ​ສະຖານະ​ການ
ທີ່​ທະວີ​ຄວາມ​ຮຸນ​ແຮງ​ຂຶ້ນຢູ່​ໃນ​ຊີ​ເຣຍ.

ທ່ານ​ໂອ​ບາ​ມາ​ເວົ້າວ່າສະຫະລັດ​ແລະ​ບັນດາ​ປະ​ເທດ​ພັນທະ​ມິດ​ຈະ​ພິຈາລະນານຳ​ໃຊ້​ທຸກ​ເຄື່ອງ
ມື​ທີ່​ມີ​ຢູ່ ​ເພື່ອ​ຍຸຕິ​ການ​ສັງຫານ​ປະຊາຊົນ​ທີ່​ບໍ່​ມີ​ຄວາມ​ຜິດ​ຢູ່​ໃນ​ຊີເຣຍ. ທ່ານ​ກ່າວ​ວ່າ ມັນ​ເປັນ
ສິ່ງ​ຈຳ​ເປັນ​ທີ່​ສຸດ​ສຳລັບ​ປະຊາ​ຄົມນາໆ​ຊາດ​ທີ່​ຈະສົ່ງ​ຄຳ​ເຕືອນ​ອັນ​ຈະ​ແຈ້ງ​ໄປ​ຍັງ​ປະທານາທິບໍ
ດີ​ຊີ​ເຣຍ ທ່ານ Bashar al-Assad ​ໃຫ້​ຊາບ​ວ່າມັນ​ເຖິງ​ເວລາ​ແລ້ວ​ທີ່​ອຳນາດ​ການ​ປົກຄອງ
ຊີ​ເຣຍຈະ​ຕ້ອງ​ສ້າງຄວາມ​ກ້າວໜ້າ.

ການ​ໃຫ້​ຄວາມ​ເ​ຫັນ​ດັ່ງກ່າວ​ຂອງ​ປະທານາທິບໍດີ​ໂອ​ບາ​ມາ ​ມີ​ຂຶ້ນຫຼັງຈາກ​ທ່ານ​ນາງ Clinton
ທຳນາຍ​ວ່າ ທ່ານ Assad ຈະ​ຕ້ອງ​ໄດ້​ຮັບ​ຄວາມ​ເສຍ​ຫາຍ​ຢ່າງ​ໜັກ​ຍ້ອນ​ການ​ລ່ວງ​ລະ​ເມີດ​
ສິດທິ​ມະນຸດ​ ຂອງ​ປະຊາຊົນ​ຊາວ​ຊີ​ເຣຍ ແລະ​ບໍ່​ເອົາ​ຫົວຊາຕໍ່ຄຳ​ເຕືອນຂອງ​ນາໆ​ຊາດ ​ກ່ຽວ​
ກັບ​ການ​ປາບ​ປາມ​ພວກ​ຝ່າຍ​ຄ້ານ​ນັ້ນ.

ທ່ານ​ນາງ Clinton ​ໄດ້​ພົບ​ປະ​ກັບ​ພວກ​ຜູ້ຕາງໜ້າ​ຂອງ 70 ກວ່າ​ປະ​ເທດ​ ແລະອົງການ​ຈັດ
ຕັ້ງສາກົນ​ ທີ່​ປະ​ເທດ​ຕູ​ນີ​ເຊຍ ​ໃນ​ມື້ວັນ​ສຸກ​ວານ​ນີ້ ໃນ​ການ​ດຳ​ເນີນ​ຄວາມພະຍາຍາມ​ຄັ້ງ​ໃໝ່​
ເພື່ອ​ຍຸຕິ​ການ​ນອງ​ເລືອດ​ໃນ​ຊີ​ເຣຍທີ່​ເຮັດ​ໃຫ້​ມີ​ຜູ້​ເສຍ​ຊີວິດ​ໄປແລ້ວ​ຫຼາຍພັນ​ຄົນ​ນັ້ນ.

ບັນດາ​ປະ​ເທດ​ຕາ​ເວັນ​ຕົກ ​ແລະ​ປະ​ເທດພາຍ​ໃຕ້​ການ​ນຳພາ​ຂອງ​ອາຣັບກຸ່ມ​ນຶ່ງ ​ທີ່​ເອີ້ນກັນ​ວ່າ
“​ເພື່ອນ​ມິດ​ຂອງ​ຊີ​ເຣຍ” ນັ້ນ ​ໄດ້​ໂຮມ​ຊຸມນຸມ​ກັນ​ທີ່​ນະຄອນຫຼວງຕູ​ນິສ ຮຽກຮ້ອງ​ໃຫ້​ເຈົ້າໜ້າ​
ທີ່​ຊີ​ເຣຍໃຫ້​ຄຳ​ໝັ້ນ​ສັນຍາ​ທີ່​ຈະ​ຢຸດ​ເຊົາ​ການ​ກໍ່​ຄວາມ​ຮຸນ​ແຮງທັງ​ໝົດ​ໃນ​ທັນທີແລະ​ອະນຸຍາດ
ໃຫ້​ຕ່າງປະ​ເທດ​ຈັດ​ສົ່ງ​ການ​ຊ່ອຍ​ເຫຼືອທາງ​ດ້ານມະນຸດ​ສະ​ທຳ ​ໄປ​ຍັງ​ເຂດ​ທີ່​ໄດ້​ຮັບ​ຜົນ​ກະທົບ​
ຮ້າຍ​ແຮງ​ທີ່​ສຸດ​ນັ້ນ ພາຍ​ໃນ​ເວລາສອງ​ສາມມື້.

ອົງການ​ສະພາ​ແຫ່ງ​ຊາ​ດຂອງ​ຊີ​ເຣຍ ​ໄດ້​ກົດ​ດັນ​ໃຫ້​ບັນດາ​ປະ​ເທດ ​ທີ່​ເຂົ້າຮ່ວມ​ປະຊຸມ​ຄັ້ງນີ້ພິ
ຈາລະນາ​ປະກອບ​ອາວຸດ ​ໃຫ້​ແກ່​ພວກ​ຝ່າຍ​ຄ້ານ ຖ້າ​ລັດຖະບານ​ທ່ານ Assad ຫາກ​ບໍ່​ຍອມ
ຮັບ​ເອົາຂໍ້​ລິ​ເລີ່​ມຂອງ​ສັນນິບາດ​ອາຣັບເພື່ອ​ຍຸຕິ​ຄວາມ​ຮຸນ​ແຮງ​ແລະ​ບໍ່​ຢຸດ​ເຊົາ​ການ​ໂຈ​ມຕີ​ແບບ​
ນອງ​ເລືອດ ຕໍ່​ປະຊາຊົນ​ຊາວ​ຊີ​ເຣຍ.

ທີ່​ຊີ​ເຣຍສະພາກາ​ແດງ​ສາກົນ​ກ່າວ​ວ່າ ຕົນ​ໄດ້​ຍົກຍ້າຍ​ພວກ​ບາດ​ເຈັບ 7 ຄົນ ອອກ​ໄປ​ຈາກ​
ຄຸ້ມ Baba Arm ​ໃນ​ເມືອງ Homs. ຍັງ​ບໍ່​ທັນ​ເປັນ​ທີ່​ຈະ​ແຈ້ງວ່າພວກ​ນັກ​ຂ່າວ​ຕ່າງປະ​ເທດ
3 ຄົນ ​ແມ່ນ​ຮວມຢູ່​ໃນ​ຈຳນວນ​ພວກ​ທີ່​ຖືກ​ຍົກຍ້າຍຫຼືບໍ່.

ພວກ​ນັກ​ຂ່າວ​ທັງ 3 ​ໄດ້​ຮັບ​ບາດ​ເຈັບ ​ຍ້ອນ​ການ​ຍິງ​ປືນ​ໃຫຍ່​ໂຈມ​ຕີໃນຕົ້ນອາທິດນີ້ຊຶ່ງ​ເຮັດ​
ໃຫ້​ນັກ​ຂ່າວ​ສົງຄາມ​ອະ​ວຸ​ໂສ​ຊາວ​ອາ​ເມຣິກັນ​ໂດຍ​ກຳ​ເນີ​ດນາງ Marie Colvin ​ແລະ​ຊ່າງ​
ພາບ​ຊາວ​ຝຣັ່ງ Remi Ochlik ​ເສຍ​ຊີວິດ​ນັ້ນ. ສົບ​ຂອງ​ນັກຂ່າວ​ທັງ​ສອງ​ຍັງ​ຢູ່​ໃນ​ເມືອງ​ດັ່ງ
ກ່າວ.

ໃນ​ມື້ວັນ​ສຸກ​ວານ​ນີ້ ກຳລັງ​ທະຫານ​ລັດຖະບານ​ຊີ​ເຣຍຍັງ​ສືບ​ຕໍ່​ ການ​ຍິງ​ໂຈມ​ຕີ​ທີ່​ດຳ​ເນີນ​ມາ​
ເປັນ​ເວລາ 3 ອາທິດ​ຕໍ່​ເມືອງ Homs ຊຶ່ງ​ພວກ​ນັກ​ເຄື່ອນ​ໄຫວກ່າວ​ວ່າ ມີ​ຜູ້​ເສຍ​ຊີວິດ​ຢ່າງ​
ນ້ອຍ 15 ຄົນ​ໃນ​ການ​ຍິງ​ໂຈມ​ຕີ​ທີ່​ວ່າ​ນີ້.

XS
SM
MD
LG