ລິ້ງ ສຳຫລັບເຂົ້າຫາ

ຈີນ ຮຽກຮ້ອງໃຫ້ ທຸກພັກຝ່າຍ ໃນຊີເຣຍ ຍຸຕິການກໍ່ຄວາມຮຸນແຮງ (ເບິ່ງສະໄລດ໌)

  • ໄພສານ ວໍຣະຈັກ

ປະທານາທິບໍດີຊີເຣຍ ທ່ານ Bashar al-Assad (ຂວາ) ພົບປະກັບ ຮອງລັດຖະມົນຕີການຕ່າງປະເທດຈີນ ທ່ານ Zhai Jun ທີ່ນະຄອນຫຼວງດາມັສກັສ (18 ກຸມພາ 2012)

ຮອງ​ລັດຖະມົນຕີ​ກະຊວງ​ການ​ຕ່າງປະ​ເທດ​ຈີນ ທ່ານ Zhai Jun ຮຽກຮ້ອງ​ໃຫ້ທຸກ​ພັກ​ຝ່າຍ
ໃນ​ຊີ​ເຣຍຍຸຕິ​ການ​ກໍ່​ຄວາມ​ຮຸນ​ແຮງ ​ແລະ​ອຳນວຍ​ໃຫ້​ມີ​ການ​ເລືອກຕັ້ງດຳ​ເນີນ​ໄປ​ດ້ວຍ​ຄວາ​ມ
ສັນຕິ.

ທ່ານ Zhai ​ຊຶ່ງໄດ້​ຖະ​ແຫຼງ​ທີ່ນະຄອນຫຼວງດາ​ມັສກັສຂອງ​ຊີ​ເຣຍ ລຸນ​ຫຼັງການ​ພົບ​ປະ​ກັບ​ປະ
ທານາທິບໍດີ Bashar al-Assad ​ໂດຍກ່າວ​ວ່າ ຈີນ​ຂໍ​ຮຽກຮ້ອງໃຫ້​ລັດຖະບານ ພວກ​ຝ່າຍ​
ຄ້ານແລະ​ພວກທີ່​ມີອາວຸດຢູ່​ໃນ​ກຳມື ຈົ່ງ​ຢຸດ​ເຊົາ​ການກໍ່​ຄວາມ​ຮຸນ​ແຮງ​ໃນ​ທັນທີ.

ທ່ານ​ກ່າວ​ວ່າ ປັກ​ກິ່ງ​ຫວັງ​ວ່າການ​ລົງ​ປະຊາ​ມະຕິ ​ກ່ຽວ​ກັບ​ລັດຖະທຳ​ມະນູນ​ສະບັບ​ໃໝ່ໃນ
ຄັ້ງຈະ​ມາ ພ້ອມໆ​ກັບ​ການ​ເລືອກ​ຕັ້ງສະພາ​ແຫ່ງ​ຊາດ ຈະ​ມີ​ຂຶ້ນດ້ວຍຄວາມ​ສະຫງົບ.

ຈີນ​ ແລະຣັດ​ເຊຍ ຊຶ່ງ​ຕ່າງ​ກໍ​ບໍ່​ຍອມ​ກ່າວ​ປະນາມ​ຊີ​ເຣຍ ກ່ຽວ​ກັບ​ການ​ປາບ​ປາມພວກ​ຕໍ່ຕ້ານ
ລັດຖະບານ ຊຶ່ງ​ເຮັດ​ໃຫ້​ປະຊາຊົນ​ເສຍ​ຊີວິດ​ໄປ​ແລ້ວ​ຫຼາຍກວ່າ 6 ພັນ​ຄົນນັບ​ແຕ່​ເດືອນ​ມີນາ
ເປັນຕົ້ນມາ.

ໃນ​ວັນ​ພະຫັດ​ຜ່ານ​ມານີ້ ກອງ​ປະຊຸມ​ສະມັດຊາ​ໃຫຍ່​ອົງການ​ສະຫະ​ປະຊາ​ຊາດ ​ໄດ້​ຮັບຮອງ
ເອົາ​ມະຕິ​ສະບັບ​ນຶ່ງດ້ວຍ​ຄະ​ແນນ​ 137 ສຽງ ຈາກ​ປະ​ເທດ​ສະມາຊິກ​ທີ່​ມີ​ທັງ​ໝົດ 193 ປະ​
ເທດ ຮຽກຮ້ອງ​ໃຫ້​ລັດຖະບານ​ຜະ​ເດັດ​ການ​ ຂອງ​ທ່ານ Assad ຢຸດ​ເຊົາ​ການ​ໂຈມ​ຕີພົນລະ
ເຮືອນ​ໃນ​ທັນທີ.

XS
SM
MD
LG