ພວກນັກເຄື່ອນໄຫວກ່າວວ່າ ທະຫານຊີເຣຍໄດ້ຍິງປືນໃຫຍ່ໂຈມຕີຢ່າງໜັກຕໍ່ເຂດຄວບຄຸມ
ຂອງພວກກະບົດໃນເມືອງ Homs ຢູ່ໃນພາກກາງຂອງຊີເຣຍນຶ່ງມື້ຫຼັງຈາກກອງປະຊຸມສະ
ມັດຊາໃຫຍ່ອົງການສະຫະປະຊາຊາດໄດ້ປະນາມອຳນາດການປົກຄອງຂອງຊີເຣຍວ່າລ່ວງ
ລະເມີດສິດທິມະນຸດໃນການປາບປາມພວກປະທ້ວງຕໍ່ຕ້ານລັດຖະບານນັ້ນ.
ພວກນັກເຄື່ອນໄຫວກ່າວວ່າ ການຍິງໂຈມຕີໂດຍລົດຖັງແລະປືນໃຫຍ່ຂອງທະຫານຊີເຣຍ
ໃນວັນສຸກມື້ນີ້ ໄດ້ຖືກ 4 ຄຸ້ມໃນເຂດໃຈກາງເມືອງ Homs ຊຶ່ງເປັນຫົວເມືອງທີ່ມີການປະ
ທ້ວງແລະນຳໜ້າໃນການລຸກຮືຂຶ້ນຕໍ່ຕ້ານປະທານາທິບໍດີ Bashar al-Assad ທີ່ດຳເນີນ
ມາເປັນເວລາ 11 ເດືອນແລ້ວນັ້ນ.
ໃນວັນພະຫັດວານນີ້ ເລຂາທິການໃຫຍ່ຂອງອົງການສະຫະປະຊາຊາດ ທ່ານ Ban Ki-
moon ໄດ້ກ່າວຫາລັດຖະບານທ່ານ Assad ວ່າ ເກືອບເປັນທີ່ແນ່ນອນແລ້ວໃນການກໍ່
ໂທດກຳຕ້ານມະນຸດຊາດ.
ນອກນັ້ນສະມັດຊາໃຫຍ່ອົງການສະຫະປະຊາຊາດຍັງໄດ້ຮັບຜ່ານມະຕິສະບັບນຶ່ງ ຊຶ່ງໄດ້
ຮັບການອະນຸມັດດ້ວຍຄະແນນສຽງ 137 ສຽງຂອງສະມັດຊາໃຫຍ່ທີມີສະມາຊິກທັງໝົດ
193 ປະເທດຮຽກຮ້ອງໃຫ້ລັດຖະບານຜະເດັດການ Assad ຍຸຕິໃນທັນທີຕໍ່ການໂຈມຕີ
ພົນລະເຮືອນ. ນອກນັ້ນ ມະຕິດັ່ງກ່າວ ຍັງໄດ້ໃຫ້ການສະໜັບສະໜຸນ ຕໍ່ແຜນການຂອງ
ສັນນິບາດອາຣັບ ເພື່ອໃຫ້ມີການຫັນປ່ຽນ ໄປສູ່ປະຊາທິປະໄຕໃນຊີເຣຍ ໂດຍບັງຄັບໃຫ້
ທ່ານ Assad ມອບອຳນາດໃຫ້ຜູ້ຮອງຂອງທ່ານ ແລະສ້າງຕັ້ງລັດຖະບານສາມັກຄີຊາດ
ຂຶ້ນ ເພື່ອກະກຽມການເລືອກຕັ້ງທີ່ຢູ່ພາຍໃຕ້ການຄວບຄຸມຂອງນາໆຊາດ.
ມະຕິຂອງສະມັດຊາໃຫຍ່ສະຫະປະຊາຊາດເປັນມະຕິທີ່ບໍ່ມີຜົນບັງຄັບ ແຕ່ໄດ້ສະທ້ອນໃຫ້
ເຫັນເຖິງຫາງສຽງຂອງມະຫາຊົນໂລກ ກ່ຽວກັບບັນຫາທີ່ສຳຄັນດັ່ງກ່າວ. 11 ປະເທດໄດ້
ຮ່ວມສົມທົບກັບຊີເຣຍ ໃນລົງຄະແນນສຽງຄັດຄ້ານ ຕໍ່ມະຕິສະບັບນີ້ຈະແຈ້ງທີ່ສຸດກໍແມ່ນ
ຣັດເຊຍກັບຈີນຊຶ່ງໄດ້ໃຊ້ສິດວີີໂຕ້ຕໍ່ຮ່າງຍັດຕິໃນລັກສະນະດຽວກັນນີ້ຢູ່ທີ່ສະພາຄວາມໝັ້ນ
ຄົງ ຂອງອົງການສະຫະປະຊາຊາດ ໃນຕົ້ນເດືອນນີ້ ຜູ້ສື່ຂ່າວຂອງວີໂອເອ ທີ່ນະຄອນນິວ
ຢອກກ່າວວ່າປະເທດຕ່າງໆທີ່ໃຫ້ເອກອັກຄະລັດຖະທູດຂອງຕົນ ຂຶ້ນກ່າວຖະແຫຼງຄັດຄ້ານ
ຮ່າງຍັດຕິຂອງສະມັດຊາໃຫຍ່ກໍມີຮວມທັງອີຣ່ານ ເກົາຫຼີເໜືອ ໂບລີເວຍແລະເວເນຊູເອລາ.
ເອກອັກຄະລັດຖະທູດສະຫະລັດປະຈຳອົງການສະຫະປະຊາຊາດ ທ່ານນາງ Susan Rice
ກ່າວວ່າສະມັດຊາໃຫຍ່ສະຫະປະຊາຊາດໄດ້ສົ່ງຂ່າວອັນຈະແຈ້ງໄປຍັງປະຊາຊົນຊາວຊີເຣຍ
ວ່າ ໂລກແມ່ນຢູ່ກັບພວກເຈົ້າ ແລະປະທານາທິບໍດີ Assad ບໍ່ເຄີຍຖືກໂດດດ່ຽວແບບນີ້ມາ
ກ່ອນ.
ເອກອັກຄະລັດຖະທູດຊີເຣຍປະຈຳອົງການສະຫະປະຊາຊາດ ທ່ານ Bahar Jaafari ໄດ້
ກ່າວຫາຮ່າງຍັດຕິ ທີ່ປະເທດອາຣັບເປັນຜູ້ຮ່ວມສະເໜີສະບັບນີ້ວ່າ ສົມຮູ້ຮ່ວມຄິດກັບພວກ
ກໍ່ການຮ້າຍເພື່ອບ່ອນທຳລາຍລັດຖະບານຊີເຣຍ.
