ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

ເຫດລະເບີດ ໃນພາກເໜືອຊີເຣຍ ສັງຫານ 25 ຄົນ (ເບິ່ງສະໄລດ໌ກັບວີດີໂອ)


ພວກຄົນງານຊີເຣຍ ສຳຫຼວດເບິ່ງຄວາມເສຍຫາຍ ຢູ່ບ່ອນເກີດລະເບີດ ນອກຕຶກອາຄານສືບລັບທະຫານ ທີ່ເມືອງ Aleppo ໃນພາກເໜືອຊີເຣຍ (10 ກຸມພາ 2010)
ພວກຄົນງານຊີເຣຍ ສຳຫຼວດເບິ່ງຄວາມເສຍຫາຍ ຢູ່ບ່ອນເກີດລະເບີດ ນອກຕຶກອາຄານສືບລັບທະຫານ ທີ່ເມືອງ Aleppo ໃນພາກເໜືອຊີເຣຍ (10 ກຸມພາ 2010)

ໂທລະພາບ​ຂອງ​ທາງ​ການ​ຊີ​ເຣຍລາຍ​ງານ​ວ່າ ມີ​ຜູ້​ເສຍ​ຊີວິດ​ຢ່າງ​ນ້ອຍ 25 ຄົນ ​ແລະ​ອີກ
175 ຄົນ​ໄດ້​ຮັບ​ບາດ​ເຈັບ ​ໃນ​ເຫດ​ລະ​ເບີດ​ສອງ​ຄັ້ງ ທີ່​ເມືອງ Aleppo ​ໃນ​ພາກ​ເໜືອ​ຂອງ
ຊີ​ເຣຍ ​ໃນ​ວັນ​ສຸກ​ມື້ນີ້.

ເຫດ​ລະ​ເບີດ ທີ່​ແນ​ໃສ່​ຕຶກ​ອາຄານ​ສື​ບລັບ ​ຂອງ​ກອງທັບ​ຊີ​ເຣຍ ​ແລະ​ຄ້າຍ​ກຳລັງຮັກສາ​
ຄວາມ​ສະຫງົບ​ແຫ່ງ​ນຶ່ງຊຶ່ງຕັ້ງຢູ່​ໃນ​ຫົວ​ເມືອງ​ການຄ້າທີ່​ສຳຄັນ​ຂອງ​ຊີ​ເຣຍ ທີ່​ຂ້ອນ​ຂ້າງມີ
ຄວາມ​ສະຫງົບ ​ນັບ​ຕັ້ງ​ແຕ່​ໄດ້​ມີ​ການ​ລຸກ​ຮື​ຂຶ້ນຕໍ່ຕ້ານ​ອຳນາດ​ການ​ປົກຄອງ​ຂອງ​ປະທາ
ນາທິບໍດີ Bashar al-Assad ​ໃນ​ເດືອນ​ມີນາ​ປີ​ແລ້ວ.

ຢູ່​ທີ່​ເມືອງ Homs ຊຶ່ງ​ຕັ້ງຢູ່​ໃນ​ເຂດ​ພາກ​ກາງຂອງ​ປະ​ເທດນັ້ນ ພວກ​ນັກ​ເຄື່ອນ​ໄຫວ​ຊີ
ເຣຍກ່າວ​ວ່າ ລົດ​ຖັງ​ຂອງ​ລັດຖະບານ​ໄດ້​ຊຸມນຸມ​ກຳລັງ​ຢູ່ອ້ອມ​ຄຸ້ມ​ຕ່າງໆຂອງ​ພວກ​ຝ່າຍ
ຄ້ານ ​ເປັນ​ມື້ທີ 7 ລຽນຕິດ ອັນ​ເປັນ​ພາກສ່ວນ​ນຶ່ງ​ໃນ​ການ​ສືບ​ຕໍ່ປາບ​ປາມ​ຂອງ​ລັດຖະ
ບານ​ຕໍ່​ເຂດ​ທີ່​ທີ​ການ​ລຸກ​ຮື​ຂຶ້ນປະ​ທ້ວງ​ຕໍ່ຕ້ານ​ລັດຖະບານ​ຢູ່​ໃນ​ທົ່ວ​ປະ​ເທດ.

ພວກ​ນັກ​ເຄື່ອນ​ໄຫວ​ກ່າວ​ວ່າ ມີຫຼາຍຮ້ອຍ​ຄົນ​ແລ້ວ ​ໄດ້​ເສຍ​ຊີວິດ​ນັບ​ແຕ່​ການ​ໂຈມຕີ​
ຂອງ​ລັດຖະບານ​ໄດ້​ເລີ່​ມຂຶ້ນທີ່​ເມືອງ Homs ​ໃນ​ວັນ​ເສົາ​ແລ້ວ. ມີ​ລາຍ​ງານ​ວ່າຫຼາຍໆ​
ຄຸ້ມ​ບໍ່​ມີ​ນໍ້າ​ປະປາ​ແລະ​ໄຟຟ້າ​ໃຊ້​ແລະ​ເຄື່ອງ​ໃຊ້​ທີ່​ຈຳ​ເປັນ​ຕ່າງໆ​ກໍ​ພວມ​ຈະໝົດລົງ.

ໃນ​ວັນ​ພະຫັດ​ວານ​ນີ້ ປະທາ​ນາ​ທິບໍດີ​ສະຫະລັດທ່ານ​ບາຣັກ ​ໂອ​ບາ​ມາ​ໄດ້​ຮຽກຮ້ອງ
ໃຫ້​ຍຸຕິ​ການ​ນອງ​ເລືອດ ​ທີ່​ຮ້າ​ຍ​ແຮງຢູ່​ໃນ​ຊີ​ເຣຍ ​ໃນ​ການ​ປະ​ນາມ​ເທື່ອ​ລ່າ​ສຸດ ຕໍ່ການ​
ປາບ​ປາມ​ຂອງທ່ານ Assad ​ໃນການ​ລຸກ​ຮື​ຂຶ້ນປະ​ທ້ວງ​ຂອງ​ປະຊາຊົນ​ນັ້ນ.

ວີ​ໂອ​ເອ​ໄດ້​ໂອ້​ລົມ​ກັບນັກ​ເຄື່ອນ​ໄ​ຫວຄົນ​ນຶ່ງ​ຢູ່​ເມືອງ Homs ທີ່​ເວົ້າວ່າການ​ໂຈມຕີ​ຂອງ
ລັດຖະບານ​ໄດ້ດຳ​ເນີນ​ໄປແບບ​ບໍ່​ລົດ​ລະແລະ​ການ​ຍ່າງ​ອອກ​ໄປ​ພຽງ​ແຕ່ຂ້າມທາງຮ່ອມ
ດຽວ​ກໍ​ອາດ​ຕາຍ​ໄດ້. ລາວ​ເວົ້າວ່າການ​ໂຈມ​ຕີ​ແມ່ນ​ນັບ​ມື້ນັບ​ຮ້າຍ​ແຮງຂຶ້ນໂດຍມີ​ຜູ້​ຕາຍ
ເພີ່ມ​ຂຶ້ນ ບາດເຈັບ​ເພີ່ມ​ຂຶ້ນ​ແລະ​ຕຶກ​ອາຄານ​ຖືກ​ທຳລາຍຫຼາຍຂຶ້ນ. ລາວ​ເວົ້າວ່າພວກ​ຄົນ
ເຈັບ​ໄດ້​ລົ້ນ​ໂຮງໝໍ​ອອກ​ມາ.

XS
SM
MD
LG