ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ຊີເຣຍຈັດການເລືອກຕັ້ງ ທີ່ມີຫຼາຍພັກການເມືອງ ປະກອບສ່ວນ ຄັ້ງທໍາອິດ (ສະໄລດ໌ກັບວີດີໂອ)


ການເລືອກຕັ້ງທີ່ຊີເຣຍ.
ວັນທີ 7 ພຶດສະພາ 2012.
ການເລືອກຕັ້ງທີ່ຊີເຣຍ. ວັນທີ 7 ພຶດສະພາ 2012.

ປະຊາຊົນ​ຊີ​ເຣຍກໍາລັງ​ເລືອກ​ເອົາ​ສະມາຊິກ​ສະພາ​ແຫ່ງ​ຊາດ​ຊຸດ​ໃໝ່​ໃນ​ວັນ​ຈັນ​ມື້​ນີ້ ​ໃນ​ການ​ເລືອກ​ຕັ້ງ​ທີ່​ມີ​ຫຼາຍ​ພັກ​ການ​ເມືອງ​ເຂົ້າ​ປະກອບສ່ວນນໍາ​ໃນ​ປະ​ເທດ​ຄັ້ງ​ທໍາ​ອິດ.

ບັນດາ​ນັກ​ເຄື່ອນ​ໄຫວ​ຝ່າຍ​ຄ້ານ​ເອີ້ນ​ການ​ເລືອກ​ຕັ້ງ​ນີ້​ວ່າ ​ເປັນຄວາມພະຍາຍາມ​ທີ່ປອມ​ແປງຂອງ​ປະທານາທິບໍດີ​ເພື່ອ​ຢາກ​ຄອງ​ອໍານາດຢູ່​ຕໍ່​ໄປ. ທາງ​ການ​ຊີ​ເຣຍກໍາລັງ​ຍ້ອງຍໍ​ການ​ປ່ອນ​ບັດ​ເລື້ອກຕັ້ງ​ນີ້​ວ່າ​ເປັນ​ການ​ປະຕິ​ຮູບ​ຄັ້ງ​ສໍາຄັນ.

ພວກ​ປະຊາຊົນ​ທີ່​ພາກັນ​ລຸກ​ຮື​ຂຶ້ນ​ຕໍ່ຕ້ານ​ປະທານາທິບໍດີ Bashar al-Assad ພາກັນ
​ຮວມຫົວ​ກັນ​ ບໍ່ເຂົ້າ​ຮ່ວມ​ໃນ​ການ​ປ່ອນ​ບັດ​ເລືອກ​ຕັ້ງຄັ້ງ​ນີ້. ພວກ​ຝ່າຍ​ຄ້ານ​ທີ່​ອາ​ໄສ​ຢູ່​ໃນ
​ຕ່າງປະ​ເທດ​ແລະ​ປະ​ເທດ​ຕ່າງໆ​ທີ່ພາກັນ​ຮຽກຮ້ອງ​ໃຫ້​ທ່ານ​ອັສສັສລາ​ອອກ​ຈາກ​ຕໍາ​
ແໜ່​ງນັ້ນ​ປະຕິ​ເສດ​ວ່າ ​ເປັນຄວາມ​ພະຍາຍາມ​ຄັ້ງ​ໃໝ່​ຂອງ​ລັດຖະບານ​ເພື່ອໜ່ວງ​ເວລາ​
ອອກ​ໄປ​ອີກ.ມາ​ຮອດ​ປັດຈຸບັນ​ນີ້ ລັດຖະບານ​ຊີ​ເຣຍ​ໄດ້ຮັບ​ເອົາ​ແຜນການ​ສັນຕິພາບ​ຂອງ
​ສັນນິບາດ​ອາຣັບ ຊຶ່ງ​ປະສົບ​ກັບຄວາມ​ລົ້ມ​ແຫລວ​ໃນ​ການ​ທໍາ​ຄວາມ​ຄືບ​ໜ້າ ​ແລະ​ລົງ​ນາມ
​ໃນ​ຂໍ້​ຕົກລົງ​ຢຸດ​ຍິງ​ທີ່​ໄກ່​ເກ່ຍ​ໂດຍ​ສະຫະ​ປະຊາ​ຊາດ​ໃນ​ເດືອນ​ເມສາ​ຜ່ານ​ມາ​ເພື່ອ​ສົ່ງ​ພວ
​ນັກ​ສັງ​ເກດ​ການ​ໄປ​ຍັງ​ປະ​ເທດ​ຊຶ່ງ​ເວລານີ້​ກໍາລັງ​ດໍາ​ເນີນ​ໄປ​ຢຸູ່​ນັ້ນ.

ການ​ເລືອກ​ຕັ້ງ​ທີ່​ວ່າ​ນີ້​ເຫັນ​ວ່າ​ເປັນ​ການ​ຍິນ​ຍອມ​ທາງ​ການ​ເມືອງ​ຕໍ່ການ​ລຸກ​ຮື​ຂຶ້ນ​ຂອງ​ປະ
ຊາຊົນ​ຕໍ່ຕ້ານ​ລັດຖະບານ​ນັ້ນ. ບັນດາ​ເຈົ້າໜ້າ​ທີ່​ກໍາກັບ​ການ​ເລືອກ​ຕັ້ງ​ຊີ​ເຣຍກ່າວ​ວ່າ ມີ​ຜູ້
​ສະມັກເຂົ້າ​ແຂ່ງຂັນ​ໃນ​ການ​ເລືອກ​ຕັ້ງ 7195 ຄົນ​ຊຶ່ງ​ຫຼາຍ​ຄົນ​ມາ​ຈາກ​ພັກ​ການ​ເມືອງ​ໃໝ່
​ຢ່າງ​ໜ້ອຍ 7 ພັກ ​ເຂົ້າ​ປະກອບສ່ວນ​ໃນ​ການ​ເລືອກ​ຕັ້ງ​ເພື່ອ​ຊີງ​ເອົາ​ບ່ອນ​ນັ່ງ 250 ບ່ອນ
ຢູ່​ໃນ​ສະພາ​ແຫ່ງ​ຊາດ ຊຶ່ງ​ເປັນການ​ອະວະສານ​ລົງ​ຂອງ​ພັກ Ba’ath ທີ່ເປັນ​ຜູ້​ຜູກຂາດ
​ຄອບ​ຄອງ​ອໍານາດ​ໃນ​ປະ​ເທດ​ມາ​ເປັນ​ເວລາ​ເກືອບ 50 ປີ​ນັ້ນ.

ລັດຖະທໍາ​ມະນູນ​ສະບັບ​ໃໝ່​ອະນຸມັດ​ໃຫ້​ຈັດ​ຕັ້ງ​ພວກ​ພັກ​ຝ່າຍ​ຄ້ານຂຶ້ນ​ໄດ້ ​ເພື່ອ​ແຂ່ງຂັນ
​ກັບ​ພັກ​ແນວ​ໂຮມ​ກ້າວໜ້າ​ແຫ່ງ​ຊາດ​ພາຍ​ໃຕ້ການ​ນໍາພາ​ຂອງ​ພັກ Ba’ath ຫຼັງ​ຈາກ​ມີ​
ການ​ປະ​ທ້ວງທີ່​ມີ​ຜູ້​ຄົນ​ເສຍ​ຊີວິດ​ໄປ​ຈໍານວນ​ຫຼວງ​ຫຼາຍ​ມາ​ໄດ້​ເກືອບ 1 ປີ​ນັ້ນ.

​ໂຄສົກ​ຍິງ​ປະ​ຈໍາ​ກຸ່ມ​ຝ່າຍ​ຄ້ານ​ທີ່​ອາ​ໄສ​ຢູ່​ໃນ​ຕ່າງປະ​ເທດ ຄື ສະພາ​ປົກຄອງ​ແຫ່ງ​ຊາດ​ຊົ່ວ
ຄາວຊີ​ເຣຍ ກ່າວ​ຕໍ່​ວີ​ໂອ​ເອວ່າ ການ​ເລືອກ​ຕັ້ງສະພາ​ເທື່ອ​ນີ້​ເປັນ​ການ​ໝິ່ນປະໝາດ​ຕໍ່​ລະ
ບອບ​ປະຊາ​ທີ​ປະ​ໄຕ.

ທ່ານ​ນາງ Bassma Kodmani ກ່າວ​ວ່າ ລັດຖະບານ​ກໍາລັງ​ເຂັ່ນຂ້າ​ປະຊາຊົນ​ທຸກໆ​
ມື້​ໃນ​ສູນ​ແຫ່ງ​ຕ່າງໆ​ຂອງ​ການ​ກໍ່​ການ​ກະບົດ​ຂຶ້ນ​ຕໍ່ຕ້ານ​ການ​ປົກຄອງ​ແບບ​ຜະ​ເດັດ​ການ
​ມາ​ຂອງ​ທ່ານ​ອັສສັສນັ້ນ. ທ່ານ​ນາງ Kodmani ກ່າວ​ຕໍ່​ໄປ​ພວກ​ປະຊາຊົນ​ທີ່​ຈະ​ໄປ​ປ່ອນ
​ບັດ​ໃນ​ສະພາບ​ແວດ​ລ້ອມ​ເຊ່ນ​ນີ້ ​ແມ່ນ​ພວກ​ທີ່ຖືກ​ບັງຄັບ​ໃຫ້​ໄປ​ປ່ອນ​ບັດ​ເທົ່າ​ນັ້ນ.

XS
SM
MD
LG