ລິ້ງ ສຳຫລັບເຂົ້າຫາ

ວັນພະຫັດ, ໑໘ ເມສາ ໒໐໒໔

ພວກນັກສັງເກດການ ສັນນິບາດອາຣັບ ກຳນົດ ໄປຮອດຊີເຣຍ ມື້ນີ້ (ເບິ່ງວີດີໂອ)


ພວກປະທ້ວງຕໍ່ຕ້ານລັດຖະບານ ໄປຮ່ວມພິທິສົ່ງສະການພວກທີ່ເສຍຊີວິດ ໃນການປະທະກັນທີ່ຄຸ້ມ Zabadani ໃນເຂດຊານເມືອງ ຂອງນະຄອນຫຼວງດາມັສກັສ (21 ທັນວາ 2011)
ພວກປະທ້ວງຕໍ່ຕ້ານລັດຖະບານ ໄປຮ່ວມພິທິສົ່ງສະການພວກທີ່ເສຍຊີວິດ ໃນການປະທະກັນທີ່ຄຸ້ມ Zabadani ໃນເຂດຊານເມືອງ ຂອງນະຄອນຫຼວງດາມັສກັສ (21 ທັນວາ 2011)

ຄະນະ​ລ່ວງ​ໜ້າ​ຈຸ​ນຶ່ງ​ ຂອງ​ພວກ​ນັກ​ສັງ​ເກດ​ການ​ຈາກ​ສັນນິບາດ​ອາຣັບ​ມີ​ກຳນົດ​ເດີນທາງ​ໄປ
ເຖິງຊີ​ເຣຍ​ໃນ​ວັນ​ພະຫັດ​ມື້ນີ້ເພື່ອ​ຊ່ອຍ​ໃຫ້ການ​ຄໍ້າປະກັນ​ວ່າ​ລັດຖະບານ​ໄດ້​ປະຕິບັດ​ຕາມ​ຄຳ​
ໝັ້ນສັນຍາທີ່​ຈະ​ຢຸດ​ເຊົາ​ການ​ໃຊ້​ກຳລັງ​ຮັກສາ​ຄວາມ​ສະຫງົບບຸກ​ໂຈມ​ຕີ​ພວກ​ປະ​ທ້ວງ​ນັ້ນ.

ທາງຄະນະ​ ພວມ​ກະກຽມທີ່​ຈະ​ສົ່ງພວກ​ນັກ​ສັງ​ເກດ​ການຈຳ​ນວນ​ຫຼາຍຮ້ອຍ​ຄົນເຂົ້າ​ໄປ​ປະຕິ
ບັດ​ໜ້າ​ທີ່​ໃນ​ທີ່​ສຸດ​ຢູ່​ໃນຊີ​ເຣຍ ຊຶ່ງ​ໄດ້​ທຳ​ການ​ຕົກລົງ​ອະນຸຍາດ​ໃຫ້ພວກ​ນັກ​ສັງ​ເກດ​ການ​ເຂົ້າ
ໄປ​ໃນ​ປະ​ເທດ ທ່າມກາງ​ການ​ກົດ​ດັນຂອງ​ປະຊາ​ຄົມໂລກ ​ເພື່ອ​ໃຫ້​ຊີ​ເຣຍຢຸດ​ເຊົາ​ການ​ປາບ
ປາມ​ພວກ​ປະ​ທ້ວງ​ແບບ​ນອງ​ເລືອດ​ທີ່​ດຳເນີນ​ມາ​ໄດ້​ເກົ້າ​ເດືອນ​ແລ້ວນັ້ນ.

ເທີ​ກີ​ຊຶ່ງ​ເປັນ​ປະ​ເທດ​ເພື່ອນ​ບ້ານ​ໄດ້​ປະນາມ​ລັດຖະບານ​ຊີ​ເຣຍ​ໃນ​ວັນ​ພະຫັດ​ມື້ນີ້ໂດຍ​ເວົ້າວ່າ
ນະ​ໂຍບາຍ​ຂອງ​ຊີ​ເຣຍ​ໄດ້​ຫັນປ່ຽນ​ປະ​ເທດ​ດັ່ງກ່າວ ​ໃຫ້​ກາຍ​ເປັນບ່ອນນອງ​ເລືອດ.

ກະຊວງ​ການ​ຕ່າງປະ​ເທດ​ເທີ​ກີ​ກ່າວໃນ​ຖະ​ແຫຼງການ​ສະບັບ​ນຶ່ງ​ວ່າ ຄວາມ​ຮຸນ​ແຮງ​ໄດ້​ກໍ່​ໃຫ້
ເກີດ​ມີ​ຄວາມ​ວິຕົກ​ກັງວົນ​ຢ່າງໃຫຍ່​ຫຼວງກ່ຽວ​ກັບ​ຄວາມ​ຕັ້ງ​ໃ​ຈອັນ​ແທ້​ຈິງ​ຂອງ​ຊີ​ເຣຍ ​ແລະ​ບໍ່​
ມີ​ລັດຖະບານ​ປະ​ເທດ​ໃດ​ສາມາດ​ເປັນ​ຜູ້​ຊະນະ​ໄດ້​ໃນການ​ຕໍ່ສູ້​ກັບ​ປະຊາຊົນ​ຂອງ​ຕົນ.

ຖະ​ແຫຼງການ​ດັ່ງກ່າວມີ​ຂຶ້ນລຸນ​ຫຼັງການ​ໃຫ້​ຄວາມທີ່​ເຫັນ​ຄ້າຍຄື​ກັນ ໃນ​ມື້ວັນ​ພຸດວານນີ້​ໂດຍ
ທຳນຽບຂາວ​ທີ່​ເວົ້າວ່າ ມັນ​ເປັນ​ພຽງ​ແຕ່ເລື່ອງ​ເວລາ​ທໍ່​ນັ້ນກ່ອນ​ທີ່​ອຳນາດ​ການ​ປົກຄອງ​ຂອງ
ປະທານາທິບໍດີ Bashar al-Assad ຈະ​ສິ້ນສຸດ​ລົງ.

ທ່ານ Jay Carney ​ໂຄສົກ​ຂອງ​ທຳນຽບຂາວ​ກ່າວ​ວ່າຄວາມ​ຢ້ານ​ກົວ​ແມ່ນ​ເປັນພຽງ​ສິ່ງ​ດຽວ​
ທໍ່​ນັ້ນທີ່​ເຮັດ​ໃຫ້​ລັດຖະບານ​ຊີ​ເຣຍຍັງສາມາດ​ດຳ​ເນີນ​ງານ​ຮ່ວມ​ກັນ​ໄດ້​ແລະ​ລັດຖະບານ​ທີ່​ມີ​ພື້ນ
ຖານ​ອີງ​ຕາມ​ຄວາມ​ຢ້ານ​ກົວ ​ແມ່ນ​ມັກ​ຈະ​ພົບ​ກັບຄວາມ​ຫາ​ຍານະສະ​ເໝີ.

ພວກ​ເຈົ້າໜ້າ​ທີ່ຝ່າຍ​ຄ້ານ​ຂອງ​ຊີ​ເຣຍກ່າ​ວວ່ານັບ​ແຕ່​ມື້ວັນ​ຈັນ​ເປັນຕົ້ນມາ​ພວກທະຫານ​ລັດຖະ
ບານ​ໄດ້​ສັງຫານຜູ້​ຄົນ​ໄປ​ແລ້ວ 250 ຄົນ ຊຶ່ງ​ເປັນ​ໄລຍະ​ທີ່​ມີ​ການນອງ​ເລືອດ​ທີ່​ສຸດ​ບັ້ນນຶ່ງນັບ
ແຕ່​ໄດ້​ມີ​ການ​ລຸກຮື​ຂຶ້ນຕໍ່ຕ້ານ​ລັດຖະບານເມື່ອ​ເດືອນມີນາ​ເປັນຕົ້ນມາ.

XS
SM
MD
LG