ໃນຂະນະດຽວກັນ ທູດພິເສດຂອງຈີນກໍໄດ້ເດີນທາງໄປຮອດຊີເຣຍແລ້ວ ເພື່ອກົດດັນໃຫ້
ຍຸດຕິຄວາມຮຸນແຮງໃນຊີເຣຍໂດຍບໍ່ມີເງື່ອນໄຂໃດໆ ແລະໃຫ້ເລີ້ມທໍາການໂອ້ລົມສົນທະ
ນາທາງດ້ານການເມືອງກັນ.
ທ່ານ Li Huaxin ອະດີດເອກອັກຄະລັດຖະທູດຈີນປະຈໍາກຸງດາມັສກັສ ກ່າວໃນວັນພຸດມື້
ນີ້ວ່າ ທ່ານຈະພົບປະກັບບັນດາເຈົ້າໜ້າທີ່ຊີເຣຍ ເພື່ອຊີ້ແຈງແຜນການສັນຕິພາບ 6 ຂໍ້ທີ່
ທາງກຸງປັກກິ່ງໄດ້ສະເໜີຂຶ້ນມາໃນວັນອາທິດຜ່ານມານີ້.
ທ່ານຫຼີ ກ່າວຕື່ມວ່າ ນອກນັ້ນແລ້ວ ທ່ານຈະພະຍາຍາມຊອກຫາຂໍ້ມູນຕື່ມອີກຈາກພວກ
ເຈົ້າໜ້າທີ່ຊີເຣຍ ກ່ຽວກັບສະພາບການໃນປະເທດທີ່ກໍາລັງທະຫານຊີເຣຍໄດ້ທໍາການຕໍ່
ສູ້ຢ່າງຮ້າຍກາດ ຕ້ານພວກພົນລະເຮືອນຝ່າຍຄ້ານທີ່ມີອາວຸດພຽງເລັກນ້ອຍນັ້ນ. ໂຄສົກ
ປະຈໍາກະຊວງການຕ່າງປະເທດຈີນທີ່ກຸງປັກກິ່ງ ກ່າວວ່າ ຈີນໄດ້ທໍາການຕິດຕໍ່ພົວພັນກັບ
ບັນດາກຸ່ມຝ່າຍຄ້ານຊີເຣຍ ເຊ່ນກັນ.