ລິ້ງ ສຳຫລັບເຂົ້າຫາ

ການກວດກາ ຄັງອາວຸດເຄມີ ຂອງຊີເຣຍ ອາດຈະເລີ້ມ ໃນ ອາທິດໜ້າ (ສະໄລດ໌)


ພວກນັກຊ່ຽວຊານ ດ້ານອາວຸດເຄມີ ສປຊ ສຶກສາເບິ່ງແຜນທີ່ ໃນລະຫວ່າງການໄປຢ້ຽມ ບ່ອນທີ່ມີການກ່າວຫາວ່າ ຖືກໂຈມຕີ ດ້ວຍອາວຸດເຄມີທີ່ຄຸ້ມ Zamalka ໃນເຂດຊານເມືອງ ກຸງດາມັສກັສ (28 ສິງຫາ 2013)
ພວກນັກຊ່ຽວຊານຂອງນາໆຊາດ ຈະເລີ້ມທຳການກວດກາເບິ່ງ
ຄັງອາວຸດເຄມີຂອງຊີເຣຍໃນວັນອັງຄານຈະມານີ້ ພາຍໃຕ້ແຜນ
ການທີ່ມີກຳນົດວ່າຈະໄດ້ຮັບການອະນຸມັດໂດຍກຸ່ມຕິດຕາມເບິ່ງ ອາວຸດເຄມີທີ່ສຳຄັນຂອງໂລກ.

ອົງການເກືອດຫ້າມໃນການນຳໃຊ້ອາວຸດເຄມີ ຫລື OPCW ຈະ ລົງຄະແນນສຽງໃນຕອນແລງຂອງວັນສຸກມື້ນີ້ກ່ຽວກັບຮ່າງຍັດຕິ
ທີ່ຮຽກຮ້ອງໃຫ້ ມີການກວດກາເບິ່ງ ສາງເກັບອາວຸດເຄມີ ແຫ່ງ
ຕ່າງໆທີ່ໄດ້ແຈ້ງໃຫ້ຊາບໂດຍລັດຖະບານຊີເຣຍພາຍໃນເວລາ
30 ມື້.

ຮ່າງຍັດຕິດັ່ງກ່າວຍັງບັງຄັບໃຫ້ລັດຖະບານຊີເຣຍອຳນວຍຄວາມສະດວກໃຫ້ຄະນະກວດ ກາຂອງອົງການ OPCW ເຂົ້າໄປກວດກາເບິ່ງສະຖານທີ່ຕ່າງໆ ທີ່ລະບຸໂດຍລັດຖະບານ ຊີເຣຍວ່າ ມີສ່ວນພົວພັນກັບໂຄງການອາວຸດເຄມີຂອງຊີເຣຍນັ້ນ.

ຖ້າຫາກໄດ້ຮັບການເຫັນພ້ອມ ຂໍ້ຮຽກຮ້ອງເຫຼົ່ານີ້ ກໍຈະກາຍເປັນພາກສ່ວນນຶ່ງຂອງຮ່າງ
ຍັດຕິສະພາຄວາມໝັ້ນຄົງອົງການສະຫະປະຊາຊາດທີ່ຈະອະນຸມັດແຜນປະຕິດບັດງານ ຢ່າງເປັນທາງການບັງຄັບໃຫ້ປະທານາທິບໍດີ Bashar al-Assad ມອບອາວຸດເຄມີທັງ ໝົດໃຫ້ແກ່ນາໆຊາດ ພາຍໃນກາງປີ 2014.

ສະຫະລັດແລະຣັດເຊຍໄດ້ຕົກລົງກັນໃນວັນພະຫັດວານນີ້ກ່ຽວກັບພາສາທີ່ໃຊ້ຢູ່ໃນເອກ ກະສານ ຫລັງຈາກໄດ້ມີການເຈລະຈາກັນຢ່າງຂຸ້ນຂ້ຽວ ເປັນເວລາຫຼາຍສັບປະດາ ທີ່ວ່າ ຈະຄໍ້າປະກັນແບບໃດໃຫ້ທ່ານ Assad ປະຕິບັດຕາມແຜນການປົດອາວຸດດັ່ງກ່າວ.

ສະພາຄວາມໝັ້ນຄົງ ສະຫະປະຊາຊາດ ທີ່ມີສະມາຊິກ 15 ປະເທດ ໄດ້ເປີດປະຊຸມສຸກ
ເສີນແບບປິດລັບໃນຕອນແລງຂອງວັນພະຫັດວານນີ້ ເພື່ອພິຈາລະນາຮ່າງຍັດຕິທີ່ພວກ ນັກການທູດເວົ້າວ່າ ການລົງຄະແນນສຽງ ອາດຈະມີຂຶ້ນໃນພາຍຕອນແລງມື້ນີ້ກໍເປັນໄດ້.

XS
SM
MD
LG