ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

ສປຊ ກຳລັງລໍຖ້າ ແຜນການ ທຳລາຍ ອາວຸດເຄມີ ຈາກ ຊີເຣຍ (ວີດີໂອ)


ລົດສະຫະປະຊາຊາດ ຈອດຢູ່ທາງໜ້າໂຮງແຮມ Four Seasons ທີ່ກຸງດາມັສກັສ ວັນທີ 22 ຕຸລາ 2013.
ລົດສະຫະປະຊາຊາດ ຈອດຢູ່ທາງໜ້າໂຮງແຮມ Four Seasons ທີ່ກຸງດາມັສກັສ ວັນທີ 22 ຕຸລາ 2013.
​ຄະນະ​ປະຕິບັດງານໃນ​ການ​ຄວບ​ຄຸມດູ​ແລ​ການ​ທັບ​ມ້າງ​ໂຄງ
ການອາວຸດ​ເຄມີ​ຂອງ​ຊີ​ເຣຍ ຄາດ​ວ່າ​ ລັດຖະບານ​ຊີ​ເຣຍ ຈະ​
ມອບ​ແຜນການ​ໃຫ້​ຕົນ​ໃນ​ວັນ​ພະຫັດ​ມື້​ນີ້​ ເພື່ອ​ທຳລາຍ​ຄັງ​ອາ
ວຸດ​ເຄມີ​ທີ່​ຊີ​ເຣຍມີ​ ໃນ​ປັດຈຸບັນ.

ການ​ທຳລາຍ​ອາວຸດ​ດັ່ງກ່າວ​ແມ່ນ​ຢູ່​ໃນ​ຂັ້ນ​ຕອນ​ສຸດ​ທ້າຍ​ຂອງ
​ຂໍ້​ຕົກລົງ​ສະບັບ​ນຶ່ງ​ກັບ​ສະຫະປະຊາ​ຊາດ​ແລະ​ອົງການ​ເກືອດ​
ຫ້າມ​ອາວຸດ​ເຄມີ ​ເພື່ອທຳລາຍ​ອາວຸດ​ດັ່ງກ່າວ​ຂອງ​ຊີ​ເຣຍ ໃຫ້​
ໝົດ​ໄປ​ພາຍ​ໃນ​ກາງ​ປີໜ້າ​.

ຊີ​ເຣຍ ມີ​ເວລາ​ຮອດ​ວັນ​ອາທິດ​ຈະ​ມາ​ນີ້ ​ເພື່ອ​ສະ​ເໜີ​ແຜນການ​
ຂອງ​ຕົນ ​ແຕ່​ໂຄສົກ​ປະຈຳ​ອົງການເກືອດ​ຫ້າມ​ໃນ​ການ​ນຳ​ໃຊ້ອາວຸດ​ເຄມີຫຼື OPCW ກ່າວ
​ໃນ​ວັນ​ພຸດ​ວານ​ນີ້​ວ່າ ທາງ​ຄະນະ​ປະຕິບັດ​ງານຄາດ​ວ່າຈະໄດ້​ຮັບ​ເອກະສານ​ຂັ້ນ​ຕົ້ນ​ຈາກ​
ຊີ​ເຣຍພາຍ​ໃນ 24 ຊົ່ວ​ໂມງ ​ເພື່ອ​ໂອ້​ລົມ​ສົນທະນາ​ກັນ​ກ່ຽວ​ກັບ​ວິທີ​ການຂອງ​ລັດຖະບານ
​ທີ່​ຈະ​ທຳລາຍ​ອາວຸດ​ເຫຼົ່ານັ້ນ​.

ພວກ​ນັກ​ກວດກາ​ຂອງ​ອົງການ OPCW ​ໄດ້​ໄປ​ກວດກາ​ເບິ່ງ​ບ່ອນ​ຜະລິດ​ ທີ່​ທາງການ
​ຊີເຣຍ ​ໄດ້​ເປີດ​ເຜີຍ​ໃຫ້​ຮູ້​ເປັນ​ສ່ວນ​ຫຼາຍ​ແລ້ວ ​ແລະ​ຄະນະ​ກວດກາ​ໄດ້​ເຮັດ​ໃຫ້​ອຸບປະ
ກອນ​ຢູ່ທີ່​ບ່ອນ​ຜະລິດ​ໃຊ້​ການ​ບໍ່​ໄດ້. ຄະນະ​ກວດ​ກາຍັງ​ໄດ້​ສະ​ແດງ​ຄວາມ​ໝັ້ນ​ໃຈ​ວ່າ
​ຄວາມ​ອາດ​ສາມາດ​ຂອງ​ຊີ​ເຣຍທີ່​ຈະ​ຜະລິດ​ອາວຸດ​ໃໝ່​ໃດໆ​ອອກ​ມາ​ ຈະ​ຖືກ​ທຳລາຍ
​ກ່ອນກຳນົດ​ເສັ້ນຕາຍໃນ​ວັນ​ທີ 1 ພະຈິກ​ນີ້.

Complications Mar Chances for Syrian Civil War Settlement
please wait

No media source currently available

0:00 0:02:51 0:00
ລິງໂດຍກົງ
XS
SM
MD
LG