ລິ້ງ ສຳຫລັບເຂົ້າຫາ

ວັນອາທິດ, ໒໑ ເມສາ ໒໐໒໔

ກຸ່ມປົກປ້ອງສິດທິມະນຸດ ແລະຝ່າຍຄ້ານ ຮຽກຮ້ອງ ໃຫ້ສັນນິບາດອາຫຣັບ ປົດຊີເຣຍອອກ


U.S. President Barack Obama, first lady Michelle Obama and their daughter Malia watch a game as they participate in the 135th annual Easter Egg Roll on the South Lawn of the White House in Washington.
U.S. President Barack Obama, first lady Michelle Obama and their daughter Malia watch a game as they participate in the 135th annual Easter Egg Roll on the South Lawn of the White House in Washington.

ກຸ່ມ​ປົກ​ປ້ອງ​ສິດທິ​ກຸ່ມ​ນຶ່ງ​ແລະ​ບັນດາ​ນັກ​ເຄື່ອນ​ໄຫວ​ຝ່າຍ​ຄ້ານ​ໄດ້​ຮຽກຮ້ອງ​ໃຫ້​ສັນ​ນິບາດ
​ຊາດ​ອາຫຣັບງົດການ​ເປັນ​ສະມາຊິກ​ຂອງ​ສັນນິບາດ​ໄວ້​ເປັນ​ການ​ຊົ່ວຄາວ​ ຫລັງ​ຈາກ​ເກີດ​
ຄວາມ​ວຸຸ້ນວາຍ​ຕໍ່ຕ້ານ​ລັດຖະບານ ທີ່ມີ​ການ​ກະ​ປະມານ​ກັນ​ວ່າປະຊາຊົນ ​ຈໍານວນ​ຫລາຍ​
ກວ່າ 3 ພັນ​ຄົນ​ໄດ້​ເສຍ​ຊີວິດ​ໄປ​ນັ້ນ. ຕໍ່ໄປນີ້ ເຮົາຈະພິດຈາລະນາເບິ່ງຄວາມ​ສໍາພັນ​ຊອງ
​ຊີ​ເຣຍກັບ​ສັນ​ນິບາດຊາດ​ອາຫຣັບ ແລະລໍາດັບເຫດການກ່ຽວພັນກັນ:

- ການ​ງົດການ​ເປັນ​ສະມາຊິກ​ຂອງ​ຊີ​ເຣຍ​ໄວ້​ເປັນ​ການ​ຊົ່ວຄາວ​ ຈະ​ບໍ່​ມີ​ຜົນ​ກະທົບ​ໂດຍ​ກົງ
​ຕໍ່​ຊີ​ເຣຍ ພຽງ​ແຕ່​ຈະ​ໂດດດ່ຽວ​ຊີ​ເຣຍ ​ຈາກ​ປະຊາ​ຄົມນາໆ ​ຊາດ.

- ໃນ​ເດືອນຕຸລາ​ຜ່ານ​ມາ​ນີ້ ສັນ​ນິບາດ​ຊາດ​ອາຫຣັບ​ໄດ້​ພິຈາລະນາ​ຂໍ້​ສະ​ເໜີຂໍ້​ນຶ່ງ​ຈາກ 6
ປະ​ເທດ​ໃນ​ເຂດ​ອ່າວ​ເປີ​ເຊຍ​ເພື່ອ​ງົດ​ການ​ເປັນ​ສະມາຊິກ​ຂອງ​ຊີ​ເຣຍນັ້ນ. ​ເຖິງ​ຢ່າງ​ໃດ​ກໍ​ດີ
ມີ​ຄວາມ​ແຕກ​ແຍກ​ກັນ​ຢ່າງ​ເລິກ​ເຊິ່ງໃນ​ບັນດາ​ປະ​ເທດ​ສະມາ​ຊິກຂອງ​ສັນນິບາດ​ຊາດ​
ອາຫຣັບດ້ວຍ​ກັນ​ນັ້ນ ທີ່​ຂັດຂວາງ​ບໍ່​ໃຫ້​ຮັບຮອງ​ເອົາ​ມາດ​ຕະການ​ດັ່ງກ່າວ​ນີ້.

- ຕົກ​ມາໃນ​ເດືອນ​ພະຈິກນີ້ ຊີ​ເຣຍ​ໄດ້​ຮັບ​ເອົາ​ແຜນການ​ຂອງ​ສັນນິບາດຊາດ​ອາຫຣັບ ທີ່​
ມີ​ວັດຖຸ​ປະສົງ​ເພື່ອຍຸດຕິ​ຄວາມ​ຮຸນ​ແຮງ​ ທີ່​ໄດ້ເຮັດ​ໃຫ້​ມີ​ຜູ້​ຄົນ​ເສຍ​ຊີວິດ​ໄປ​ຈໍານວນ​ຫລວງ
ຫລາຍ​ຈາກ​ການ​ປະ​ທ້ວງ​ຕໍ່ຕ້ານ​ລັດຖະບານ​ ທີ່​ໄດ້​ລະບາດ​ຂຶ້ນ​ໃນ​ເດືອນ​ມີນາ​ຜ່ານ​ມາ​ນັ້ນ.
ຂໍ້​ຕົກລົງ​ດັ່ງກ່າວຮຽກຮ້ອງ​ໃຫ້​ລັດຖະບານ​ຊີ​ເຣຍ ຖອນ​ກໍາລັງ​ຮັກສາ​ຄວາມ​ສະຫງົບ​ຂອງ
​ຕົນ​ອອກ​ຈາກ​ຖະໜົນ​ຫົນທາງ​ສາຍ​ຕ່າງໆ ພ້ອມ​ທັງ​ໃຫ້​ປ່ອຍ​ພວກ​ນັກ​ໂທ​ດການ​ເມືອງ
​ແລະ​ໃຫ້​ເລີ້ມ​ທໍາ​ການ​ໂອ້​ລົມ​ສົນທະນາ​ກັນ​ກັບ​ພວກ​ຝ່າຍ​ຄ້ານ. ​ແຕ່​ພວກ​ນັກ​ເຄື່ອນ​ໄຫວ​
ຝ່າຍ​ຄ້ານ​ກ່າວ​ວ່າ ພວກ​ກໍາລັງ​ຮັກສາ​ຄວາມ​ປອດ​ໄພ​ຍັງ​ສືບ​ຕໍ່​ທໍາ​ການ​ເຂັ່ນຂ້າ​ພວກ​ຝ່າຍ
​ຄ້ານ​ຢູ່​ຕໍ່​ມາ.

- ສັນ​ນິບາດ​ຊາດ​ອາຫຣັບ ປັດຈຸບັນ​ມີ 22 ປະ​ເທດ​ເປັນ​ສະມາຊິກ. ສັນນິບາດ​ດັ່ງກ່າວ​ໄດ້​
ຖືກ​ກໍ່​ຕັ້ງ​ຂຶ້ນ​ມາ​ໃນ​ປີ 1945 ​ໂດຍ​ມີ​ເປົ້າ​ໝາຍ​ເພື່ອ​ເສີມສ້າງສາຍ​ພົວພັນ​ທາງ​ດ້ານ​ການ
​ເມືອງ​ແລະ​ເສດຖະກິດ​ໃຫ້​ເຂັ້ມ​ແຂງ​ຂຶ້ນ​ໃນ​ບັນດາ​ປະ​ເທດ​ສະມາ​ຊິດ​ນໍາ​ກັນ. ຊີ​ເຣຍ​ແມ່ນ
​ເປັນ​ນຶ່ງ​ໃນ​ບັນດາ 6 ປະ​ເທດ​ສະມາຊິກກໍ່​ຕັ້ງ​ ຂອງສັນນິບາດ​ນີ້​.

XS
SM
MD
LG