ຊີເຣຍໃຫ້ຄໍາໜັ້ນສັນຍາທີ່ຈະເພີ່ມທະວີການຕອບໂຕ້ຢ່າງໜັກແໜ້ນແລະເດັດດ່ຽວຕໍ່ອັນທີ່ໂທລະພາບແຫ່ງຊາດເອີ້ນວ່າ ການສັງຫານໝູ່ກໍາລັງຮັກສາຄວາມປອດໄພ 120 ຄົນໃນເມືອງ Jir al-Shughour ໃນພາກຕາເວັນຕົກສຽງເໜືອຂອງປະເທດນັ້ນ.
ລາຍງານຂ່າວໃນວັນຈັນວານນີ້ ຍັງບໍ່ສາມາດຢືນຢັນໄດ້ ໃນເມື່ອວ່າພວກນັກຂ່າວຕ່າງປະ
ເທດບໍ່ໄດ້ຮັບອະນຸຍາດໃຫ້ເຂົ້າໄປໃນຊີເຣຍນັ້ນ. ພວກນັກເຄື່ອນໄຫວຝ່າຍຄ້ານຊີເຣຍໄດ້
ໂຕ້ແຍ້ງການກ່າວອ້າງກ່ຽວກັບຈຳນວນກຳລັງຮັກສາຄວາມສະຫງົບທີ່ບາດເຈັບແລະລົ້ມ
ຕາຍ ໂດຍສະເໜີແນະວ່າຈະໃຊ້ເປັນຂໍ້ແກ້ໂຕສໍາລັບການໂຈມຕີຢ່າງໜັກຄັ້ງໃໝ່ຂອງລັດຖະ
ບານນັ້ນ.
ທ່ານ Ibrahim al-Shaar ລັດຖະມົນຕີພາຍໃນຂອງຊີເຣຍ ກ່າວວ່າການທໍາການຕອບໂຕ້
ໃດໆກໍຕາມຈະດຳເນີນໄປຕາມກົດໝາຍ.
ເຂດອ້ອມແອ້ມເມືອງ Jir al-Shughour ໃກ້ໆກັບຊາຍແດນເຕິກກີ ເປັນຂົງເຂດຫລ້າສຸດທີ່
ເຂົ້າຮ່ວມໃນການລຸກຮືຂຶ້ນຕໍ່ຕ້ານລັດຖະບານທີ່ມີວັດຖຸປະສົງເພື່ອເຮັດໃຫ້ການປົກຄອງປະ
ເທດແບບຜະເດັດການທີ່ດຳເນີນມາເປັນເວລາ 11 ປີຂອງປະທານາທິບໍດີ Bashar al-As
sad ນັ້ນສິ້ນສຸດລົງ.
ໂຄສົກລັດຖະບານທ່ານນຶ່ງຍອມຮັບວ່າ ກໍາລັງຮັກສາຄວາມປອດໄພໄດ້ສູນເສຍການຄວບ
ຄຸມຢູ່ໃນບາງເຂດທັງຢູ່ໃນແລະອ້ອມແອ້ມຕົວເມືອງ ນັ້ນ.
ຊີເຣຍຖິ້ມໂທດຄວາມວຸ້ນວາຍທີ່ເກີດຂຶ້ນນີ້ໃສ່ແກ໊ງກໍ່ການຮ້າຍປະກອບອາວຸດທີ່ສະໜັບສະ
ໜຸນພວກຍຸແຍ່ຕ່າງປະເທດ.
ບັນດາກຸ່ມປົກປ້ອງສິດທິມະນຸດ ກ່າວວ່າ ຢ່າງໜ້ອຍປະຊາຊົນ 1 ພັນ 100 ຄົນໄດ້ເສຍຊີ
ວິດໄປໃນການປາບປາມຂອງລັດຖະບານຕໍ່ພວກປະທ້ວງຕໍ່ຕ້ານລັດຖະບານທີ່ໄດ້ເລີ້ມມາ
ຕັ້ງແຕ່ເດືອນມີນາປີນີ້ ແລະໄດ້ມີການຈັບກຸມປະຊາຊົນຈໍານວນຫລາຍກວ່າ 10 ພັນຄົນ.
