ລິ້ງ ສຳຫລັບເຂົ້າຫາ

2 ຄົນເສຍຊີວິດ ໃນການປະທະກັນ ທີ່ກ່ຽວພັນກັບຊິ​ເຣຍ ໃນເລບານອນ

  • ວັນນະສອນ​ ແກ້ວດາຣາ
  • ສິງ ບຸຣົມມະວົງ

ສະພາບການໃນຊິເຣຍ

ທາງ​ການ​ຂອງ​ເລ​ບາ​ນອນ​ກ່າວ​ວ່າ ການ​ປະ​ທະ​ກັນ​ທີ່​ຮ້າຍ​ແຮງ​ ​ໄດ້​ສັງຫານ​ຢ່າງ​ນ້ອຍ 2 ຄົນໃນ Beirut ທີ່ພາ​ໃຫ້​ມີຄວາມ​ຢ້ານ​ກົວ​ເພີ່ມ​ຂຶ້ນ​ອີກວ່າ ການ​ຂັດ​ແຍ້​ງກັນໃນ​ຊິ​ເຣຍນັ້ນ​ຈະ​ລາມ​ເຂົ້າ​ໄປ​ຍັງປະ​ເທດ​ເພື່ອ​ນບ້ານ​ທາງ​ກໍ້າ​ຕາ​ເວັນ​ຕົກ.

ທາງ​ການ​ກ່າວ​ວ່າ ພວກມື​ປືນ​ໄດ້​ປະ​ທະ ໃນ​ເຂດຄຸ້ມ Tariq ​ al-Jadideh ຂອງນະຄອນຫຼວງ Beirut ​ໃນ​ວັນ​ຈັນ​ມື້​ນີ້ ໂດຍ​ໄດ້​ຕັດ​ຖະໜົນ​ຫົນທາງ ​ແລະ ​ຍິງ​ປືນ​ກົນ​ຕໍ່ສູ້​ກັນ​ໃນ​ເຊົ້າ​ມືດ​ມື້​ນີ້.

ການ​ຕໍ່ສູ້​ກັນ ລະຫວ່າງພວກ​ທີ່​ນິຍົມ ​ແລະ​ຕໍ່ຕ້ານປະທານາທິບໍດີ al-Assad ​ແຫ່ງ​ຊີ​ເຣຍ ໃນ​ເມືອງ​ Tripoli ​ທາງພາກ​ເໜືອ​ຂອງ​ເລ​ບາ​ນອນ ​ໄດ້​ສັງຫານ​ຢ່າງ​ນ້ອຍ 8 ຄົນ​ໃນ​ອາທິດ​ແລ້ວ​ນີ້.

​ສ່ວນ​ຢູ່ໃນ​ຊິ​ເຣຍນັ້ນ ພວກນັກ​ເຄື່ອນ​ໄຫວ​ກ່າວ​ວ່າ ​ກໍາລັງທະຫານ​ໄດ້ໂຈມ​ຕີ​ເມືອງ​ນຶ່ງ ທີ່​ລຸກ​ຮື​ຂຶ້ນ​ຕໍ່ຕ້ານ ໃນ​ແຂວງ Hama ​ທາງພາກ​ກາງຂອງປະ​ເທດ ​ ​ໃນ​ວັນ​ອາທິດ​ວານ​ນີ້ ​ໂດຍ​ໄດ້​ສັງຫານ 34 ຄົນ ຊຶ່ງ​ຮວມທັງ​ເດັກນ້ອຍ​ນໍາ.

XS
SM
MD
LG