ລິ້ງ ສຳຫລັບເຂົ້າຫາ

4 ຄົນ ເສຍຊີວິດ ໃນການໂຈມຕີຫໍພັກ ໂດຍກໍາລັງຊີເຣຍ (ເບິ່ງສະໄລດ໌ກັບວີດີໂອ)

  • ສິງ ບູຣົມມະວົງ

ຄວາມຮຸນແຮງທີ່ເມືອງ Aleppo, ຊີເຣຍ. ວັນທີ 3 ພຶດສະພາ 2012.

ບັນດາ​ນັກ​ເຄື່ອນ​ໄຫວ​ຊີ​ເຣຍກ່າວ​ວ່າ ກໍາລັງ​ຂອງ​ລັດຖະບານ​ໄດ້​ບຸກໂຈມ​ຕີຫໍ​ພັກໃນ​
ມະຫາວິທະຍາ​ໄລ​ແຫ່ງ​ນຶ່ງ​ແລະ​ສັງຫານຢ່າງ​ໜ້ອຍ 4 ຄົນ​ຫຼັງມີ​ການ​ປະ​ທ້ວງ​ຕໍ່ຕ້ານ
​ລັດຖະບານ​ໃນ​ເມືອງ Aleppo ຂະນະ​ທີ່​ພວກ​ນັກ​ສັງ​ເກດ​ການ​ສະຫະ​ປະຊາ​ຊາດ​
ທົບ​ທວນ​ເບິ່ງຄວາມ​ພະຍາ ຍາມ​ຕ່າງໆຂອງ​ຕົນ​ເພື່ຶອຊັ່ງຊາ​ຕີ​ລາຄາ​ເບິ່ງສັນຍາ​ຢຸດ​
ຍິງ​ທີ່​ອ່ອນ​ແອນັ້ນ.

ບັນດາ​ກຸ່ມ​ປົກ​ປ້ອງ​ສິດທິ​ມະນຸດ​ແລະ​ພວກ​ນັກ​ເຄື່ອນ​ໄຫວ ກ່າວ​ໃນວັນ​ພະຫັດ​ມື້​ນີ້​
ວ່າ ກໍາລັງ​ຂອງ​ລັດຖະບານ​ໄດ້​ໃຊ້​ແກັສນໍ້າຕາ​ແລະ​ລູກປືນ​ແທ້​ໃນ​ການ​ບຸກ​ເຂົ້າ​ໂຈມ
​ຕີ​ໃນ​ຄືນ​ຜ່ານ​ມາ​ນີ້​ທີ່​ມະຫາວິທະຍາ​ໄລ​ເມືອງ Aleppo ນັ້ນ.

ບັນດາ​ນັກ​ເຄື່ອນ​ໄຫວ​ກ່າວ​ວ່າ ກໍາລັງ​ຂອງ​ລັດຖະບານ​ໄດ້​ຈັບກຸມ​ພວກ​ນັກ​ສຶກສາ​
ໄວ້​ຢ່າງ​ໜ້ອຍ 200 ຄົນ​ໃນ​ຂະນະ​ທີ່ກໍາລັງເຫຼົ່າ​ນີ້​ບຸກ​ເຂົ້າ​ໄປ​ໃນ​ບໍລິ​ເວນ​ມະຫາວິ
ທະຍາ​ໄລ ຫຼັງຈາກ​ການ​ປະທ້ວງ​ຂອງ​ຝ່າຍ​ຄ້ານ​ແລ້ວ.

ອົງການ​ຂ່າວສານ​ຝຮັ່ງ​ກ່າວ​ວ່າ ພວກ​ກໍາລັງ​ຂອງ​ລັດຖະບານຍັງໄດ້​ທໍາ​ການ​ບຸກ​
ໂຈມ​ຕີ​ຢ່າງ​ໜ້ອຍ 2 ບັ້ນ​ໃນ​ແຂວງ Damascus ​ໃນ​ວັນ​ພະຫັດ​ມື້​ນີ້.

ຄວາມ​ວຸ້ນວາຍ​ດັ່ງກ່າວ​ມີ​ຂຶ້ນ​ໃນ​ເວລາ​ນຶ່ງ​ມື້ ຫຼັງ​ຈາກ​ພວກ​ກຸ່ມ​ຝ່າຍ​ຄ້ານ​ກ່າວ​ວ່າ
ພວກ​ກະບົດ​ໄດ້​ສັງຫານ​ກໍາລັງ​ຮັກສາ​ຄວາມ​ປອດ​ໄພ 15 ຄົນ​ໃນ​ລະຫວ່າງ​ການ
​ດັກ​ສະກັດ​ໂຈມ​ຕີ​ທີ່​ແຂວງ Aleppo ນັ້ນ.

​ໃນ​ຂະນະ​ດຽວ​ກັນ ພວກ​ນັກ​ສັງ​ເກດ​ການ​ສະຫະ​ປະຊາ​ຊາດ​ຫຼາຍ​ສິບ​ຄົນ ກໍາ
ລັງ​ທໍາ​ການ​ຢ້ຽມຢາມ​ຂົງ​ເຂດ​ຕ່າງໆ ຮວມທັງຂົງ​ເຂດ​ຈຸດ​ລະ​ເບີດ​ທີ່​ສໍາຄັນ​ໃນ
ເມືອງ Homs ​ແລະ​ເຂດ​ຕ່າງ​ໃນ​ເມືອງ​ຮາ​ມາ​ ໃນ​ວັນ​ພະຫັດ​ມື້​ນີ້.

ພວກ​ນັກ​ສັງ​ເກດ​ການ​ກໍາລັງ​ປະ​ເມິ​ນ​ເບິ່ງ​ການຈັດ​ຕັ້ງ​ປະຕິບັດຂໍ້​ຕົກລົງ​ຢຸດ​ຍິງ
​ ​ແລະ​ແຜນການ​ສັນຕິພາບ ​ທີ່​ໄກ່​ເກ່ຍ​ໂດຍທ່ານ​ໂກຟ່ີ ອັນ​ນັນ ທູດ​ພິ​ເສດ​ສະ
ຫະ​ປະຊາ​ຊາດ​ໂດຍຝ່າຍ​ລັດຖະບານ​ແລະ​ພວກ​ຝ່າຍ​ຄ້ານ ນັ້ນ.

XS
SM
MD
LG