ລິ້ງ ສຳຫລັບເຂົ້າຫາ

ທ່ານອັນນັນ ພົບປະກັບ ປະທານາທິບໍດີ ຊີເຣຍ (ວີດີໂອ)

  • ສິງ ບູຣົມມະວົງ

ທ່ານໂກຟີ ອັນນັນ ທູດພິເສດສະຫະປະຊາຊາດ (ຂ້າງຊ້າຍ) ແລະນາຍ ພົນຕີ Robert Mood, ຫົວໜ້າທີມນັກສັງເກດການ ສະຫະປະຊາຊາດ ກ່າວຕໍ່ບັນດານັກຂ່າວ ໃນກຸງດາມັສກັສ , ຊີເຣຍ. ວັນທີ 28 ພຶດສະພາ 2012.


























ທ່ານ​ໂກ​ຟີ ອັນ​ນັນ ທູດ​ພິ​ເສດ​ສະຫະ​ປະຊາ​ຊາດ ​ໄດ້​ເລີ້ມ​ທໍາ​ການໂອ້​ລົມ​ສົນທະນາ​ກັບ​
ປະທານາທິບໍດີ Bashar al-Assad ​ແຫ່ງຊີ​ເຣຍ​ແລ້ວ​ໃນ​ກຸງ​ດາ​ມັສກັສ ​ເພື່ອຮຽກຮ້ອງ
​ໃຫ້​ທ່ານ​ Assad ຈັດ​ຕັ້ງ​ປະຕິບັດ​ຕາມຂໍ້​ຕົກລົງ​ຢຸດ​ຍິງ ​ທີ່​ທ່ານ​ເປັນ​ຜູ້​ໄກ່​ເກ່ຍ ລະຫວ່າງ​
ລັດຖະບານ​ກັບກໍາລັງ​ຂອງພວກ​ກະບົດ​ໃນ​ເດືອນ​ຜ່ານ​ມາ​ນີ້.

​ໂຄສົກ​ຍິງ​ຄົນ​ນຶ່ງຂອງອົງການ​ສະຫະ​ປະຊາ​ຊາດ​ທີ່​ນະຄອນຫຼວງ​ຂອງຊີ​ເຣຍ ກ່າວ​ຕໍ່​ວີ​ໂອ​ເອ
ວ່າ ທ່ານ​ອັນ​ນັນ​ຈະ​ຍົກ​ເລື້ອງ​ສໍາຄັນ 2 ​ເລື້ອງຂຶ້ນມາ​ໂອ້​ລົມ​ໃນ​ການ​ພົບ​ປະກັນ​ໃນ​ວັນ​ອັງ
ຄານ​ມື້​ນີ້. ນັ້ນ​ກໍ​ຄື ເງື່ອນ​ໄຂ 6 ຂໍ້​ໃນ​ແຜນການ​ສັນຕິພາບ​ຂອງ​ທ່ານ​ສໍາລັບ​ຊີ​ເຣຍ ​ແລະ
ການ​ສັງຫານໝູ່ພວກ ພົນລະ​ເຮື​ອນຢ່າງ​ໜ້ອຍ 108 ຄົນ​ໃນ​ເມືອງ Houla ຊຶ່ງ​ມີ​ການ​ລຸກ
ຂຶ້ນກໍ່​ກະບົດ ​ໃນ​ວັນ​ສຸກ​ຜ່ານ​ມາ​ນັ້ນ.

ຫ້ອງການ​ວ່າ​ດ້ວຍ​ສິດທິ​ມະນຸດ​ຂອງ​ສະຫະ​ປະຊາ​ຊາດ​ທີ່​ນະຄອນ​ເຈ​ເນ​ວາກ່າວ​ໃນ​ວັນ​ອັງ
ຄານ​ມື້​ນີ້​ວ່າ ພວກ​ນັກ​ສັງ​ເກດ​ການ​ຂອງ​ສະຫະ​ປະຊາ​ຊາດ​ໄດ້​ພົບ​ເຫັນ​ວ່າ ພວກ​ທີ່​ຖືກ​ສັງ
ຫານ​ໃນ​ເມືອງ​ຮູ​ລາ​ນັ້ນ ມີ​ໜ້ອຍ​ກວ່າ 20 ຄົນເສຍ​ຊີວິດ​ຍ້ອນ​ລູກປືນ​ໃຫຍ່​ ແລະ​ການ​ລະ
ດົມ​ຍິງຈາກ​ລົດ​ຖັງ ແລະກ່າວ​ຕໍ່​ໄປ​ວ່າ ພວກ​ທີ່​ເຫັນ​ເຫດການແຈ້ງ​ໃຫ້ພວກນັກ​ສັງ​ເກດ​ການ
​ສະຫະ​ປະຊາ​ຊາດ​ຊາບວ່າ ພວກ​ທີ່​ໄດ້​ຮັບ​ເຄາະ​ຮ້າຍ​ຄົນ​ອື່ນໆ​ນັ້ນ​ສ່ວນ​ຫຼາຍ​ແມ່ນ​ຕາຍ​ຍ້ອນ
ການ​ສັງຫານແບບ​ລວບ​ລັດ​ຕັດ​ຕອນ 2 ບັ້ນໂດຍ​ພວກ​ທະຫານ​ບ້ານ​ນິຍົມ​ຝ່າຍ​ລັດຖະບານ​.

ເບິ່ງວີດີໂອຄະນະສັງເກດການ ສປຊ ໃນຊີເຣຍ

ຫຼັງ​ຈາກ​ເດີນທາງ​ໄປ​ຮອດ​ກຸງ​ດາ​ມັສກັສ​ໃນ​ວັນ​ຈັນ​ວານ​ນີ້​ແລ້ວ ອະດີດ​ເລຂາທິການ​ໃຫຍ່​
ສະຫະ​ປະຊາ​ຊາດ​ກ່າວ​ວ່າ ທ່ານ​ຕື່ນ​ຕົກ​ໃຈແລະຢ້ານກົວ​ຈົນ​ຂົນ​ຫົວ​ລຸກ​ນໍາ​ການ​ສັງ​ຫານ​ໝູ່​
ຜູ້​ຄົນ​ໃນ​ເມືອງ​ຮູ​ລາ ​ໂດຍ​ເອີ້ນວ່າ ​ເປັນ​ອາດຊະຍາ​ກໍາ​ທີ່​ໜ້າຕົກ​ໃຈ. ສະພາ​ຄວາມ​ໝັ້ນຄົງ​
ສະຫະປະຊາ ຊາດອອກ​ຖະ​ແຫຼ​ງການ​ສະບັບ​ນຶ່ງໃນ​ມື້​ກ່ອນນີ້ ​ຖິ້ມ​ໂທດໃສ່​ວ່າ ພວກ​ທີ່​ເສຍ
​ຊີວິດ​ໄປ​ນັ້ນ​ບາງ​ຄົນ​ແມ່ນ​ເກີດ​ຈາກລູກປືນ​ໃຫຍ່​ແລະ​ການ​ລະດົມ​ຍິງ​ຈາກ​ລົດ​ຖັງຂອງລັດ
ຖະບານ​ນັ້ນ​ໂດຍ​ກົງ. ຖະ​ແຫຼ​ງການ​ສະບັບ​ນີ້​ໄດ້​ປະນາມ​ການ​ຍິງ​ສັງຫານ​ແລະ​ການ​ເອົາ​ມີດ​
ແທງ​ພວກ​ທີ່​ເສຍ​ຊີວິດ​ຄົນ​ອື່ນໆ​ນັ້ນ​ເຊ່ນ​ກັນ ແຕ່​ບໍ່​ໄດ້​ບອກ​ໃຫ້​ຮູ້​ວ່າແມ່ນ​ໃຜ​ເປັນ​ຜູ້​ຮັບຜິດ​
ຊອບ​ໃນ​ເລື້ອງ​ນີ້.

ທ່ານ​ນາງ Sausan Ghosheh ​ໂຄສົກ​ປະ​ຈໍາ​ສະຫະ​ປະຊາ​ຊາດກ່າວ​ວ່າ ພວກ​ນັກ​ສັງ​ເກດ
​ການ​ສະຫະ​ປະຊາ​ຊາດ​ຍັງ​ພັກ​ຢູ່​ໃນ​ເມືອງຮູ​ລາ​ມາ ຕັ້ງ​ແຕ່​ວັນ​ເສົາ​ແລ້ວ ​ແລະ​ໄດ້​ທໍາ​ການ​ໂອ້​
ລົມ​ສົນທະນາ​ກັບພວກ​ປະຊາຊົນ​ໃນ​ທ້ອງ​ຖິ່ນ​ເພື່ອ​ຢາກ​ຮູ້​ຄວາມ​ຈິງ​ແທ້ນັ້ນ.

ລັດຖະບານ​ຊີ​ເຣຍ ປະຕິ​ເສດ​ວ່າ​ຕົນ​ບໍ່​ມີ​ບົດບາດ​ໃດໆ​ໃນ​ການ​ສັງຫານຜູ້​ຄົນ​ໃນ​ເມືອງ​ຮູ​ລາ
​ແລະ​ຖິ້ມ​ໂທດ​ການ​ໂຈມ​ຕີ​ທັງ​ໝົດ​ນີ້​ ໃສ່ພວກ​ກໍ່ການ​ຮ້າຍ​ປະກອບ​ອາວຸດ ທີ່​ລັດຖະບານ​
ໄດ້​ກ່າວ​ຫາ​ວ່າ ​ເປັນ​ແຮງ​ຂັບ​ດັນ​ໃນ​ການ​ລຸກ​ຮື​ຂຶ້ນ​ຕໍ່ຕ້ານ​ທ່ານ​ອັສສັດ ມາ​ເປັນ​ເວລາ 15
​ເດືອນແລ້ວ​ນັ້ນ.

XS
SM
MD
LG