ລິ້ງ ສຳຫລັບເຂົ້າຫາ

ສັນນິບາດອາຣັບ ພິຈາລະນາ ສະໜັບສະໜຸນ ແຜນການ ສັນຕິພາບຂອງທ່ານອັນນັນ (ເບິ່ງວີດີໂອ)

  • ສິງ ບູຣົມມະວົງ

Emir Sheikh Sabah al-Ahmad Al-Sabah ແຫ່ງຄູເວດອ່ານ ຖະແຫຼງການຕໍ່ກອງປະຊຸມສຸດຍອດ ສັນນິບາດອາຣັບທີ່ກຸງແບກແດ໊ດ. ວັນທີ 29 ມີນາ 2012.

ບັນດາ​ຜູ​ນໍາ​ປະ​ເທດ​ອາຣັບກໍາລັງ​ພິຈາລະນາ​ຮ່າງ​ຍັດຕິ​ສະບັບ​ນຶ່ງ ສະໜັບສະໜຸນ​ແຜນການ​
ສັນຕິພາບ​ຂອງ​ທ່ານ​ໂກ​ຟີ ອັນ​ນັນ ທູດພິ​ເສດ​ສະຫະ​ປະຊາ​ຊາດ​ກ່ຽວ​ກັບ​ຊີ​ເຣຍ ຂະນະ​ທີ່
ພວກ​ເຂົາ​ເຈົ້າ​ພົບປະກັນ​ໃນ​ກອງ​ປະຊຸມ​ສຸດ​ຍອດ​ຄັ້ງ​ປະວັດ​ສາດ​ທີ່​ກຸງ​ແບກ​ແດ໊ດນັ້ນ.

ມາດ​ຕະການ​ທີ່​ຮ່າງ​ຂຶ້ນ​ໂດຍ​ບັນດາ​ລັດຖະມົນຕີ​ຕ່າງປະ​ເທດ​ຂອງສັນນິບາດ​ອາຣັບ ​ເພື່ອ​
ໃຫ້​ກອງ​ປະຊຸມ​ຮັບຮອງ​ເອົາ​ນັ້ນ ຮຽກຮ້ອງໃຫ້ລັດຖະບານ​ປະທານາທິບໍດີ Bashar al-
Assad ຢຸດ​ທໍາ​ການ​ໂຈມຕີ​ຢ່າງ​ຮຸນ​ແຮງ​ຕໍ່​ພວກ​ຝ່າຍ​ຄ້ານ ​ແລະ​ອະນຸຍາດ​ໃຫ້​ທໍາ​ການ​ປະ​
ທ້ວງຢ່າງ​ສັນ​ຕິ​ໄດ້.

ທ່ານ​ອັນ​ນັນ ກ່າວ​ວ່າ ຊີ​ເຣຍ​ໄດ້​ຮັບ​ເອົາ​ແຜນການ​ຂອງ​ທ່ານ​ໃນ​ຕົ້ນສັບປະດາ​ນີ້ ​ແຕ່
ຄວາມ​ຮຸນ​ແຮງ​ຍັງ​ດໍາ​ເນີນ​ໄປ​ຢູ່.

ພວກ​ນັກ​ເຄື່ອນ​ໄຫວ​ດ້ານ​ສິດທິ​ມະນຸດ​ຊີ​ເຣຍ ກ່າວ​ວ່າ ຢ່າງ​ໜ້ອຍພົນລະ​ເຮືອນ 3 ຄົນ​
ເສຍ​ຊີວິດ​ໃນ​ວັນ​ພະຫັດ​ມື້​ນີ້ ​ເວລາ​ພວກກໍາລັງ​ຂອງ​ລັດຖະບານທໍາ​ການ​ໂຈມ​ຕີ​ແຂວງ
Idlib ​ໃນ​ພາກ​ເໜືອ​ຂອງ​ປະ​ເທດ ​ໃນ​ຂະນະ​ທີ່​ພວກ​ກະບົດ​ໄດ້​ສັງຫານ​ທະຫານ​ຝ່າຍ
ລັດຖະບານ 2 ຄົນ​ໃນ​ແຂວງ​ຮາ​ມາ ​ໃນ​ພາກ​ກາງຂອງ​ປະ​ເທດ.

ອົງການ​ຂ່າວ SANA ຂອງ​ທາງ​ການ​ຊີ​ເຣຍກ່າວ​ເຊ່ນ​ກັນ​ວ່າ ພວກ​ມື​ປືນ 4 ຄົນ​ຊຶ່ງເປັນ​
ສ່ວນນຶ່ງ​ ຂອງກຸ່ມ​ກໍ່​ການ​ຮ້າຍ​ປະກອບ​ອາວຸດ ​ໄດ້​ລອບ​ສັງຫານ​ນາຍ​ພັນ​ເອກ​ທະຫານ
2 ຄົນ​ໃນເມືອງ Aleppo.

ທີ່​ກຸງ​ວໍຊິງ​ຕັນ​ໃນ​ວັນ​ພຸດ​ວານ​ນີ້ ທ່ານ​ນາງ Victoria Nuland ​ໂຄສົກ ປະ​ຈໍາ​ກະຊວງ
ການຕ່າງປະ​ເທດ​ສະຫະລັດ ກ່າວ​ວ່າ ​ເປັນ​ທີ່​ຈະ​ແຈ້ງ​ທີ່​ວ່າ ລັດຖະບານ​ຊີ​ເຣຍ ບໍ່​ໄດ້​ປະ
ຕິບັດ​ຕາມແຜນການ​ສັນຕິພາບ ​ແລະ​ກ່າວ​ຍໍ້າຕື່ມ​ວ່າ ທ່ານ​ອັສສັສ ຈະ​ຖືກ​ຕັດສິນ​ໂດຍ​
ພຶດຕິ​ກໍາຂອງ​ທ່ານ.

ທ່ານ Hoshyar Zebari ລັດຖະມົນຕີ​ຕ່າງປະ​ເທດ​ອີຣັກ ກ່າວ​ວ່າ ການຈັດ​ຕັ້ງ​ປະຕິ​ບັດ​
ແຜນການ​ຂອງ​ທ່ານ​ອັນ​ນັນແມ່ນ​ສໍາຄັນ​ກວ່າ​ການ​ຮັບ​ເອົາ​ແຜນການ​ນັ້ນ ​ແລະ​ເປັ​ນ​ໂອ
ກາດ​ສຸດທ້າຍ​ສໍາລັບ​ຊີ​ເຣຍເພື່ອ​ແກ້​ໄຂ​ວິ​ກິດ​ການ​ຂອງ​ຕົນ​ທາງ​ສັນຕິ​ນັ້ນ.

ເຈົ້າ​ໜ້າ​ທີ່​ຊີ​ເຣຍທ່ານ​ນຶ່ງ ກ່າວ​ວ່າ ລັດຖະບານ​ຂອງ​ທ່ານ​ຈະ​ປະຕິ​ເສດຕໍ່​ຮ່າງ​ຍັດຕິ​ໃດໆກໍ​
ຕາມ​ທີ່​ຮັບຮອງ​ເອົາ​ໂດຍ​ສັນນິບາດ​ອາຣັບກ່ຽວ​ກັບ​ຊີ​ເຣຍນັ້ນ. ສັນນິບາດ​ດັ່ງກ່າວ​ໄດ້​ງົດ
ການເປັນ​ສະມາຊິກ​ຂອງ​ຊີ​ເຣຍ​ໃນ​ປີແລ້ວ​ນີ້ ​ເພື່ອ​ລົງ​ໂທດ​ກຸງ​ດາ​ມັສກັສທີ່​ທໍາ​ການ​ສືບ​ຕໍ່​
ປາບ​ປາມພວກຝ່າຍ​ ຄ້ານ​ຢ່າງ​ນອງ​ເລືອດ​ນັ້ນ.

ເບິ່ງວີດີໂອ ອົບພະຍົບຊີເຣຍ ໃນປະເທດເທີກີ

XS
SM
MD
LG