ບັນດານັກສັງເກດການຂອງສັນນິບາດຊາດອາຣັບເດີນທາງໄປຍັງເມືອງ Horms ຂອງຊີເຣຍ ຊຶ່ງເປັນສູນກາງຂອງພວກປະທ້ວງຝ່າຍຄ້ານ ບ່ອນທີ່ພວກນັກເຄື່ອນໄຫວດ້ານສິດທິມະນຸດກ່າວວ່າ ກໍາລັງຮັກສາຄວາມປອດໄພຂອງລັດຖະບານໄດ້ເພີ່ມການໂຈມຕີຂອງພວກເຂົາເຈົ້າຂຶ້ນຕໍ່ພວກປະທ້ວງໃນຫວ່າງບໍ່ເທົ່າໃດມື້ຜ່ານມານີ້.
ໂທລະພາບຊີເຣຍກ່າວໃນວັນອັງຄານມື້ນີ້ວ່າ ພວກນັກສັງເກດການໄດ້ພົບປະກັບ
ເຈົ້າແຂວງ ແຂວງ Homs.
ຫົວໜ້າໜ່ວຍປະຕິບັດພາລະກິດຂອງສັນນິບາດຊາດອາຣັບ ນາຍພົນ Mohammed
Dabi ແຫ່ງຊູດານ ກ່າວໃນເຊົ້າວັນອັງຄານມື້ນີ້ວ່າພວກນັກສັງເກດການກໍາລັງເດີນ
ທາງໄປຍັງເມືອງ Homs ຂະນະທີ່ພວກນັກເຄື່ອນໄຫວກ່າວວ່າ ພວກລົດຖັງຂອງລັດ
ຖະບານຈໍານວນນຶ່ງກໍາລັງຖອນອອກຈາກເມືອງດັ່ງກ່າວ.
ບັນດາກຸ່ມປົກປ້ອງສິດທິມະນຸດໄດ້ຮຽກຮ້ອງໃຫ້ພວກນັກສັງເກດການໄປຢ້ຽມຢາມ
ເມືອງ Homs ຢ່າງໄວ ຫລັງຈາກພວກກໍາລັງຮັກສາຄວາມປອດໄພໄດ້ສັງຫານປະຊາ
ຊົນຢ່າງໜ້ອຍ 30 ຄົນຢູ່ທີ່ນັ້ນໃນວັນຈັນວານນີ້.
ພວກສັງເກດການ 50 ທ່ານພ້ອມດ້ວຍບັນດາເຈົ້າໜ້າທີ່ຂອງສັນນິບາດ ຊາດອາຣັບ
ອື່ນໆອີກ 10 ຄົນເດີນທາງໄປຮອດຊີເຣຍຈາກອີຈິບໃນວັນຈັນວານນີ້ເພື່ອຕິດຕາມເບິ່ງ
ການໃຫ້ຄໍາໝັ້ນສັນຍາຂອງລັດຖະບານປະທານາທິບໍດີ Bashar al-Assad ທີ່ວ່າ
ຕົນຈະຖອນພວກລົດຖັງ ແລະທະຫານຂອງຕົນອອກຈາກເມືອງຕ່າງໆແລະປ່ອຍພວກ
ນັກໂທດການເມືອງນັ້ນ.
ສັນນິບາດຊາດອາຣັບກ່າວວ່າ ພວກນັກສັງເກດການຈາກ ຢ່າງໜ້ອຍ8 ປະເທດອາຣັບ
ຈະທໍາການຢ້ຽມຢາມຫລາຍຫົວເມືອງຂອງຊີເຣຍໃນວັນອັງຄານມື້ນີ້ ຮວມທັງເມືອງ
Homs, ເມືອງ Idlib. ເມືອງ Hama ແລະເມືອງ Daraa.
ພວກນັກເຄື່ອນໄຫວດ້ານສິດທິມະນຸດ ແລະສະພາປົກຄອງແຫ່ງຊາດຊີເຣຍຝ່າຍຄ້ານ
ກ່າວວ່າ ຂໍ້ຕົກລົງຂອງລັດຖະບານຕໍ່ແຜນການຂອງສັນນິບາດຊາດອາຣັບເປັນການ
ຫລອກລວງ. ພວກປະທ້ວງຕໍ່ຕ້ານລັດ ຖະບານບາງຄົນໄດ້ຕໍາໜິຕິຕຽນທ່າທີຂອງ
ສັນນິບາດຊາດອາຣັບ ເຖິງກັບຂັ້ນທີ່ມີການກ່າວຫາວ່າ ເປັນຄວາມສໍາພັນທີ່ຮ່ວມກັນ
ກະທໍາຜິດໃນການສັງຫານຜູ້ຄົນນັ້ນ.
ທ່ານ Burhan Ghalioun ຫົວໜ້າສະພາແຫ່ງຊາດຊົ່ວຄາວຊີເຣຍ ຮຽກຮ້ອງໃຫ້ສະ
ພາຄວາມໝັ້ນຄົງສະຫະປະຊາຊາດໃນວັນຈັນວານນີ້ ໃຫ້ເຂົ້າໄປຄວບຄຸມການດຳເນີນ
ຄວາມພະຍາຍາມຂອງນາໆຊາດເພື່ອຢຸດຄວາມຮຸນແຮງທີ່ກໍາລັງດໍາເນີນໄປຢູ່ໃນປະ
ເທດໃນເວລານີ້.
