ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຢ່າງໜ້ອຍ 20 ຄົນເສຍຊີວິດ ໃນພາກໃຕ້ຂອງຊີເຣຍ


ພວກທະຫານຊີເຣຍຕງທາ ກຽມສູລົບ ໃກ້ລົດຖັງຂອງພວກເຂົາເຈົ້າໃນເມືອງ Daraa ໃນພາກໃຕ້ຂອງຊີເຣຍ ວັນທີ 25 ເມສາ, 2011
ພວກທະຫານຊີເຣຍຕງທາ ກຽມສູລົບ ໃກ້ລົດຖັງຂອງພວກເຂົາເຈົ້າໃນເມືອງ Daraa ໃນພາກໃຕ້ຂອງຊີເຣຍ ວັນທີ 25 ເມສາ, 2011

ມີ​ລາຍ​ງານ​ວ່າ ຢ່າງ​ໜ້ອຍມີ​ປະຊາຊົນ 20 ຄົນ​ເສຍ​ຊີວິດ
ຫລັງ​ຈາກ​ພວກທະຫານແລະລົດ​ຖັງ​ຂອງ​ຊີ​ເຣຍ​ແລ່ນ​ເຂົ້າ​
ໄປໃນ​ເມືອງ Daraa ຊຶ່ງເປັນຫົວເມືອງທີ່ມີການ​ປະ​ທ້ວງ
ທີ່ລັດຖບານບໍ່ສາມາດຄວບຄຸມໄດ້​ ໃນ​ວັນ​ຈັນ​ວານ​ນີ້ ຊຶ່ງ​
ໄດ້​ພາ​ໃຫ້​ມີ​ການຕໍາໜິຕິຕຽນ​ຈາກ​ນາໆ​ຊາດ​ນັ້ນ.

ພວກ​ທີ່​ເຫັນ​ເຫດການ​ແລະ​ພວກ​ນັກ​ເຄື່ອນ​ໄຫວ​ດ້ານ​ສິດທິ
ມະນຸດ​ໃນ​ພາກ​ໃຕ້​ຂອງ​ຊີ​ເຣຍ​ແຈ້ງ​ໃຫ້​ຊາບ​ ກ່ຽວ​ກັບຈຳ
ນວນຜູ້​ບາດ​ເຈັບ​ແລະ​ເສຍ​ຊີວິດ ​ໃນ​ຂະນະ​ທີ່​ທາງ​ການ​ຊີ
ເຣຍ​ຂະຫຍາຍ​ການ​ປາບ​ປາມ​ໃນການ​ລຸກຮື​ຂຶ້ນຕໍ່ຕ້ານ​ລັດຖະ
ບານ ​ທີ່ໄດ້ດຳເນີນມາ​ເປັນ​ເວລາ 5 ສັບປະດາ​ແລ້ວ ນັ້ນ.

ພວກ​ທີ່​ເຫັນ​ເຫດການ​ກ່າວ​ວ່າ ພວກ​ເຂົາ​ເຈົ້າ​ເຫັນ​ສົບ​ຄົນ
ຕາຍ​ຫລາຍ​ສົບຢູ່​ໃນ​ລົດ​ຄັນ​ນຶ່ງ​ທີ່​ໄດ້​ຖືກ​ກໍາລັງ​ຮັກສາ​ຄວາມ
ປອດ​ໄພ​ຝ່າຍ​ລັດຖະບານ​ໂຈມ​ຕີ​ກ່ອນ​ໜ້າ​ນີ້ຢູ່​ໃນ​ເມືອງ
Daraa ນັ້ນ. ​ເທບ​ວີ​ດີ​ໂດທີ່​ພວກ​ກຸ່ມ​ປົກ​ປ້ອງ​ສິດທິ​ມະນຸດ​ແຈກ​ຢາຍ​ໃຫ້​ນັ້ນ ສະ​ແດງ​ໃຫ້​ເຫັນ​ພວກ​ລົດ​ຖັງ​ຢູ່ໃນ​ເມືອງ ​ພ້ອມທັງ​ພວກ​ທະຫານຫລາຍ​ໆສິບ​ຄົນ.

ອິງ​ຕາມ​ສື່​ມວນ​ຊົນ​ແຫ່ງ​ລັດ ກອງທັບ​ກ່າວ​ວ່າ ການ​ມີໜ້າ​ຂອງ​ພວກຕົນ​ໃນ​ເມືອງ Daraa
ແມ່ນ​ເພື່ອ​ເປັນ​ການ​ຕອບ​ສະໜອງ​ຕໍ່​ຄວາມ​ຮຽກຮ້ອງ​ຂອງ​ພວກ​ພົນລະ​ເມືອງ​ຢູ່​ໃນເມືອງດັ່ງ
ກ່າວ.

ບັນດາ​ກຸ່ມປົກ​ປ້ອງ​ສິດ​ທິມະນຸດ​ຍັງ​ໄດ້​ແຈ້ງ​ໃຫ້​ຊາ​ບ​ເຊ່ນ​ກັນ​ວ່າ ​ໄດ້​ຍິນ​ສຽງ​ປືນ​ຈາກ​ພວກ​ກໍາລັງ​ຮັກສາ​ຄວາມ​ປອດ​ໄພ​ຢູ່​ໃນ​ເຂດ Douma ​ເຊ່ນ​ກັນ ຊຶ່ງ​ເປັນ​ເຂດ​ຊານ​ເມືອງ​ຂອງ​ນະຄອນຫລວງ Damascus ນັ້ນ.

ທ່ານນາງ Navi Pillay ຂ້າ​ຫລວງ​ໃຫຍ່​ວ່າ​ດ້ວຍ​ສິດທິມະນຸດສະຫະ​ປະຊາ​ຊາດ​ຮຽກຮ້ອງ​ໃຫ້​ຊີ​ເຣຍຢຸດ​ການ​ປາບ​ປາມ​ທາງ​ທະຫານ​ຂອງ​ຕົນ​ແລະ​ຮຽກຮ້ອງ​ໃຫ້​ມີ​ການ​ສອບ​ສວນ​ສືບສວນ​ການ​ເຂັ່ນຂ້າ​ພວກ​ປະ​ທ້ວງ​ນີ້.

ສະຫະລັດ​ໄດ້​ປະນາມ​ການ​ໃຊ້​ຄວາມ​ຮຸນ​ແຮງ​ຕໍ່​ພົນລະ​ເມືອງ​ຊີ​ເຣຍນີ້ ​ໂດຍເອີ້ນ​ວ່າ ​ເປັນ​
ເລື້ອງທີ່​ໜ້າ​ໂສກ​ເສົ້າ​ເວດທະນາທີ່ສຸດ ​ແລະ​ອອກ​ຄໍາ​ເຕືອນ​ກ່ຽວກັບການ​ເດີນທາງ​ໄປ​ຍັງ
ຊີ​ເຣຍ ໂດຍ​ຮຽກຮ້ອງ​ໃຫ້​ພົນລະ​ເມືອງ​ສະຫະລັດ​ແລະ​ພວກ​ເຈົ້າ​ໜ້າ​ທີ່​ທີ່​ບໍ່​ຈໍາ​ເປັນ​ຂອງ​ສະ
ຖານທູດ​ໃຫ້​ພາກັນອອກ​ຈາກ​ປະ​ເທດ​ຊີ​ເຣຍ​ໄປໃນ​ຂະນະ​ທີ່​ການ​ຂົນ​ສົ່ງທາງ​ການ​ຄ້າ​ຍັງ​ມີ
ໃຫ້​ຢູ່​ຕໍ່ໄປ.

ໂຄສົກ​ປະ​ຈໍາ​ສະພາ​ຄວາມ​ປອດ​ໄພ​ແຫ່ງ​ຊາດ​ກ່າວ​ວ່າ ສະຫະລັດ​ກໍາລັງ​ພິຈາລະນາ​ການ​ເອົາ
ມາດ​ຕະການ​ຕອບ​ໂຕ້​ຕ່າງໆ​ຕໍ່​ການ​ປາບ​ປາມ​ຢ່າງ​ໂຫດ​ຫ້ຽມຂອງ​ຊີ​ເຣຍນີ້ ຮວມທັງ​ການລົງ
ໂທດຕໍ່​ເປົ້າ​ໝາຍ​ຕ່າງໆ ​ເພື່ອ​ໃຫ້​ເປັນ​ທີ່​ຈະ​ແຈ້ງວ່າ ພຶດຕິ​ກໍາ​ຂອງ​ຊີ​ເຣຍ​ແມ່ນ​ເປັນ​ສິ່ງ​ທີ່​ຮັບ
ເອົາ​ບໍ່​ໄດ້.

XS
SM
MD
LG