ລິ້ງ ສຳຫລັບເຂົ້າຫາ

ທາງການຊີເຣຍ ຈັບຝ່າຍຄ້ານ ຊື່ດັງຄົນນຶ່ງ

  • ສິງ ບູຣົມມະວົງ

ພວກປະທ້ວງຍົກປ້າຍຄໍາຂວັນ ໃນລະຫວ່າງການເດີນຂະບວນປະທ້ວງ ທີ່ເມືອງທ່າເຮືອ Banias ຂອງຊີເຣຍ ວັນທີ 19 ເມສາ, 2011

ທາງ​ການ​ຊີ​ເຣຍ​ໄດ້​ຈັບ​ກຸມ​ບຸກຄົນ​ຝ່າຍ​ຄ້ານ​ຊື່​ດັງ​ຄົນ​ນຶ່ງ ​ໃນ​
ເວລາ​ບໍ່​ເທົ່າ​ໃດ​ຊົ່ວ​ໂມງ​ຫລັງ​ຈາກ​ມີ​ການ​ຮັບ​ຜ່ານ​ຮ່າງ​ກົດ
ໝາຍສະບັບ​ນຶ່ງ​ຍົກ​ເລີກ​ກົດ​ພາວະສຸກ​ເສິນທີ່​ໃຊ້​ມາ​ເປັນ​ເວ
ລາ​ເກືອບ 50 ປີ​ນັ້ນ. ພວກ​ນັກ​ເຄື່ອນ​ໄຫວ​ດ້ານ​ສິດທິ​ມະ
ນຸ​ດກ່າວ​ວ່າ ທ່ານ Mahmoud Issa ​ໄດ້​ຖືກ​ຈັບໂຕໄປ​
ຈາກ​ບ້ານ​ເຮືອນ​ຂອງ​ທ່ານ​ໃນ​ເມືອງ Homs ​ໃນ​ພາກ​ກາງ
ຂອງ​ປະ​ເທດ​ໃນ​ແລງ​ວັນ​ອັງຄານ​ວານ​ນີ້ ​ໂດຍ​ພະ​ແນ​ກຮັກ
ສາ​ຄວາມ​ປອດ​ໄພ​ດ້ານ​ການ​ເມືອງ​ຂອງ​ຊີ​ເຣຍ.

ໃນ​ເຊົ້າ​ມື້​ວານນີ້ ລັດຖະບານ​ໄດ້​ຮັບຜ່ານ​ຮ່າງ​ກົດໝາຍສະ
ບັບ​ນຶ່ງ​ຍົກ​ເລີກ​ກົດ​ພາວະ​ສຸກ​ເສິນ ຍຸບ​ສານ​ວ່າ​ດ້ວຍ​ຄວາມ​ປອດ​ໄພ​ທີ່ດໍາ​ເນີນ​ຄະດີ​ພວກ​ນັກ​ໂທດການ​ເມືອງ​ແລະ​ຮັບ​ຜ່ານ​ຮ່າງ​ກົດໝາຍທີ່​ບັງຄັບ​ໃຫ້​ມີໃບ​ອະນຸຍາດ​ສໍາລັບ​ການເດີນ​ຂະ ບວນປະ​ທ້ວງ​ຕ່າງໆ​ນັ້ນ.

ໂຄສົກ​ຂອງ​ກະຊວງ​ການ​ຕ່າງປະ​ເທດ​ສະຫະລັດ ກ່າວ​ວ່າ ລັດຖະບານກຸງ​ວໍ​ຊິງ​ຕັນ​ມີ​ຄວາມ​
ເປັນ​ຫ່ວງ​ກັງວົນ​ວ່າ ຊີ​ເຣຍອາດ​ຈະ​ສັບ​ປ່ຽນ​ກົດໝາຍຈໍາກັດ​ຮັດ​ແຄບ​ສະບັບ​ນຶ່ງ ​ກັບກົດ
ໝາຍຈໍາກັດ​ຮັດ​ແຄບ​ສະບັບ​ໃໝ່. ໂຄສົກ​ທ່ານ​ນີ້​ໄດ້​ຮຽກຮ້ອງ​ໃຫ້​ຊີ​ເຣຍທໍາ​ການ​ປະຕິ​ຮູບ
ໄປ​ສູ່​ລະບອບ​ປະຊາທິປະ​ໄຕ​ຮອບດ້ານ​ຂຶ້ນ​ໃນ​ປະ​ເທດ​ນັ້ນ.

ເຖິງ​ແມ່ນ​ໄດ້ມີການນຳໃຊ້ກົດໝາຍ​ໃໝ່​ກໍ​ຕາມ ພວກ​ປະ​ທ້ວງ​ຫລາຍ​ພັນ​ຄົນ​ໄດ້​ພາກັນ​ໂຮມ
ຊຸມນຸມ​ກັນ​ໃນ​ຫົວ​ເມືອງ​ນ້ອຍ​ແລະ​ໃຫຍ່ຕ່າງໆ​ໃນ​ທົ່ວ​ຊີ​ເຣຍ​ໃນ​ວັນ​ອັງຄານ​ວານ​ນີ້ ​ເພື່ອ​ປະ
ທ້ວງ​ລັດຖະບານ​ຂອງປະທານາທິບໍ​ດີ Bashar al-Assad ນັ້ນ. ຢ່າງ​ໜ້ອຍ​ມີ​ພວກປະ
ທ້ວງ 2 ຄົນ​ເສຍ​ຊີວິດ​ໃນ​ລະຫວ່າງ​ການ​ປະ​ທະ​ກັນ​ໃນ​ເມືອງ Homs ບ່ອນ​ທີ່​ພວກ​ປະ
ທ້ວງ​ໄດ້​ພາກັນ​ນັ່ງ​ປະ​ທ້ວງ​ທີ່​ຈັດ​ຕຸ​ລັດ​ໃນ​ໃຈກາງ​ເມືອງ​ນັ້ນ.

XS
SM
MD
LG