ພວກນັກເຄື່ອນໄຫວຊີເຣຍກ່າວວ່າ ທະຫານລັດຖະບານໄດ້ໂຈມຕີເມືອງ Daraa ໃນພາກ
ໃຕ້ຂອງປະເທດ ບ່ອນທີ່ການລຸກຮືຂຶ້ນຂອງພວກຝ່າຍຄ້ານຕໍ່ຕ້ານປະທານາທິບໍດີ Bashar
al-Assad ໄດ້ເລີ່ມຂຶ້ນໃນເດືອນມີນາປີກາຍນີ້.
ກຸ່ມສິ້ງຊອມສິດທິມະນຸດທີ່ມີສຳນັກງານຢູ່ກຸງລອນດອນກ່າວວ່າ ມີ 4 ຄົນໄດ້ເສຍຊີວິດຢູ່ໃນ
ເມືອງດັ່ງກ່າວ ໃນວັນພະຫັດມື້ນີ້ ຮວມທັງການສູ້ລົບ ລະຫວ່າງພວກທະຫານລັດຖະບານຊີ
ເຣຍແລະທະຫານກະບົດ.
ຈີນກ່າວໃນວັນພະຫັດມື້ນີ້ວ່າ ຕົນພວມສົ່ງ ນັກການທູດອະວຸໂສທ່ານນຶ່ງ ໄປຍັງຊີເຣຍເພື່ອ
ເຈລະຈາຫາລືກ່ຽວກັບວິກິດການໃນປະເທດດັ່ງກ່າວ ທ່ານ Liu Weimin ໂຄສົກກະຊວງ
ການຕ່າງປະເທດຈີນກ່າວວ່າຮອງລັດຖະມົນຕີການຕ່າງປະເທດ Zhai Jun ຈະເດີນທາງ
ໄປຢ້ຽມຢາມຊີເຣຍໃນວັນສຸກແລະວັນເສົາແຕ່ຍັງບໍ່ສາມາດເວົ້າໄດ້ວ່າມີກຸ່ມໃດແດ່ຈະພົວພັນ
ໃນການເຈລະຈາຫາລືນີ້.
ທ່ານກ່າວວ່າ ຈີນຕ້ອງການຢາກກົດດັນໃຫ້ມີການແກ້ໄຂບັນຫາຢ່າງສັນຕິ. ຮອງລັດຖະມົນ
ຕີການຕ່າງປະເທດຈີນໄດ້ພົບປະກັບຄະນະຜູ້ແທນຝ່າຍຄ້ານຂອງຊີເຣຍ ທີ່ກຸງປັກກິ່ງໃນສັບ
ປະດາແລ້ວ.
ເບິ່ງວີດີໂອ ພວກທ່ານໝໍກ່າວຫາລັດຖະບານຊີເຣຍວ່າ ກໍ່ອາຊະຍາກຳສົງຄາມ
ຂະນະດຽວກັນ ກໍຄາດວ່າກອງປະຊຸມສະມັດຊາໃຫຍ່ອົງການສະຫະປະຊາຊາດຈະໃຫ້ການ
ສະໜັບສະໜຸນ ໃນຂອບເຂດທີ່ກວ້າງຂວາງ ໃນວັນພະຫັດມື້ນີ້ ຕໍ່ຍັດຕິທີ່ກ່າວຫາຊີເຣຍວ່າ
ໄດ້ລ່ວງລະເມີດຕໍ່ສິດທິມະນຸດ ແລະຮຽກຮ້ອງໃຫ້ລັດຖະບານ ຂອງປະເທດດັ່ງກ່າວຢຸດເຊົາ
ການປາບປາມແບບນອງເລືອດຕໍ່ພວກຄັດຄ້ານລັດຖະບານ. ຮ່າງຍັດຕິທີ່ໄດ້ມີການແຈກຢາຍ
ໂດຍພວກນັກການທູດອາຣັບສະບັບນີ້ ເປັນຍັດຕິທີ່ບໍ່ມີຜົນບັງຄັບ.
ຣັດເຊຍແລະຈີນໄດ້ວີໂຕ້ຫຼືໃຊ້ສິດຢັບຢັ້ງຮ່າງຍັດຕິຂອງສະພາຄວາມໝັ້ນຄົງອົງການສະຫະ
ປະຊາຊາດໃນຕົ້ນເດືອນນີ້ ຂັດຂວາງບໍ່ໃຫ້ສະພາຄວາມໝັ້ນຄົງ ໃຫ້ການສະໜັບສະໜຸນຕໍ່
ແຜນການຂອງປະເທດຕາເວັນຕົກທີ່ໄດ້ຮັບການໜຸນຫຼັງຈາກບັນດາປະເທດອາຣັບທີ່ຈະບັງ
ຄັບໃຫ້ປະທານາທິບໍດີ Assad ລາອອກ ເພື່ອຍຸຕິວິກິດການຢູ່ໃນປະເທດດັ່ງກ່າວ.
