ກຸ່ມປົກປ້ອງສິດທິມະນຸດໃນຊີເຣຍກຸ່ມນຶ່ງກ່າວວ່າ ພວກກະບົດໄດ້ລ່າຖອຍຄືນຈາກໝູ່
ບ້ານຕ່າງໆ ທີ່ຢູ່ອ້ອມແອ້ມ ເມືອງ al-Haffeh ທາງກໍ້າຕາເວັນຕົກສຽງເໜືອປະເທດ
ຫຼັງຈາກທະຫານຂອງລັດຖະບານໄດ້ຍິງປືນໃຫຍ່ໂຈມຕີມາເປັນເວລາຫຼາຍມື້.
ກຸ່ມສິ້ງຊອມສິດທິມະນຸດຊີເຣຍ ທີ່ມີສໍານັກງານຢູ່ອັງກິດ ກ່າວເມື່ອວັນພຸຸດ ມື້ນີ້ວ່າ ພວກ
ກະບົດໄດ້ຖອນກໍາລັງຂອງຕົນອອກຈາກເຂດຕ່າງໆໃກ້ເມືອງ al-Haffeh ໃນແຂວງ
Latakia ບ່ອນທີ່ກໍາລັງທະຫານຂອງລັດຖະບານ ໄດ້ທໍາການໂຈມຕີຫຼາຍໆບັ້ນດ້ວຍ
ເຮືອບິນເຮລິຄອບເຕີ ແລະລົດຖັງນັ້ນ.
ກະຊວງຕ່າງປະເທດສະຫະລັດໄດ້ເຕືອນເມື່ອວັນຈັນຜ່ານມາວ່າ ຈາກລາຍງານຂ່າວ
ພາຍໃນຫຼາຍກະແສຂອງຊີເຣຍນັ້ນ ສະແດງໃຫ້ເຫັນວ່າ ກໍາລັງທະຫານຂອງປະທາ
ນາທິບໍດີ Bashar al-Assad ໄດ້ຕຽມການທີ່ຈະທໍາການສັງຫານໝູ່ອີກບັ້ນນຶ່ງໃນ
ເມືອງ al-Haffeh ເພື່ອແກ້ແຄ້ນທີ່ພວກຊາວ ເມືອງນີ້ໃຫ້ການສະໜັບສະໜຸນຕໍ່ການ
ລຸກຮືຂຶ້ນທີ່ດຳເນີນມາໄດ້ 15 ເດືອນຜ່ານມານັ້ນ.
ກະຊວງຕ່າງປະເທດຊີເຣຍໄດ້ອອກຖະແຫຼງການສະບັບນຶ່ງ ຜ່ານສື່ມວນ ຊົນລັດເມື່ອ
ວັນອັງຄານວານນີ້ ປະນາມການກ່າວຫາຂອງສະຫະລັດ ໂດຍເອີ້ນວ່າ ເປັນການແຊກ
ແຊງໂດຍຢ່າງເປີດແປນເຂົ້າໃນກິດຈະການຕ່າງໆ ຂອງຊີເຣຍ ແລະກ່າວວ່າ ມັນເປັນ
ເຫດບັງເອີນທີ່ເກີດພ້ອມກັບການໂຈມຕີທີ່ເພີ່ມທະວີຂຶ້ນໂດຍພວກກະບົດ. ດາມັສກັສ
ໄດ້ກ່າວຫາເມື່ອວັນພຸດມື້ນີ້ ວ່າວໍຊິງຕັນຍັງສືບຕໍ່ສະໜັບສະໜຸນພວກກໍ່ການຮ້າຍ ພວກທີ່ເຈົ້າໜ້າທີ່ຊີເຣຍກ່າວວ່າເປັນຕົວການການລຸກຮືນັ້ນ.
ກຸ່ມສິ້ງຊອມສິດທະມະນຸດຊີເຣຍ ກ່າວເມື່ອວັນອັງຄານວານນີ້ວ່າ ການສູ້ລົບໄດ້ສັງຫານ
ຢ່າງໜ້ອຍ 64 ຄົນສ່ວນໃຫຍ່ຍ້ອນການຍິງຖະຫຼົ່ມຂອງ ຝ່າຍລັດຖະບານ ໃສ່ເຂດຕ່າງໆ
ຂອງພວກກະບົດ ເຊັ່ນ Aleppo ແລະ el-Zour.
