ທ່ານພັນກີມູນ ເລຂາທິການໃຫຍ່ສະຫະປະຊາຊາດ ໄດ້ອອກຄໍາຮຽກ ຮ້ອງໃນວັນອາທິດມື້
ນີ້ໄປຍັງປະທານາທິບໍດີຊີເຣຍ ທ່ານ Bashar al-Assad ທີ່ກໍາລັງປະເຊີນກັບບັນຫານັ້ນ
ໃຫ້ຢຸດເຊົາທໍາການເຂັ່ນຂ້າປະຊາຊົນຂອງຕົນເອງ.
ໃນຄໍາປາໄສທີ່ສໍາຄັນຕໍ່ກອງປະຊຸມແຫ່ງນຶ່ງ ທີ່ເພ່ງເລັງໃສ່ປະຊາທິປະ ໄຕໃນໂລກອາຫຣັບ
ນັ້ນທ່ານພັນກີມູນກ່າວວ່າ ເສ້ນທາງແຫ່ງການປາບປາມ ເປັນທາງຕັນ.
ທ່ານພັນກ່າວຕໍ່ພວກທີ່ມາຮ່ວມໃນກອງປະຊຸມ ທີ່ກຸງ Beirut ວ່າການປະຕິວັດໃນໂລກອາ
ຫຣັບສະແດງໃຫ້ເຫັນວ່າ ປະຊາຊົນຢູ່ທີ່ນັ້ນ
ບໍ່ດີໃຈນໍາການປົກຄອງໂດຍຜູ້ຜະເດັດການຕໍ່ໄປອີກແລ້ວ. ທ່ານພັນກີມູນ ຍັງຮຽກຮ້ອງເຊ່ນ
ກັນໃຫ້ອີສຣາແອນຍຸດຕິການຄອບຄອງໃນດິນແດນໃນໂລກອາຫຣັບ ໂດຍກ່າວວ່າ ການຕັ້ງ
ຖິ່ນຖານໃໝ່ຫລືເກົ່າກໍດີ ແມ່ນຜິດກົດໝາຍ.
ໃນຂະນະດຽວກັນ ບັນດາເຈົ້າໜ້າທີ່ອົງການຂ່າວ SANA ຂອງຊີເຣຍກ່າວວ່າ ທ່ານອັສສັດ
ໄດ້ໃຫ້ນິລະໂທດກໍາທົ່ວໄປແກ່ພວກທີ່ກະທໍາຜິດກົດໝາຍ ນັບແຕ່ການລຸກຮືຂຶ້ນຕໍ່ຕ້ານລັດ
ຖະບານຂອງທ່ານເລີ້ມຂຶ້ນເມື່ອ 10 ເດືອນກ່ອນ ແຕ່ບໍ່ໄດ້ແຈ້ງລາຍລະອຽດອື່ນໆໃຫ້ຊາບ.
ສະຫະປະຊາຊາດກ່າວວ່າ ປະຊາຊົນຈໍານວນຫລາຍກວ່າ 5 ພັນຄົນໄດ້ເສຍຊີວິດໄປໃນຊີ
ເຣຍ ນັບແຕ່ການລຸກຮືຂຶ້ນໄດ້ເລີ້ມມາຕັ້ງແຕ່ເດືອນມີນາແລ້ວນີ້ ໃນຂະນະທີ່ທາງການຊີເຣຍ
ຖິ້ມໂທດໃສ່ອັນທີ່ເຂົາເຈົ້າເອີ້ນວ່າ ພວກກໍ່ການຮ້າຍປະກອບອາວຸດ ທີ່ໄດ້ສັງຫານພວກກໍາ
ລັງຮັກສາຄວາມປອດໄພຂອງຊີເຣຍໄປປະມານ 2 ພັນຄົນນັ້ນ.
ໃນການໃຫ້ສໍາພາດທີ່ກໍານົດຈະອອກອາກາດໃນຕອນແລງວັນອາທິດມື້ນີ້ໃນສະຫະລັດ ໃນ
ຕາຫນ່າງໂທລະພາບຂ່າວ CBS, Sheikh Hamad bin Khalifa al-Thani ກະສັດ
ແຫ່ງQatar ສະເໜີໃຫ້ສົ່ງພວກທະຫານອາຫຣັບໄປຍັງຊີເຣຍ ເພື່ອຢຸດການນອງເລືອດກັນ
ໃນປະເທດດັ່ງກ່າວ.
